[AESW]

السلام عليكم ورحمة الله وبركاته
اريد من الاخوه الكرام ترشيح بعض انواع للرسيفرات تعمل بنظام لينكس لاني ليس لي اي دراية بهذه النوعية ولا مميزتها ويكون سعره في المتوسط من 700 الي 1000ويكون فاتح للقنوات المشفرة علي الاوربي واغلب الاقمار الرياضية و يكون بيدعم انواع عديده من ********* ويكون ******* بتاعه ممتاز علشان فك ******* ولما مدة ******* الي بتيجي معاه تخلص ممكن اعمل ايه علشان اشغل المشفر تاني يعني ممكن يتحول او ينزله سوفت يفتحلي مده تانية وكده واسف ع الاطاله وايه البلجات والحاجات الي مكتوبه في القسم والانيجما2 وفيدتها ايه ويكون ليه دعم فني بكثرة

[Mohamed Alhayes]

فيه ايه
ايه اللي حصل للمنتدي ده
الراجل سأل سؤال بسيط و سهل اكتر من 100 واحد دخل و مفيش رد ولا حتي من المشرفين هو الموقع بقي بتاع اعلانات مزعجة بس ومش دي المرة الاولي حد يسأل و مفيش رد .
اللي بيسأل ده عاوز يشتري و مش عارف يشتري ايه و محتاج المساعدة الناس بتبخل ليه بالرد مش عارف و المشرفين مش بيردوا ليه مش عارف !!!!؟؟؟؟؟
الاخ AESW انا بردو معنديش خبرة بس انا دخلت كذا موقع عشان عاوز ريسيفر كويس صوت و صورة ممتازة فقط عشان انا عندي دريم بوكس بس القوائم مش سهلة و الاولاد معرفوش يتعاملوا معاه عشان كده بدور علي ريسيفر صوت و صورة و بس مش مهم عندي فاتح قنوات او غيره .
و من البحث عشانك و المواصفات اللي انت عاوزها ريسيفر sky Air pack HD V3 وده تقريبا 750 جنيه
و ايضا ريسيفر Drake 7500 HD V3 و ده تقريبا 1000 جنيه
اللي عنده رأي تاني يقول يساعد الاخ AESW
و الاخوة المشرفين ارجوكم تفاعلوا معانا مش هتخسر حاجة لما تدينا ترتيب وتقول الريسيفر ده الاول و ده التاني و هكذا و انا اختار
فيه مواقع كتير بس للأسف في الخارج بتعمل اخر السنة ترتيب افضل 10 اجهزة وفيه ناس كتير بتاخد التقييم ده بجدية عند الاختيار
مصراوي سات من افضل المنتديات ليه مفيش حاجة زي دي هتساعد ناس كتير في الاختيار

[aziz5165]

اولا : ابعد عن اجهزة الدريك والاسكاى فرجن 3
لانه من غير المعقول ان تدفع مايقارب الألف جنيه فى ريسيفر
عقيم معدوم الدعم وإن وجد دعم فاعتماده على الاشباه
بخلاف انه لايشغل الانيجما ولن يشغلها
ثانيا : افضل اجهزة من ناحية الصورة والصوت بمصر الحروسة
( الاسترونج ، والترومان ) ... إلا ان الترومان يوجد به مشاكل
وبالتالى تميل كفة الميزان للاسترونج لمن لايهتم بالانيجما ويبحث عن جودة الصوت والصورة مع ***** قوى مدفوع
اما من يبحث عن الانيجما داخل مصر فعليه بالدريم بوكس المقلد
على ان يكون درجة اولى ،... اما الاجهزة الاصلية فمن دبى بالامارات
مثال الفيوبلص والدريم بوكس
ارجو ان اكون افدت الاخوة السائلين ... عن تجربة

[Mohamed Alhayes]

هذا ما نرجوه من الاخوة في المنتدي التفاعل
اشكرك اخ aziz علي الرد
انا اريد فقط ريسيفر صوت و صورة ممتازة و بالفعل الكل اجمع علي strong بس المشكلة انه مش موجود عشان كده انا بدور علي بديل انا دورت كتير علي strong 4930 HD مش موجود خالص ومن البحث في احد المواقع قالوا ان صورة sky air pack صورته رائعة عشان كده فكرت فيه كبديل متاح و مش عاوز اي مميزات غير الصوت و الصورة الممتازة انا عندي دريم بوكس اشتغل اقل من شهر و بعد كده ركنته الاولاد مش عارفين يتعاملوا معاه و انا مش مهتم لا قنوات مفتوحة ولا يدعم انيجما ولا شيرنج ولا غيره عشان كده بقول عاوز ريسيفر صوت و صورة ممتازة و بس
موجود علي موقع راية اجهزة استقبال معظمها استرا و انا بتعامل مع راية فلو حضرتك تدخل و تختار واحد يبقي ساعدتني كتير

