[Operamini2015]

انا كنت بدور على اى سى اشاره لجهاز كيومكس h5 فى شارع الملك حفنى فى فكتوريا ولا واحد فيهم قال الاى سى موجود لكن بعد ماخليت صاحبى يدخل المحلات يسال بانه معاه جهاز h5 ومحتاج اى سى اشاره معظم المحلات قالت هات الجهاز ونصلحه ولاى سى موجود وللاسف انا من الصعيد ومش جبت الجهاز معايا ومش عارف اعمل ايه والا الحل ايه لان لو مشيت صعب ارجع تانى او اى حد يجيب الجهاز ياريت لو حد يعرف حد فى فكتوريا يكون ابن حلال يوفرلى الاى سى مع العلم انى مسافر غدا يكون مشكور

[Operamini2015]

ياريت اللى يقدر يساعدنى حتى لو بكلمه مايبخلش عليا

[DmgRoxx]

بص يا كبير هو المجال ده بالذات الناس الصح فيه قليلين شويه بالذات مع المش فاهم
بس برده ارجع اقولك انك صعب تلاقى حد يديك الى سى كده عشان مكسبه فى الصيانه مش بيعه فهو بيدور على مصلحته برده وده طبيعى فصعب جدا جدا تلاقى حد يديهولك كده لانه بيجيبوا على اساس الاستخدام مش البيع

[اسراء احمد جمعة]

فى مكان بس مش عارف بعيد عنك ولا ايه هو فى المرج بجوار قسم المرج اسم المحل كيوماكس اتش دى وانا جبته من هناك ناس محترمه بجد .....................................بعد اذن الادارة الراجل محتاج مساعدة وانا عارف ان ده ممنوع

[Operamini2015]

المرج دا فين دا فى اسكندريه ولا فى القاهره؟

[KING-H]

المشاركة الأصلية كتبت بواسطة Operamini2015

المرج دا فين دا فى اسكندريه ولا فى القاهره؟

القاهرة ... ودي اخر محطة في المترو

[Operamini2015]

انا كنت مستعد لاى محل يدهولى وازودله فلوس لكن للاسف مافيش ضمير ومش مقدرينى انى من الصعيد يعنى 13 ساعه سفر

[سوق الدش]

اطلع على توكيل عبدالعال هيبيعوه ليك من غير جهاز

[jok37]

انت شارى الجهاز ده قريب لانى قريت موضوعك من حوالى شهرين عن رغبتك فى شراء الجهاز من الاسكندرية نصيحتى ليك روح توكيل عبد العال فى شارع ملك حفنى

[Operamini2015]

ايوا شاريه من 6 شهور او اقل ورحتلهم قلولى احنا بنبيع بس كله نصاب

[gameyking]

موجود ياغالي في باب اللوق عند الجمال اوالمصري

[Operamini2015]

بشكر كل الناس اللى ردت وبارك الله فيكم جميعا واخيررا حصلت عليه من البشمهندس درش غازى بعتهولى من كفر الشيخ مع سواق لسكندريه