[عبدالستار شامه]

عايز شرح طريقة تشغيل التايم شيفت علي ال h6
وعايز اعرف هو محتاج فلاشة اكبر من 8 جيجا ولا 8 جيجا كويسة للماتش
والله الموفق والمستعان

[م/علاء يحيي]

اولا تعريف الخاصية

1:هية تقنية لتخزين البث المباشر وعرضة وتثبيتة

2:تعمل التقنية على معالج pause مثل الفيديو العادى

متطلبات التشغيل والاستفادة من الخاصية

1: فلاشة او هارد ديسك من نوع يو اس بى usb

مفهوم التايم شفت

خاصية التايم شفت هية خاصية تقدر تثبت بيها البث الحى وتتفرج علية تانى بدون ان ينقطع منه ثانية واحدة

يعنى زى شريط الفيديو

هتقولى ازاى


نفترض انك بتتفرج على مباراة كورة وجالك تليفون فى الدقيقة 15:47 وعايز مضيعش ولا ثانية من الماتش

هتشغل خاصية التايم شفت هيوقفلك وقت البث المباشر لاى فترة لغاية لما تيجى وبعدين تبتدى تشغل تانى ويبدء العرض من الدقيقة 15:48 حتى لو سبت الجهاز لفترة طويلة مثبت فيها العرض

اكنك بتتفرج على شريط فيديو
هتقولى طيب ازاى هوة انا هكون مأخر البث عندى هقولك ايوة يعنى لو انت وقفت العرض لمدة عشرة دقائق

الماتش هيخلص عند الناس كلها وعندك هيكون فاضل فية عشرة دقائق

المهم ندخل فى كيفية تشغيل الخاصية وبعدين انت جرب وهتعرف

طريقة التشغيل
1: هتضع الفلاشة فى اليو اس بى وتنتظر حتى يتم قرائتها

2:تضغط على المفتاح الاخر (sub)الاخضر هيكتبلك فوق على اليمين كلمة اديو (audio)
3: ثم اضغط على المفتاح الاحمر مكتوب علية (audio) كدة التايم شفت اشتغل

لو حبيت تثبت البث المباشر بقى اضغط تانى على المفتاح الاخضر ولتشغيل البث المباشر برضة المفتاح الاخضر

[حمادة عمر]

مشكور على الشرح الممتاز

[عبدالستار شامه]

محتاج فلاشة كبيره ولا 16 جيجا كويسة انا هستخدمة في الماتشات ضبط الصوت مع الصورة

[الكينج علي]

لاتعمل عليh6

[anubis2b]

لاتعمل عليh6 مافيش تايم شيفت

[شريف محمد السيد]

الطريقة الصحيحة للتشغيل هى بعد وضع الفلاشة بالريسيفر تضغط على زر التوقف من الريموت اللى فوق الزر الاحمر وعلامته مثلث وشرطتين وسوف تلاحظ على الشاشة بأنه يتم تعريف القرص الصلب وبعد ذلك سوف تلاحظ توقف القناة وتظهر علامة بالاسفل تبدأ بعد الوقت وتنتظر بعض الوقت على الاقل دقيقتان او على ماتقضى غرض معين وبعدين تضغط كمان ضغطة على نفس الزر لتشغيل القناة وبذلك تم تشغيل التايم شيفت وتقدر توقف البث تانى وتالت وتقدم وتأخر براحتك وفى النهاية اذا اردت الرجوع للبث العادى اضغط عى زر الخروج وبعدين نعم وسوف يتم سؤالك هل تريد حفظ ماتم تسجيله ام لا ولك حرية الاختيار ومشاهدة ممتعة وتحياتى للجميع

[حسام ثروت]

لو سمحت ازاى أخر البث فى ريسيفر qmax h4 plus علشان اسمع الماتشات تعليق عربى