[NOOR SAT]

بسم الله الرحمن الرحيم

نصيحة من مجرب .. خلى خيار انك تركب lnb 2 و 4 مخرج

خليها الخيار الأخير لك .. خاصة لو المكان لايسمح بتركيب أطباق أخرى ..

هيجى ناس هتقول مفهاش اى مشاكل و .. و.. رقم 1 فى العالم و ..

انا بوصلكم سلبياتها ..

خلاصة الكلام جهاز الرسيفر مالوش علاقة بان السلك شكله وحش داخل الشقة .. ويمشي ويتلحم فى مواسير ضيقة ويتلوى والشعر يتقطع بداخله ويضعف الى ان يصل الى الرسيفر فاقد كل القوة ..

الرسيفر مصمم لان يكون له طبق وعدسة ويفضل لو عدسة 1 مخرج عادية وسلك مباشر من الطبق الى الرسيفر لأفضل اداء واقوى اشارات

ولو اتحسبت هتلقى المثل المعروف (الغالى رخيص)
لان لو أسست صح كل رسيفر له طبقه .. نادر جدا لما بنشوف مشاكل وأعطال
عكس العدسات الـ 2 و 4 مخرج .. اللى بيتصرف عليها فلوس وفى الأخير
ومع الوقت بتضطر تفصل كل منظومة لوحدها ..

طبعا جودة الاسلاك الان مش محتاجة اعرفها لحد .. لو هنعمل أسلاك داخل خطوط تكون انواع جيدة تتحمل الشد والجذب حتى تصل الى الأجهزة بنفس كفاءتها وقوتها .. وطبعا السويدى رقم 1 وله موضوعات عديدة خاصة بعد ماتم تقليده وغشه الفترة الاخيرة ..

يعنى اسلاك جودة سيئة على رسيفرات متعددة باطوال وادوار عالية

ويجى يفتح رسيفر 1 يلقى 2 بيقطع او لما يقفل 3 يلقى رسيفر 4 وقف تماما .. او لما يقف على تردد كذا يلقى رسيفر تانى كتب لاتوجد اشارة ..

المشاكل ده لو ماقبلتكش وانت بتركب العميل هيرجع لك تانى
بعد فترة ويبدأ يصدعك عن هذه الأعطال ..

مشكلة اكبر بقة لو شقة متأسسة جديد وطبعا الكل بيحب يعمل خطوط
الدش داخل المواسير ..

وطبعا بانصح اى حد لو حابب يعمل كدة بحالة واحدة فقط انه يجيب مواسير واسعة وناعمة (علاء الدين) وتكون للدش فقط معهاش تلفون او نت
عشان يكون مستريح جدا اثناء التمرير داخل المواسير ..

ويكون مباشر جاى من فوق السطح الى الغرفة مباشرة دون بواطة تجميع

لو اضطرينا نعمل بواطة تجميع يبقى السلك اللى جاى من فوق يمشي يكمل نفس مساره الى الغرفة مباشرة .. دون اى وصلات او تلحيمات
يعنى عكس الصورة .. يطلع من المواسير اللى على اليمين ويكمل مشواره مباشرة الى المواسير اللى على الشمال الموصلة للغرف .. ماتعملوش كما بالصورة .. انا حاططها للشرح فقط وليست من تصويرى ..



ونيجى عند الفيشة اللى فى الغرفة اللى بجانب الرسيفر

ونلغى الـ ان كونكتور

اللى بتوصل بين العلبة والرسيفر ونخلى السلك مباشر منها الى الرسيفر .. يعنى كدة السلك ماشي من اول السطح الى الرسيفر دون اى تلحيمات او وصلات ..



لان لو عملنا الشغل التقليدى يبقى المشاكل :
1 - عدسة 4 مخرج وانا ذكرت مشاكلها
2 - هيبقى فيه وصلة للسلك عند بواطة التجميع
3 - وصلة اخرى للسلك ان كونكتور عند الفيشة اللى هيركب حنبها الرسيفر فى الغرفة

بعد المشاكل ده وعاوز يشوف تردد 11488
او 12418 او 11600 وغيره من الترددات التى تتأثر بتلحيم الأسلاك

...........

فى النهاية أرجو أن اكون افدتكم بمعلومة ..

ورمضان كريم ..

[المهندس كرم ستالايت]

تسلم اخى حازم بارك الله فيك ياغالى

[NOOR SAT]

ياريت لو أحد من الاخوة المشرفين الاعزاء شاف الموضوع يضع هذه الصورة مكان اخر صورة فى الموضوع ..

