[حمدى مندى]

اولا بعتذر للاخوه المشرفين وانا اعلم ان مكان مشكلتى ليست هنا ولكن للاسف مش لاقى حل وكلى ثقه ان ممكن حد هنا يفيدنى

انا كنت على ويندوز 7 وعملت ابديت لويندوز 10 وبعد الابديت لقيت برنامج على ويندوز 10 لقفل البارتيشن حبيت اجربه واشتغل وعملت باس ورد وبعد كام يوم الجهاز هنج منى نزلت له ويندوز 7 تانى وكانت المفاجاة لقيت البارتيشن لسه مقفول دخلت الباس ورد لكن المصيبه البارتيشن مافتحش برضه ومش عارف اعمل ايه رجعت لويندوز 10 تانى لقيت نفس المشكله والبارتيشن لسه مغلق ومش عارف اعمل ايه انا دلوقتى على ويندوز 7 ارجوكم ايه العمل يا جماعه

وبكرر اعتذارى لمشرفى القسم مرة اخرى

[م/محمدزيان]

أخ حمدى للاسف قوانين المنتدى تمنعنا من وجود هذا الموضوع فى قسم ليس متخصص به
لكن اخى سوف ارفع هذة المشكلة للادارة
وان وجد الحل سيتم الرد عليك فورا من احد الاخوة الاداريين
وان شاء الله تحل مشكلتك
انتظر الرد من احد الاخوة الاداريين داخل الموضوع

[حمدى مندى]

بارك الله فيك م| محمد وانا بكررر اعتذارى مره تالته

[Dr. Hazem Tamim]

استاذ حمدي
حضرتك قفلت الدرايف بحاجة أسمها bit locker ودي مش بتتفك حتي لو انت طلعت الجهاز بره الكمبيوتر لانها بتقفل الهارد من الكونترولر بتاعه برقم سري هو اللي انا متاكد منه ان حضرتك بتحط الرقم السري غلط والغلط دهرممكن يكون حرف كبير او انت عملته صغير وهكذا

[حمدى مندى]

ازيك يادكتور حازم

للاسف انا كنت عامل الباس ورد ارقام ورقم انا عارفه مش ناسيه لكنه مش بيقبل وفى ملف اسمه ريكفرى كى انا مسيفه المفروض انه فى حالة نسيان الباس ورد يفتح البارتيشن لكن للاسف برضه لا يقبل الريكفرى كى

[Dr. Hazem Tamim]

ممكن حضرتك نصورلى شاشة الكمبيوتر والرسالة اللى بتجيلك لما بتفتح البارتيشن

[م/محمدزيان]

الاخ حمدى مندى
دا اقتباس من رد المهندس مازن كالتالى

المشاركة الأصلية كتبت بواسطة mazen_coco

شوف الشرح ده كده
https://www.youtube.com/watch?v=RgkS_Qnn0ag
او جرب احد الحلول الاتية

قم بتنزيل الويندوز اللى حضرتك كنت مسطب عليه البرنامج سواء كان 7 او 10
وقم بتسطيب البرنامج وقم بوضع الباص ورد
مكنش يبقى حمل اسطوانة الهيرنز بوت وجرب تدخل على المينى ويندوز
وانقل الحاجات اللى على البارتشن المقفول بعد فتحه بالمينى ويندوز ومن ثم انقلها على اى هارد او بارتشن اخر وبعدين فرمت البارتشن المقفول بعد نقل الحاجه
او جرب تدخل على السيف مود وحاول بنفس الطريقة اللى فى الاعلى

وان شاء الله المهندس مازن وباقى الاخوة الاداريين سيتابعون معك
حتى تحل مشكلتك
وارجوا الرد على استفسار الاخ الكريم د/حازم

المشاركة الأصلية كتبت بواسطة hazem tamim

ممكن حضرتك نصورلى شاشة الكمبيوتر والرسالة اللى بتجيلك لما بتفتح البارتيشن

وان شاء الله اخى تحل مشكلتك بكل سهولة
وكل الاعضاء والاداريين حيساعدوك بكل ما يمكنهم
تقبل تحياتى لك اخى حمدى

[حمدى مندى]

طيب فعلا انا بحاول اعمل ابديت لويندوز10 زى ماحصل قبل كده وهاشوف ايه اللى هايتم ومتابع مع حضرتكم وشاكر الاهتمام الكبير ده [IMG][/IMG]

[حمدى مندى]

وفى حالة الضغط على نسيت كلمة السر

[IMG][/IMG]

[حمدى مندى]

الحمد لله بعد لف ودوران فى المواقع والمنتديات وتجربة كل شيىء الدخول من المود سيف لم يفلح الدخول بنظام لينكس لم يفلح تم تحميل اسطوانة هيرن بوت والتعامل من خلال مينى ويندوز لم يفتح البارتيشن ايضا ولكنى تمكنت من عمل فورمت للبارتيشن من خلال المينى ويندوز والحمد لله انها جت على اد كده الداتا تتعوض

كل الشكر للاخوه اللى فى القسم المهندس محمد زيان والدكتور حازم وكل من حاول المساعده

برجاء حذف الموضوع من القسم ولكم كل الشكر

[م/محمدزيان]

بالتوفيق اخى الكريم حمدى
والحمد لله على حل مشكلتك
واتمنى منك اتخاذ الحذر المرة القادمة
مغلق لانتهاء الغرض