[say010]

انا خلاص ناويت انتقل للنظام المتحرك بطبق 130 عاوز احسن نوع من الاطباق و مكونات النظام المتحرك الأخرى كالماتور والقطع الاخري و ياريت احسن الأنواع و احدثها

[say010]

وياريت التكلفه

[ahmed hassn2012]

اذا كنت ناوى تركب متحرك ابحث عن طبق 160 او 180 افضل لك يكون مستعمل من نوعية البريفكس او الاى سى سى

[say010]

تسلم علي الرد بس انا دورت ومش لقيت ... ياريت حد يجاوبني علي سؤال ايه افضل الاطبقاق اللي بحجم 130 وافضل ماتور و البوزيشن والاسعار ياريت

[totophone]

بص يا سيدى الطبق 130 سم بريفيكس سعرة بيعمل من 200 الى 250 جنية والماتور سوبر جاك تايوانى بيعمل من 120 الى 140 ووحدة التحريك سوبر جاك ايضا بتعمل من 120 الى 150 جنية حسب السوق

[NOOR SAT]

طالما نويت تنتقل الى النظام المتحرك .. ولانك مش كل يوم

هتغير المنظومة ..

يبقى الطبق مترين او 180 ..

حتى لما ينزل فيد ضعيف وتلقطه تحس انك انجزت حاجة :)

ده رأيي المتواضع .. وفيه فى باب اللوق اطباق جديدة

ECC حدود مترين ..

كنت جايب طبقى من هناك بس الكلام ده من فترة من 2010

[NOOR SAT]

صدقنى لو مالقيتش .. انتظر احسن وطالما هتدور هتلقى ان شاء الله ..

الـ 130 كانك رميت فلوس فى الارض ..

[totophone]

على فكرة انا عندى طبق 130 وشغال معايا حلو جميع الاقمار المتحركة انا اللى مركبة ومتقبل علية من الهيبسات الى الايرانى 62 شرق وباشارة حلوة مش وحشة انا مش بقول ان ال130 احسن من 180 بس الراجل داخ مش لاقى طبق 130 سوف يفى بالغرض

[الكينج علي]

المشاركة الأصلية كتبت بواسطة totophone

على فكرة انا عندى طبق 130 وشغال معايا حلو جميع الاقمار المتحركة انا اللى مركبة ومتقبل علية من الهيبسات الى الايرانى 62 شرق وباشارة حلوة مش وحشة انا مش بقول ان ال130 احسن من 180 بس الراجل داخ مش لاقى طبق 130 سوف يفى بالغرض

اخي لم نقل ال 130وحش ولا سئي لاكن نصيحه
قررت الانتقال الي المتحرك فانتقل نقله صح
ابحث عن طبق مستعمل بريفيكس180او 220او240
واقل من كده لا تركب متحرك وتصرف فلوس علي الفاضي
دور واصبر هتلاقي كتير
للعلم انا لم قررت انتقل للمتحرك زيك كده
قضلت ادور وكلمت كل الفنيين والمحلات ال في مركزي والبلاد
ال مجاوره ليا وعملت مواضيع كتير علي النت
لحد ماربنا رزقني بطبق بريفيكس180من النوعيه القديمه
وللعلم البريفيكس القديم ال 180يعادل الجديد ال 240في قوت الاستقبال وقوة الاشاره وللعلم انا قعدة 3شهور بدور واتصل بده وصبرة لحد مالقيت
لان ال130مش هيديك ال انت عاوزه وبعد ماتجيب الطبق هتندم انك مصبرتش لم تلاقي قطر اكبر

[EMADALZOUK]

المشاركة الأصلية كتبت بواسطة NOOR SAT

صدقنى لو مالقيتش .. انتظر احسن وطالما هتدور هتلقى ان شاء الله ..

الـ 130 كانك رميت فلوس فى الارض ..

اسمع كلام الراجل ده علشان ده اللى حصل معايا
وندمت انى جيبت 130

[Mr.M!DO]

البريفكس افضل

ويفضل النوعية القديمة

والاسعار بتختلف من مكان لاخر

انا جايب طبق بريفكس 180 ممتاز مع الموتور والبوزيشنر ب 250 جنية