[sasamamo]

اية هو افضل كارت ستالايت يشغل قنوات full hd ويكون موجود فى القاهره وانا امكانيات جهازى رام 8 جيجا بروسيسور كور اى فايف وكارت الشاشة من نيفاديا GTX 660 2GB ddr5 يعنى جهازى يشغل اى كارت ستالايت ارجو المساعده فى اختيار الكارت المناسب

[26 abu yassin]

على حسب الموجود ف السوق المصرى tevii s2 464
ودور كتر لانه قليل ف السوق اليومين دول

[sasamamo]

فعلا انا لقيت ان الكارت ده ممتاز بس فعلا نادر عمال ادور مش لاقى كل المحلات بتقول خلص من عندها

[sasamamo]

طب انا عندى بوردة msi770-G45 هل كارت TeVii S471 يشتغل ليها تمام ارجو الرد ضرورى وهل هو افضل من s464

[alamogy]

اذا دى المازربورد بتاعتك
ايوه Tevii S471 يشتغل عليها
طبعا كارت PCIe افضل من كارت PCI

[alamogy]

عايز بس اضيف حاجة
انا بقول كارت PCIe افضل من كارت PCI
لكن بالنسبة للكارت المذكور مش هو افضل كارت ستالايت

[ahmed beko]

يا جدعان انا معايه كارت Tevii S471 كان مشغل قناة دهوك قبل ما تتشفر ومش عايزة تشتغل حاليا ولا عايزة تجيب اشارة رغم لما اركب السلك ع الرسيفر تشتغل عادي محدش يعرف ايه السبب رغم ان باقي القنوت القمر شغاله عادي

[26 abu yassin]

المشاركة الأصلية كتبت بواسطة sasamamo

طب انا عندى بوردة msi770-G45 هل كارت TeVii S471 يشتغل ليها تمام ارجو الرد ضرورى وهل هو افضل من s464

البورده تدعم الكارت ... لى سؤال هو موجود فين محتاج واحد

المشاركة الأصلية كتبت بواسطة ahmed beko

يا جدعان انا معايه كارت Tevii S471 كان مشغل قناة دهوك قبل ما تتشفر ومش عايزة تشتغل حاليا ولا عايزة تجيب اشارة رغم لما اركب السلك ع الرسيفر تشتغل عادي محدش يعرف ايه السبب رغم ان باقي القنوت القمر شغاله عادي

اشارة القناه اصبحت ضعيفة نسبيا

[sasamamo]

انا روحت مول والراجل قالى مافيش كروت قولتله دورى فى المخزن على كارت tevii471 قالى استنه راح مالقاش غير قطعه واحد من كارت tevii s464 قالى مافيش غير وممكن ماتلاقيش كتروت الفترة القادمه بسبب الدولار وقالى انه مايفرقش عن tevii 471 ده حتى قالى ان كارت tevii 471 ساعات بيعانى من تعريفاته وبيحصل مشاكل المهم جبت الكارن s464 وشغلته ببرنامج البروج الممتاز وعندى ديزك ظبط علية نايل سات واوربى والكرت يعمل بامتياز وانصح بتنزيل كودك K-Lite Codec Pack ولم تفتح البروج اختار كودك الصورة اسمه LAV سواء للقنوات العادية او الاتش دى بيقدم صورة ممتازة والف شكر للناس ايلى ردت وساعدتنى

[sasamamo]

اة واشترىت الكارت منه على 280 جنية هل ده سعر جيد ام اتضحك عليه

[♥MR.IbRaHiM♥]

مبروك عليك الكرت

السعر دا جميل جدا ولا ف الاحلام
واضح ان الراجل كان بيضحي

[sasamamo]

المشاركة الأصلية كتبت بواسطة ♥MR.IbRaHiM♥

مبروك عليك الكرت

السعر دا جميل جدا ولا ف الاحلام
واضح ان الراجل كان بيضحي

هو ممكن يكون عشان اخر كارت وبقاله فترة مركون راح قايلى السعره ده والله يبارك فى حضرتك يرجى اغلاق الموضوع لانتهاء الغرض منه