[هانى عنانى]

الحقيقه انا شايف انه ما دام مفيش دعم لهذه الاجهزه من قبل الشركه المنتجه او التوكيل او التكاسل حتى فى تحسين ******* المجانى لها فلا بد مقاطعه هذه الاجهز المرتفعه الثمن وعدم التشجيع على شراءها فهى كثيره التهنيج وبطيئه جدا ارجو ان يتقبل الجميع كلامى بصدرر رحب وانا للاسف من مقتنيى هذه الاجهزه
ويمكن يكون كلامى دا يمثل ضغط على الشركه او التوكيل يعشان يهتمو شويه بهذه الاجهزه

[mr.helmy]

احترم وجهة نظرك ولكن يخفف من تكاسل المستورد او الوكيل ان هناك بالمنتدى من تطوع خيرا لدعم الريسيفير واخص بالذكر احبابنا محمد زيان وحازم تميم وآخرين اذ لهم من الجهد فى هذا المجال ما يريح الخاطر والبال وتقبل اخى ارق تحياتى

[المبدع11]

على العكس اجهزه ممتازه جدا وقابله لتطوير
ولاتوجد شركه في العالم تدعم اجهزتها مدى الحياه
والسيرفر المجاني ليس مقياس لاي جهاز
المهم ان تكون امكانية الجهاز ممتازه وقابل للتطوير
يعمل بشكلا ممتاز في الشيرنج بجميع انواعه

يبقى عليك ان تتعلم كيف تتعامل مع الجهاز

وجهة نظر

[hossam23]

انا اتفق معاك تماما
لان في اجهزة ارخص بكتير من اجهزتنا و مع ذلك ادائها افضل و دعمها ممتاز

[magdyabdo]

للاسف انا عندى بريمر بلاس ون قاطع HD وتعب مع الشركه للتصليح والرد لايوجد قطع غيار من 5 او 6 اشهر ومات الرسيفر غالى الثمن

[م/محمدزيان]

المشاركة الأصلية كتبت بواسطة هانى عنانى

الحقيقه انا شايف انه ما دام مفيش دعم لهذه الاجهزه من قبل الشركه المنتجه او التوكيل او التكاسل حتى فى تحسين ******* المجانى لها فلا بد مقاطعه هذه الاجهز المرتفعه الثمن وعدم التشجيع على شراءها فهى كثيره التهنيج وبطيئه جدا ارجو ان يتقبل الجميع كلامى بصدرر رحب وانا للاسف من مقتنيى هذه الاجهزه
ويمكن يكون كلامى دا يمثل ضغط على الشركه او التوكيل يعشان يهتمو شويه بهذه الاجهزه

الاخ العزيز المحترم /هانى عنانى
اقتراحك وكلامك مقبول لنا جميعا ولك كل الحرية فى ان تقول ما تشاء ما دام فى اطار الاحترام والادب ولك منى التحية والتقدير ولكن اخى ارجوا ان تتقبل كلامى انا ايضا فى السطور التالية
اولا اخى لله الحمد انا والدكتور المحترم والموقر/حازم تميم بالرغم من مشاغلنا ال ربنا لوحده اعلم بها
نقدم لكم كل ما تحتاجون من دعم وفق استطاعتنا وبكل ما اوتينا من جهد.
وعلى ما اعتقد اخى ان فى مثل صينى بيقول(لا تعطنى سمكة ولكن علمنى الصيد)
يعنى اخى احنا بنشوف الاجهزة ال بتتوافق مع اجهزتنا من حيث المعالج وبنطور وبنحول اى سوفت ليها ليتوافق مع اجهزتنا ودى نقطة جوهرية وهامة تتميز بها هذة الانواع دون عن اى انواع واجهزة اخرى
بمعنى انها تعمل بنظام وبيئة اللينكس مفتوح المصدر يعنى تقدر تحول اى شئ من اى جهاز ليتوافق مع جهازك شرط توافق المعالج
وكمان ميزة الاجهزة دى انها بتقبل انواع كتيرة من صور الانيجما2 ال كتير من الاجهزة الغالية مبتقبلهاش ودى طبعا ميزة
والميزة الاكبر اخى ان مفيش حد سواء من الاداريين او المشرفين او الاعضاء بيبخل باى معلومة حتى ولو بسيطة ودا حتلقاة فى شروحتنا فى القسم
اما الاهم اخى ومن وجهة نظرى اننا انا والدكتور حازم مبنقولش لحد انه لازم يشترى الجهاز او ان الجهاز افضل من غيرة ونحسة انه يشترية
بالعكس اى استفسار من اى حد فى القسم عايز يشترى الجهاز بنقولة على عيوبة قبل مميزاتة
وهو له حرية الاختيار
وانا مش معاك فى ان الاجهزة غالية فالامكانيات ال فيها اقل بكتير من سعرها وجودتها
اما دعم الشركة فممكن تتقبل انه مات من زمان ولله الحمد الدعم متواصل من طرفنا بدون اى مقابل او اى مصلحة لى او للدكتور حازم
وبما ان الجهاز عندنا فاحنا لازم نعايش نفسنا مع مميزاتة ومع عيوبة
وفى الاخر انت ومادياتك لك او اى شخص اخر باختيار هذا الجهاز او غيرة
وسنظل ان شاء الله نقدم له اى دعم ما دمنا من مجموعة اداريين مصراوى سات
وفى الاخير تقبل تحياتى وتقديرى لك اخى

