[MIZOZ7]

السلام عليكم ورحمة الله ,,,
بتعجب حالياً من حال سوق الدش في مصر فبعد ماكان موضوع الدش حاجة مش للناس كلها والكلام ده ايام التسعينات كان اللي عنده طبق دش وريسيفر كان معدي والاطباق العملاقة بتاعت زمان وكان الفنيين على اصله وياعيني على التكلفة الكامله من رسيفر وطبق وسلك وقطعة وتركيب هتلاقي نفسك بمعدي 4-5 الاف جم بس بصراحه حاجه تستاهل ونظيفه واحساس انك عندك حاجه مش عند بقية الناس وبتشوف حاجات مش الناس كلها بتشوفها بصراحه احساس تاني خالص ..
دلوقتي للاسف الدنيا اتغييرت تماما ولا بقى في قنوات عدله ذي زمان ولا مكونات محترمه ولاريسيفرات عدله ولاقطع بقى الموضوع تجاري بحت ليس الا ناهيك عن صعوبة ايجاد الفني ( اللي فاهم اصول الشغلانه) الا القليل بصراحه بالاضافه الى انتشار الموضوع بين الناس كلها فقد لذة الدش بتاعت زمان ..
المهم ارجع لايام زمان اللي خلاني افتكر اعمل الموضوع ده اني بالصدفه وانا بقرا مجلة قديمة عندي لاقيت فيها اعلانات لشركات دش وشوفت الدنيا كانت ازاي والاسعار عامله اذاي مقارنةً بدلوقت لاقيت فرق شاسع بصو كدة :

شخصيا وان صغير كنت بلاقي متعه في مشاهدة قنوات الدش زمان سواء العربية منها او الاجنبية كان في حد قريبي كان جايب دش ودا الوحيد اللي ف العيله وكنت ببقى مبسوط جداا وانا بتفرج عنده على القنوات الرائعه وفاكر لحد دلوقت قنوات polsat وeurosport وzdf وtve الاسبانية اللي كات بتجيب مصارعة الثيران يوم الجمعه بالتحديد وقنوات تركيا وقناة اسرائيل 2 وقبرص سات ده غير القنوات العربية طبعا ..
ممكن كل واحد يقول امتى بقى عنده دش وايه زكرياته ...

[karem magdy]

قول للزمان ارجع يا زمان

[waleed omar]

الدنيا اتغيرت والانسان مل وزهق والحياة اصبحت صعبة والاحداث اصبحت سريعة
من تليفزيون الاولى والثانيه الى دش وانترنت
افلام ومسلسلات واغانى 24 ساعة

[عزوز2004]

رسيفر دريك من عام 1994

[عزوز2004]

[IMG][/IMG]