[Mohamed Alhayes]

طيب فيه ريسيفر معروض علي النت Strong 4950 H ب 525 جنيه
هل ده كويس صوت و صورة عشان من أجهزة استرونج

[Mohamed Alhayes]

او ام تيك 808 HD ايه رأيك في صورته

[aziz5165]

المشاركة الأصلية كتبت بواسطة Mohamed Alhayes

طيب فيه ريسيفر معروض علي النت Strong 4950 H ب 525 جنيه
هل ده كويس صوت و صورة عشان من أجهزة استرونج

ارجوك اخى الكريم ان تدخل على قسم الاسترونج للمتابعة
واختيار الافضل وارجو منك الصبر وعدم التسرع
جميع اجهزة الاسترونج تمتاز من ناحية الصوت والصورة
بخلاف تواصل الدعم من الشركة الام

[Mohamed Alhayes]

المشاركة الأصلية كتبت بواسطة aziz5165

ارجوك اخى الكريم ان تدخل على قسم الاسترونج للمتابعة
واختيار الافضل وارجو منك الصبر وعدم التسرع
جميع اجهزة الاسترونج تمتاز من ناحية الصوت والصورة
بخلاف تواصل الدعم من الشركة الام

الاخ aziz انا عاوز ريسيفر كويس صوت و صورة عالية جدا و متوفر مش الف و ادور عليه و مش موجود
مش فارق معايا حاجة يفتح مشفر او شيرنج او غيره

[aziz5165]

المشاركة الأصلية كتبت بواسطة Mohamed Alhayes

الاخ aziz انا عاوز ريسيفر كويس صوت و صورة عالية جدا و متوفر مش الف و ادور عليه و مش موجود
مش فارق معايا حاجة يفتح مشفر او شيرنج او غيره

لاتأخذ بكلامى كأنه امر مسلم به
من راى المتواضع هما الاسترونج والترومان
يمكنك الدخول على القسمين والبحث عن افضل الاجهزة منهما
واتمنى لك التوفيق

[Mohamed Alhayes]

المشاركة الأصلية كتبت بواسطة aziz5165

لاتأخذ بكلامى كأنه امر مسلم به
من راى المتواضع هما الاسترونج والترومان
يمكنك الدخول على القسمين والبحث عن افضل الاجهزة منهما
واتمنى لك التوفيق

كويس الكلام ده
طيب ايه الموديل المتوفر من استرونج صوت و صورة ممتازة بس يكون سهل الاقيه مش زي 4930 مش موجود

[Mohamed Alhayes]

فيه موقع اسمه souq eldish تحت عنوان ريسيفرات صورة عالية الجودة كتب اسماء اجهزة زي كيوماكس و بريفيكس و كامكس
الكلام ده صحيح صورة رائعة hd

[aziz5165]

المشاركة الأصلية كتبت بواسطة Mohamed Alhayes

فيه موقع اسمه souq eldish تحت عنوان ريسيفرات صورة عالية الجودة كتب اسماء اجهزة زي كيوماكس و بريفيكس و كامكس
الكلام ده صحيح صورة رائعة hd

خـــــــــــــــــــردة

[Mohamed Alhayes]

المشاركة الأصلية كتبت بواسطة aziz5165

خـــــــــــــــــــردة

هههههههههه
ده كاتبين صورة رائعة

[aziz5165]

انت متعرفش علم التسويق " الضحك على الدقون والغش والتدليس "
حياتنا كلها قايمة على كده ياباشا ... وممكن يقولك انه مصنوع فى اليابان

[Mohamed Alhayes]

المشاركة الأصلية كتبت بواسطة aziz5165

انت متعرفش علم التسويق " الضحك على الدقون والغش والتدليس "
حياتنا كلها قايمة على كده ياباشا ... وممكن يقولك انه مصنوع فى اليابان

هتعبك معايا استاذ Aziz
اولا اخويا بعت Humax IR 4000 HD ايه رأيك فيه
عاوز ريسيفر يشغل قنوات الكورة عشان ابويا ترشح ايه