[omr1234]

بارك الله فيكك
ممكن طريقه ادخال **** hdsport لرسفير ستار سات هيبر
وومكن بالصوره البروفايد والشفره ووسوفت كام من عندك

[شعوان الحربى]

الله ينور عليك يا استاذ حازم

اهو دا صحيح الكلام اللى يددفع عليه فلوس عشان تعرفه

اسم على مسمى نور سات ربنا يحفظك

[NOOR SAT]

المشاركة الأصلية كتبت بواسطة المهندس كرم ستالايت

تسلم اخى حازم بارك الله فيك ياغالى

نورت المشاركة اخى الكريم

المشاركة الأصلية كتبت بواسطة omr1234

بارك الله فيكك
ممكن طريقه ادخال **** hdsport لرسفير ستار سات هيبر
وومكن بالصوره البروفايد والشفره ووسوفت كام من عندك

حدث جهازك الهايبر بأحدث سوفتوير وستجدها عملت دون ادخال اى *****

المشاركة الأصلية كتبت بواسطة شعوان الحربى

الله ينور عليك يا استاذ حازم

اهو دا صحيح الكلام اللى يددفع عليه فلوس عشان تعرفه

اسم على مسمى نور سات ربنا يحفظك

الله يكرمك اخى الكريم ..

ونورت الموضوع

[hassan_zein]

بارك الله فيك

[hassan_zein]

بارك الله فيك
لو سمحت انا عندي مشكلة ان السلك فيه وصلات علشان يروح للمكان المناسب وايضا مدكك معاة التليفون والنت كمان وكنت شغال بالكيوماكس الكبير الكوري وبعد فترة بقي يغيب عقبال ما يجمع اشارة وتشتغل القنوات فاخدته لفني صيانة فقال لي ان العيب في دائرة البور وفي مكثفات عايزة تتغير المهم الكلام دة من سنة ولحد دلوقت مش عارف يصلحه
المهم جبت ريسيفر تاني كيوماكس 999 هيروشيما اشتغل فترة كويس جدا وبعدين حصلت نفس المشكلة ولكن يشتغل الافقي والراسي يغيب عقبال ما يجمع اشارة فشكيت في القطعة(مخرج واحد) طلعت غيرتها ولكن مازالت المشكلة مستمرة
السؤال هل ده ياتي من تاثير الوصلة في السلك ام من تاثير التليفون ام من النت؟ لا أدري
فارجو الافادة
تقبل سلامي واسف للاطالة

[omr1234]

lما هو اخر سوفت وير رقمه كام انا على سوفت175

[فني تركيبات]

تسلم استاذ حازم لطرحك هذا الموضوع
بالفعل كلامك كله سليم

[NOOR SAT]

المشاركة الأصلية كتبت بواسطة hassan_zein

بارك الله فيك
لو سمحت انا عندي مشكلة ان السلك فيه وصلات علشان يروح للمكان المناسب وايضا مدكك معاة التليفون والنت كمان وكنت شغال بالكيوماكس الكبير الكوري وبعد فترة بقي يغيب عقبال ما يجمع اشارة وتشتغل القنوات فاخدته لفني صيانة فقال لي ان العيب في دائرة البور وفي مكثفات عايزة تتغير المهم الكلام دة من سنة ولحد دلوقت مش عارف يصلحه
المهم جبت ريسيفر تاني كيوماكس 999 هيروشيما اشتغل فترة كويس جدا وبعدين حصلت نفس المشكلة ولكن يشتغل الافقي والراسي يغيب عقبال ما يجمع اشارة فشكيت في القطعة(مخرج واحد) طلعت غيرتها ولكن مازالت المشكلة مستمرة
السؤال هل ده ياتي من تاثير الوصلة في السلك ام من تاثير التليفون ام من النت؟ لا أدري
فارجو الافادة
تقبل سلامي واسف للاطالة

تغيير الرسيفر بيشتغل معاك فترة وبعدين بترجع المشكلة لان

التيونر احتمال كبير بيبدأ يضعف نتيجة الوصلات والكلام ده ..

الخلاصة والحل انك توصل سلك قطعة واحدة بدون وصلات اوتلحيمات

وهات بعدها اى رسيفر حتى ولو صينى هيشتغل معاك تمام

تنازل عن فكرة الخطوط داخل الحوائط لو فيه امكانية تعمل فتحة فى الحيطة

وتدخل السلك مباشر الى الرسيفر

لو مدكك سلك فى الخطوط يبقى لازم تتبع الحلول الى موضحها

ده جهاز رسيفر مالوش دعوة بنقطة السلك بيبقى شكله وحش والكلام ده

ده جهاز عشان يعمل بكفاءة لابد من سلك مباشر اليه من الطبق ..

وتقبل تحياتى وتقديرى ..

المشاركة الأصلية كتبت بواسطة omr1234

lما هو اخر سوفت وير رقمه كام انا على سوفت175

سوفت 1.90 الرسمي بدون تعديلات
وستجده هنا
http://www.masrawysat.com/vb/showthread.php?t=2231972

[NOOR SAT]

المشاركة الأصلية كتبت بواسطة ابوافنان

تسلم استاذ حازم لطرحك هذا الموضوع

المشاركة الأصلية كتبت بواسطة ابوافنان

بالفعل كلامك كله سليم

الله يكرمك استاذنا الغالى ..

نورت الموضوع ..

وكل عام وانت بخير ..