لو سمحتم عاوز أتعلم مجال الدش

amrr · #1 2016/06/08, 08:37 AM

عاوز أتعلم صيانة الدش و التركيب تنصحوني بايه ولكم جزيل الشكر

م.احمد · #2 2016/06/08, 12:51 PM

اشتغل فترة مع فني دش واتعلم منه كل حاجة مش هينفع تتعلم بكلم وبس لازم تشوف بعينك مره واتنين وعشره علشان تدقن كل حاجة في الشغلنه دي تحياتي ليك

amrr · #3 2016/06/08, 01:26 PM

اقتباس:

المشاركة الأصلية كتبت بواسطة م.احمد

اشتغل فترة مع فني دش واتعلم منه كل حاجة مش هينفع تتعلم بكلم وبس لازم تشوف بعينك مره واتنين وعشره علشان تدقن كل حاجة في الشغلنه دي تحياتي ليك

شكرا علي رد حضرتك السريع لكن أنا أقصد مكان أكاديمي أتعلم فيه كل حاجه يا ريت لو حضرتك تعرف مكان تدلني عليه و شكرا

m_hassan10 · #4 2016/06/08, 01:43 PM

والله المكان الاكاديمى ماهينفعك
وخد التقيله ياسيدى انا خريج اكاديميه سموحه فرع بورسعيد
والمشرف كان اسمه ولا بلاش ............ ؟؟؟؟؟
اقسملك ان معلوماتى كانت افضل منه
بس انا هقولك على حاجه لو انت معلوماتك 50%
افتح محل واستقبل طلبات الناس وخش على قسم الصيانه فى مصراوى بجد انا استفدت من الناس دى وكل عيب يتصلح معاك تدونه فى نوته وبإذن الله هتبقى محترف صيانه
اما لومعلوماتك صفر انصحك بالتوجه الى فنى محترم يفيد ويبقى كريم فى المعلومات وكل سنه وانت طيب

mohamedzaghlolah10 · #5 2016/06/08, 02:41 PM

اول خطوة حاول تركب اقمار ابدا بالسهل النايل سات واموس استعين بالفيديوهات قسم التركيبات

amrr · #6 2016/06/14, 12:41 PM

شكرا لكم جميعا انا كنت عاوز افتح محل دش لكن واضح ان الموضوع صعب شويه خصوصا في تعليم
شكرا لك من رد علي في الموضوع ورمضان كريم

LOVERBOY · #7 2016/06/14, 02:04 PM

يا اخى مفيش حاجه صعبه الكل بيتعلم من مصراوى سات
تابع المواضيع كويس وهتتعلم كتير
انا مش فنى بس لما حاجه بتقف قدامى بدخل مصراوى سات والحلول ان شاء الله موجوده

GADGAD · #8 2016/06/15, 03:09 AM

بص اخى بالنسبه للتركيب والسوفت وير دول سهل تتعلمهم وهما المطلوبين عشان تفتح محل دش لكن الصيانه صعب عشان تتعلم التركيب اولا شوف طبق يبقا خاص تتعلم عليه وتدخل قسم التركيبات يوميا وتشوف التركيب ابدء نايل سات واموس واوربى كل قمر لوحده الاول وبعدين اجمعهم بمساطر والسوفت هنا فى المنتدى هتتعلمه وعن نفس اى سوفت واى تركيبه بفضل الله اولا وبعدين المنتدى بعملها وانا مجرد هاوى والموضوع بسيط جدا مش صعب لكن الصيانه محتاجه حد يوريك ع الطبيعه

عصفور للدش · #9 2016/06/15, 07:17 AM

نصيحه شغلانه تعبانه شوفلك حاجه تانيه بلا قله قيمه ما بقتش زى زمان

سعيد عاشور · #10 2016/06/15, 11:09 AM

ليه كده يا عم الدنيا لسه بخير والله لس لو احنا عيازين نخليها بخير

اقتباس:

المشاركة الأصلية كتبت بواسطة عصفور للدش

نصيحه شغلانه تعبانه شوفلك حاجه تانيه بلا قله قيمه ما بقتش زى زمان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طريقه لحام سلك الدش	احمد رياض	الدش المركزي	1	2020/07/26 06:47 PM
اول مره اشوف كده فى مجال الدش	midoantr	القنوات الرياضية و القنوات الناقلة للمباريات	8	2016/06/07 12:02 PM
فرصة للعاملين فى مجال الدش	زيكو4	منتدى الريسيفرات العام	4	2012/09/23 03:39 AM
لو سمحتم عاوز برنامج Abox يكون خاص بكروت الدش	shehab100	ProgDVB و Alt-DVB	2	2011/09/16 06:22 PM