[هانى.شعلة]

‏
السلام عليكم معروض طبق 180 ecc بالماتور والبوزيشنر ب600 جنية اتوكل على الله واشترية ولا ليكم راى تانى ملحوظة الطبق جديد من المحل مش مستعمل

[فني تركيبات]

المشاركة الأصلية كتبت بواسطة هانى.شعلة

‏
السلام عليكم معروض طبق 180 ecc بالماتور والبوزيشنر ب600 جنية اتوكل على الله واشترية ولا ليكم راى تانى ملحوظة الطبق جديد من المحل مش مستعمل

لو بالفعل جديد وليس مستعمل
وانا اشك فى ذلك
توكل على الله

[محمد راضي 2]

شوف طبق قديم احسن من الجديد ياغالي

[هانى.شعلة]

الف شكر استاذنا الفاضل انا اتصلت بصاحب المحل واكدلى انو جديد بمشتملاتة ب600 جنية طلب تانى لو سمحت عاوز الطريقة الصحيحة لتوصيل البوزيشنر بالماتور لانى قريت مواضيع كتير وموصلتش لطريقة الصحيحة الحمد لله انا بعرف اظبط المدار تمام لاكن البوزيشنر مع الماتور اول مرة وشكرا جزيلا

[ahmed hassn2012]

للعلم الطبق الجديد ecc فى حدود 650 جنيه والماتور 160 جنيه والمحرك ب 125 جنيه
كله جديد
لو فعلا الطبق 180 جديد والماتور والمحرك جديد ب 600 اشترى

[هانى.شعلة]

الف شكر لتعليقات بس عاوز لو سمحتم الرد على طلبى التانى ولا اعمل بية موضوع منفصل

[فني تركيبات]

المشاركة الأصلية كتبت بواسطة هانى.شعلة

الف شكر لتعليقات بس عاوز لو سمحتم الرد على طلبى التانى ولا اعمل بية موضوع منفصل

بص ياهانى
التوصيل سهل جدا
البوزيشينر يوجد من الخلف 4 فتحات
2 سينسور
2 ماتور

تعالى بقى للماتور
عند خلع غطاء الماتور سوف تلاحظ رسم كروكى داخل الغطاء
وسوف تجد ايضا رسم لاربع فتحات
2 سينسور
2 ماتور


نيجى للتوصيل
السلك طبعا 4 اطراف باربع الوان
لنفترض اللون الاحمر سوف يكون فى سينسور الماتور
يبقى بالتالى هذا اللون يبقى فى سينسور البوزيشينر
وهكذا مع باقى الالوان

[ahmed hassn2012]

ودى صور لدعم شرح الاستاذ ابراهيم وتأكد اخى هانى ان الطبق 180 مش160

[هانى.شعلة]

الف شكر مرة تانية على الردود طلب اخير لو سمحتم تخزين مكان الاقمار بيكون على الريسيفر والبوزيشينر ولا البوزيشنر فقط يعنى لو عاوز اجيب النايل سات وانا على الاوربى وجبت مثلا قناة mbcالطبق حيتحول لوحدة على النايل سات ولا لازم احرك من البوزيشنر هوا دا اللى ملخبطنى فى الموضوع كلة الريسيفر بتاعى كيوماكس h4 plus اسف على الاطالة ولاكن عسى ان يكون الموضوع مفيد لغيرى من الاعضاء

[ahmed hassn2012]

التحريك بيكون من البوزيشنر بعد تخزين الاقمار وكله بالريموت الخاص بالبويشنر
وللتخزين على وحده التحريك تتم عمليه التخزين بالتوجه الى القمربالازرار الخاصه بالتوجيه والوقوف الى احسن وضع للاشاره بالتوجيه اليدوى على زر East و West حتى نصل الى افضل وضع للاشاره ثم نضغط على زر Store فى ريموت وحده التحرك ثم الضغط على رقم المراد تخزين القمر عليه وليكن 1 قم الضغط على زر Ok وبالمثل مع جميع الاقمار

[هانى.شعلة]

بس انا لاحظت ان البوزيشنر فى مكاين توصيل واحد من الطبق الى البوزيشنر والتانى من البوزيشنر الى الريسيفر عاوز اعرف لو سمحت اية الفايدة من كدة وشكرا

[فني تركيبات]

المشاركة الأصلية كتبت بواسطة هانى.شعلة

الف شكر مرة تانية على الردود طلب اخير لو سمحتم تخزين مكان الاقمار بيكون على الريسيفر والبوزيشينر ولا البوزيشنر فقط يعنى لو عاوز اجيب النايل سات وانا على الاوربى وجبت مثلا قناة mbcالطبق حيتحول لوحدة على النايل سات ولا لازم احرك من البوزيشنر هوا دا اللى ملخبطنى فى الموضوع كلة الريسيفر بتاعى كيوماكس h4 plus اسف على الاطالة ولاكن عسى ان يكون الموضوع مفيد لغيرى من الاعضاء

التخزين بيكون عن طريق البوزيشينر
يعنى تتحرك بالبوزيشينر من زر الشرق والغرب حتى تأتى بالقمر ولنفترض النايل سات
هنا من ريموت البوزيشينر تضغط على رقم 1 ثم تضغط اوك
بكده انت حفظت النايل على رقم 1
وهكذا فى باقى الاقمار

[فني تركيبات]

المشاركة الأصلية كتبت بواسطة هانى.شعلة

بس انا لاحظت ان البوزيشنر فى مكاين توصيل واحد من الطبق الى البوزيشنر والتانى من البوزيشنر الى الريسيفر عاوز اعرف لو سمحت اية الفايدة من كدة وشكرا

ده ياسيدى يغنيك عن ريموت البوزيشينر
يعنى هايبقى التعامل بريموت الريسيفر
تضغط على القمر الماتور يتحرك على طول

[هانى.شعلة]

والله العظيم الواحد مش عارف يشكركم ازاى الف شكر استاذ ابراهيم وجعلة الله فى ميزان حسناتك يارب الف شكر ليك مرة تانية ولهذا المنتدى العظيم

[فني تركيبات]

المشاركة الأصلية كتبت بواسطة هانى.شعلة

والله العظيم الواحد مش عارف يشكركم ازاى الف شكر استاذ ابراهيم وجعلة الله فى ميزان حسناتك يارب الف شكر ليك مرة تانية ولهذا المنتدى العظيم

الشكر لله وحده
اهم شئ تبقى ترفق صوره للبوزيشينر اللى هاتشتريه
لكى نعرفك طريقه التعامل معه وحفظ الاقمار عليه