[madoalex]

السلام عليكم
انا عندى طبق و مركب عليه قطعه بروحين و منزل منها سلكين لرسيفرين
اولا سلك منهم لا يعمل ولا يجيب اى تردد او ممكن يجيب ترددات بس مش كتير و لكن اذا تم تشغيل الريسفير الاخر بالسلك الاخر و التوصيل على نفس التلفون من مدخل اخر
يعمل السلك تمام
هل العيب من السلك ام من القطعه و ما الحل
المشكله الاخرى هناك قنوات تعمل باشاره قوية تصل الى 80 و بعد الاحيان لا تعمل و الاشاره تكون صفر مثل قناه السعودية القران الكريم hd

[ابوبكر العربى]

جرب بدل الرسيفر الى مش شغال مكان الرسيفر الى شغال لو اشتغل يبقى عيب سلك


لو مش اشتغل يبقى غير العدسة لو مش اشتغل يبقى مشكلة صيانه للرسيفر

[madoalex]

انا فعلا بدلت السلك الى مش شغال مكان الى شغال و فعلا ما اشتغلش
يعنى انا عندى سلك ابيض و اسود ...الاسود هو الى مش شغال الا فقط لما اشغل السلك الابيض على الريسفر الاخر

[ابوبكر العربى]

جرب بدل الرسيفر الى مش شغال على السلك الابيض



لو اشتغل تمام غير السلك الاسود

[عرفه سوهاج]

فيه تعارض ودى مشكلة القطع 2 مخرج والحل تغيير القطعه او الريسيفر اللى فيه المشكله

[ahmed hassn2012]

المشاركة الأصلية كتبت بواسطة عرفه سوهاج

فيه تعارض ودى مشكلة القطع 2 مخرج والحل تغيير القطعه او الريسيفر اللى فيه المشكله

تمام كلام سليم

[madoalex]

شكرا للردود و لكن اذا غيرت القطعه
اعرف منين ان القطعة لا تحدث تعارض قبل الشراء ؟؟
و لماذا السلك الابيض هو الوحيد شغال ام التانى لا يعمل

[hazzuma]

المشاركة الأصلية كتبت بواسطة madoalex

اعرف منين ان القطعة لا تحدث تعارض قبل الشراء ؟؟
و لماذا السلك الابيض هو الوحيد شغال ام التانى لا يعمل

السلك مالوش علاقة ,دى مشكلة عامة بمعظم القطع المزدوجة والرباعية,غير القطعة بأخرى من ماركة مختلفة, واتفق مع البائع على ارجاعها فى حالة استمرار المشكلة,تحياتى

[احمد محمود عبد العاطي]

المشكلة ليست بالسلك

لازم الريسيفرين من نوع واحد

او السوفت متشابه للتاني يعني

مثلا ريسيفر كيوماكس بياخد

سوفت التايجر او العكس

[madoalex]

شكرا لكم جميعا
فعلا انا عندى ريسفير دريك و ريسفير كيوماكس و عندى كارت دش
طب مافيش قطعة من نوع محترم لا تحدث تعارض ولا التعارض هيكون موجود لا محالة

[ahmedseif92]

اتاكد من توصيل الشعر الالمنيوم كويس

[tarekelsaka78]

المشاركة الأصلية كتبت بواسطة madoalex

السلام عليكم
انا عندى طبق و مركب عليه قطعه بروحين و منزل منها سلكين لرسيفرين
اولا سلك منهم لا يعمل ولا يجيب اى تردد او ممكن يجيب ترددات بس مش كتير و لكن اذا تم تشغيل الريسفير الاخر بالسلك الاخر و التوصيل على نفس التلفون من مدخل اخر
يعمل السلك تمام
هل العيب من السلك ام من القطعه و ما الحل
المشكله الاخرى هناك قنوات تعمل باشاره قوية تصل الى 80 و بعد الاحيان لا تعمل و الاشاره تكون صفر مثل قناه السعودية القران الكريم hd

قم بتغيير القطعه بقطعه اخرى
و افضل الانواع لتجنب المشاكل و التعارض فى الاشارات
بريفكس لبنى 2 مخرج . ستار بورت . ستارسات
بالتوفيق .....

[hamadasat96]

اعكس السلك في القطعة من الطبق
وجرب ولومازالت المشكلة قائمة
لوموجود عندك قطعة واحد مخرج
جربها وشوف النتيجة وهتقدر تحصر العيب
في السلك ولا في القطعة
لو في السلك هتغيره
لو طلعت المشكلة بالقطعة
هتجرب الانواع ال قال عليها الاستاذ الكبير طارق السقا
واحب اضيف عليهم نوع (تايجر)
جرب ووافينا بالنتيجة
بانتظار ردك

[madoalex]

شكرا لحضرتكم
ان شاء الله هجرب

[الجندول2]

السلام عليكم اخي.اولا كل عام وانتم بخيرثانيا. لازم تغير السلك للمخرجين من نفس النوع بسلك ابيض يكون نوع جيد كثيف الشعر وان شاء الله وعن تجربه شخصيه اكثر من مره مع ضبط جيد للطبق وان شاء الله انسي التقطيع وضعف الاشاره. تحياتي ليك