[السيدعبدالعزيز]

السلام عليكم ورحمة الله وبركاته

الدورى المصرى الممتاز
2015/2016
الفوز به من وجهه نظرى التى لا قيمة لها على الاطلاق (( على رأى شلبوكه ))

هو من نصيب النادى الاهلى بنسبة 90 %

الاسباب

1- الادارة الفنية لنادى الزمالك ليست على المستوى
2- الفردية فى لعب نادى الزمالك
3- اخر 3 مباريات الزمالك فاز على متزيلى الدورى
4- مرتضى منصور وتصريحاته المدمرة لنادى الزمالك
5- رحيل عمر جابر الى بازل السويسرى مما يعنى هنكمل الموسم بدون باكين


كل ده وانا مليش دعوة بنتائج الاهلى نهائيا

المطلوب

الزمالك يفوز بكل مبارياته القادمة بغض النظر على نتائج النادى الاهلى نهائيا
التحضير الجيد والثبات على تشكيلة لنادى الزمالك لمعرفة المتبقى للموسم القادم
الفوز ببطولة الكاس واللعب برجولة ببطولة افريقيا

المعنى من كلامى
ان نادى الزمالك مش يعشم نفسه بالفوز بالدورى ....
العب انت بس وفوز بكل مبارياتك فاز الاهلى او خسر دى قضية تانية
الحافز على الاقل يكون الاهلى مخلص الدورى على فرق نقط ضعيف
على الاقل مش يزيد عن 8 يعنى لو قدرنا نقلله تمام

[احمد سمير]

الأمل في وجه الله خير
يا أخي السيد
وكل شيء وارد
على الرغم من إني بأعتبره مستحيل
ولكن طالما يوجد أمل
إذن يوجد حياه
ولا حضرتك خلاص أتيت بالنهايه
فلو كان كده يبقى ملوش أي لزوم
تكملة المباريات المتبقيه بالنسبه
للأهلى والزمالك
؟؟؟؟

[شادى صلاح]

الدورى مازال فى الملعب والنسبه الاهلى 60/ والزماللك 40/

[علاء النادى]

الناس اللى بتتباهى بالنادى الاهلى وانة حسم الدورى مبكرا هما هماهم بتوع الموسم اللى فات اللى كانوا بيقولوا الدورى فى المعلب وكان الفرق بين الزمالك والاهلى 13 نقطة
كل شىء وارد هوة انت كنت تتوقع انه دجله تكسبك امبارح لاء طبعا كرة القدم لا تعرف المستحيل اقرب مثال انظر لليستر سيتى فريق الدرجه التانيه وماذا فعل هذا الموسم
وبعدين انتوا نسيتوا امل اللى ماتت محروقه الموسم اللى فات كل محد يسال اهلاوى الموسم اللى فات يقله امل والدورى فى الملعب ,...........

[ابو محمد 2005]

الدورى لسه فى الملعب والاهلى لم يحسمه لكن انشاء الله الاهلى يرجعه تانى لبيته ولا عزاء لمرتضى

[احمد سمير]

المشاركة الأصلية كتبت بواسطة ابو محمد 2005

الدورى لسه فى الملعب والاهلى لم يحسمه لكن انشاء الله الاهلى يرجعه تانى لبيته ولا عزاء لمرتضى

ولا عزاء لمرتضى

مال مرتضى منصور بخيبة أمل الأهلي
اللي إشترى لاعبين هذا الموسم ومدرب بالدولار
الفلوس اللي إندفعت فيهم
تغني ناس غلابه كتير
وسلمولي على
محمود طاهر
؟؟؟؟