[طة فؤاد]

لو سمحتم انا عندى روتر تى داتا وموصل جهازين معاية على الشبكة كمان
بمعدل كل نص ساعة علامة المثلث الاصفر بتظهر على اليمين وتقطع الاتصال
دورت كتير فى ناس قالو غير اى بى الجهاز والدى اس ان عملت كل حاجة ومفيش حل
وعملت لكل جهاز اى بى خاص
واخيرا اتصلت بالشركة وقعدت معاة على التليفون 45 دقيقة ومفيش حل
اعمل اية طيب لو سمحتم لو حد عندة حل يفيدنى
عندى ويندوز سفن
النت كابل من الروتر مش وير لس
وشكرا

[على الشرارى]

ينقل لقسمه الصحيح بمعرفتى
ورجاء وضع المواضيع فى قسمها الصحيح
وذلك حفاظاَ على تنظيم القسم
وتسهيلاَ للاعضاء
تحياتى لك

[ابوعنان]

بص اخى الكريم اولا انت موصل سلك الحراره اللى جاى من الشارع مباشر فى الروتر ولا موصل كونكت وبعدين واخد سلك على التليفون الاراضى والطرف التانى الى الروتر تانيا تأكد انى لمبة adsl تكون ثابته تمام ولمبة internet تكون تضئ وتطفى على طول لو لقيت لمبة adsl بتطفى وتشتغل يبقى عندك مشكلة فى الحراره تشوف حد من السنترال هيجى عندك يظبط الحراره والنت هيشتغل معك وانا والاخوة متابعين معك لحد مايشتغل ان شاء الله

[مؤمن ابوحنين]

الله ينور اخى ابو عنان

[طة فؤاد]

اولا شكرا اخى الكريم على الرد
انا موصل كونفرت للروتر والتليفون الارضى
لمبة adsl انا تابعتها من امبارح ثابتة تمام
يعنى انا لو غيرت الكونفرت ممكن يكون هوة السبب اخى
مع العلم ان النت عندى بيقطع بصورة رهيبة بس لا حياة لمن تنادى من قبل الشركة

المشاركة الأصلية كتبت بواسطة hams22

بص اخى الكريم اولا انت موصل سلك الحراره اللى جاى من الشارع مباشر فى الروتر ولا موصل كونكت وبعدين واخد سلك على التليفون الاراضى والطرف التانى الى الروتر تانيا تأكد انى لمبة adsl تكون ثابته تمام ولمبة internet تكون تضئ وتطفى على طول لو لقيت لمبة adsl بتطفى وتشتغل يبقى عندك مشكلة فى الحراره تشوف حد من السنترال هيجى عندك يظبط الحراره والنت هيشتغل معك وانا والاخوة متابعين معك لحد مايشتغل ان شاء الله

[ابوعنان]

جرب تاخد مباشر لو اشتغل تمام يبقى غير الكونفرت اللى عندك
متابع معك

[ahmedmedooo]

الله ينور على المتابعه

[ابوعنان]

وعليك يا استاذ احمد
وبالتوفيق لصاحب
الموضوع

[طة فؤاد]

شكرا جدا ياهخوتى الكرام لكن مش عارف فية اية بالضبظ
انا موصل نت من اربع سنين مكنش عندى اى مشاكل فى اول 3 سنين
اخر سنة صعبة خالص
اخر حاجة علشان مش اتقل عليكو
انا من الزقازيق لو حد جرب شركة تانية غير تى داتا يقولى وشكرا

[ابوعنان]

يا استاذ طه كلنا تحت امرك هنا معليش بتحصل عندنا كلنا
المهم جرب الاول تاخد مباشر من الروترين اللى عندك
جرب واحد واحد كده
وان شاء الله هتعرف المشكله فين واحنا كلنا بنساعد بعض
وهنكون معك لحد ما نحل المشكلة
بالتوفيق ياغالى

[ahmedmedooo]

اكيد حضرتك موصل اكسس هوائى
او فى مشترك معاك موصل اكسس او روتر ومحوله لاكسس
ومفعل DHCP ومغيرش الاى يبهات
وده اللى عامل مشكله المثلث الاصفر وفصل النت نهائيا
وطبعا كل ده بدون علمك
والمشكله دى بتحصل عند كل اصحاب الشبكات
وبتحصل معايا شخصيا
وبالتوفيق ان شاء الله تعالى

[طة فؤاد]

شكرا اخوتى الكرام
بس ممكن شرح للنقطة الاخيرة دى لانى مش فاهمها

[طة فؤاد]

النقطة دى اللى حضرتك اتكلمت عنها
DHCPv6

[طة فؤاد]

DHCP Option pool اوقف التفعيل بتاعها والة اعمل اية
واغير الايبهات اكتب اية وشكرا

[ahmedmedooo]

اتفضل الشرح هنا