[Mohamed Khaled Goher]

السلام عليكم .. سؤال .. ما الفرق بين الشاشات المنحنية و المسطحة و إيه أفضل .. نوع .. مع العلم إنى كنت بفكر فى نوع موجود على موقع سوق ب 6000 ج .. سامسونج 48 .. بوصه .. ياريت النصيحة لأنى إحتارت بصراحة ..

[bebo606]

لا داعي للحيرة استاذي الفاضل والسبب مايلي : -

الشاشات كثيرة وانواع متعددة لا حصر لها فمثلا نجد شاشة سامسونج 40 بوصة يوجد منها أكثر من نوع او شاشة lg مقاس 42 بوصة ومنها انواع كثيرة وهكذا

ولذلك لا بد ان تحدد ما تحتاجه من خصائص في الشاشة كما يلي :-

1- هل تحتاج شاشة hd ولا full hd ولا 4K هذا من ناحية جودة الصورة ووضوحها ونقائها .
2- هل تحتاج الشاشة بها خاصية سمارت يعني تشغل عليها نت زي الكمبيوتر ولا مش محتاج هذه الخاصية .

3- هل تحتاج لخاصية 3d --- ثري دي ولا مش محتاجها .

4- الميزانية التي وضعتها لشراء شاشة كام .

5- لابد أن تضع في الاعتبار ان خاصية الثري دي غير متوفر قنوات ليها حاليا وبتحمل افلام ثري دي تحتاج سرعات نت عالية .

6- ان خاصية نقاء الصورة في 4K لن تستفيد منها حاليا لان قنوات بهذه الخاصية غير موجود هذه الأيام

7 - أما بالنسبة لماركة الشاشة : سواء سامسونج أو lg الاثنين ممتازين وعن تجربة لأن عندي النوعين ---- ولكن عن نفسي أفضل السامسونج لاني احس ان نقاء الصورة فيها أعلى وأفضل .

إذن : بعد كل ما سبق على حضرتك تحدد ما تحتاجه في الشاشة من خصائص وصفات .


وفي انتظار مشاركات أخرى للاستفادة

تحياتي لحضرتك

[DmgRoxx]

المنحنيه دى 4K وده صوره افضل من ال HD بكتير (بالارقام وليس بالتجربه)
بس مشكلتها الرسيفرات بتاعتها مش متوفره ولو لقتها هتكون غاليه جدا غير ان القنوات بتاعتها لسه مظهرتش غير قناه واحده فى اليابان ودى مش بنستقبلها
اما المسطحه فدى يا HD يا اما Full HD ودى انصحك بيها لان التانيه هتلاقيها غاليه جدا وحساسه فى التعامل اوى وفى نفس الوقت مش هتستفيد بيها حاليا وقدامها بالميت 4 5 سنين لحد م تنتشر لان مفيش باقه بتفكر تفتح الخاصيه دى اساسا

[kalmat_2000]

اكيد الالترا اتش دى احسن وافضل لانك مش كل يوم هتشترى تلفزيون خصوصا بملغ كبير زى ده بالنسبه للقنوات موجوده بس مش كتير بالنسبه للرسيفر موجود كمان الترا اتش دى ولكن سعره غالى اضغط على اى قمر هيظهر ليك تردد قنوات الالترا
http://www.flysat.com/satlist-uhd.php