[م/محمدزيان]

المشاركة الأصلية كتبت بواسطة magdyabdo

للاسف انا عندى بريمر بلاس ون قاطع HD وتعب مع الشركه للتصليح والرد لايوجد قطع غيار من 5 او 6 اشهر ومات الرسيفر غالى الثمن

اخى الكريم
انت مش عارف تاخد حقك من الشركة بالاسلوب المحترم يبقى مفيش غير الطريقة ال مبيحبوهاش
وهى بموجب الفاتورة ال معاك والضمان لك كل الحق انك تروح لهم وتعلى صوتك وتدخل معاهم فى مهاترات وياريت لو تبقوا اتنين مع بعض وتعلوا صوتكم وشوف النتيجة بس قبلها ياريت يكون معاك ايصال بانك سلمتهم الجهاز وياريت تكون لها تاريخ فى مدة ضمان جهازك علشان محدش يصيع عليك
ولو الاسلوب دا مجابش نتيجة معاهم
اطلع بالايصال والضمان وكمان الفاتورة على اقرب قسم وهددهم بانك حتعمل كدا واعمل لهم شكوى ضدهم او اطلع على اقرب فرع لحماية المستهلك او المصنفات

[هانى عنانى]

المشاركة الأصلية كتبت بواسطة م/محمدزيان

الاخ العزيز المحترم /هانى عنانى
اقتراحك وكلامك مقبول لنا جميعا ولك كل الحرية فى ان تقول ما تشاء ما دام فى اطار الاحترام والادب ولك منى التحية والتقدير ولكن اخى ارجوا ان تتقبل كلامى انا ايضا فى السطور التالية
اولا اخى لله الحمد انا والدكتور المحترم والموقر/حازم تميم بالرغم من مشاغلنا ال ربنا لوحده اعلم بها
نقدم لكم كل ما تحتاجون من دعم وفق استطاعتنا وبكل ما اوتينا من جهد.
وعلى ما اعتقد اخى ان فى مثل صينى بيقول(لا تعطنى سمكة ولكن علمنى الصيد)
يعنى اخى احنا بنشوف الاجهزة ال بتتوافق مع اجهزتنا من حيث المعالج وبنطور وبنحول اى سوفت ليها ليتوافق مع اجهزتنا ودى نقطة جوهرية وهامة تتميز بها هذة الانواع دون عن اى انواع واجهزة اخرى
بمعنى انها تعمل بنظام وبيئة اللينكس مفتوح المصدر يعنى تقدر تحول اى شئ من اى جهاز ليتوافق مع جهازك شرط توافق المعالج
وكمان ميزة الاجهزة دى انها بتقبل انواع كتيرة من صور الانيجما2 ال كتير من الاجهزة الغالية مبتقبلهاش ودى طبعا ميزة
والميزة الاكبر اخى ان مفيش حد سواء من الاداريين او المشرفين او الاعضاء بيبخل باى معلومة حتى ولو بسيطة ودا حتلقاة فى شروحتنا فى القسم
اما الاهم اخى ومن وجهة نظرى اننا انا والدكتور حازم مبنقولش لحد انه لازم يشترى الجهاز او ان الجهاز افضل من غيرة ونحسة انه يشترية
بالعكس اى استفسار من اى حد فى القسم عايز يشترى الجهاز بنقولة على عيوبة قبل مميزاتة
وهو له حرية الاختيار
وانا مش معاك فى ان الاجهزة غالية فالامكانيات ال فيها اقل بكتير من سعرها وجودتها
اما دعم الشركة فممكن تتقبل انه مات من زمان ولله الحمد الدعم متواصل من طرفنا بدون اى مقابل او اى مصلحة لى او للدكتور حازم
وبما ان الجهاز عندنا فاحنا لازم نعايش نفسنا مع مميزاتة ومع عيوبة
وفى الاخر انت ومادياتك لك او اى شخص اخر باختيار هذا الجهاز او غيرة
وسنظل ان شاء الله نقدم له اى دعم ما دمنا من مجموعة اداريين مصراوى سات
وفى الاخير تقبل تحياتى وتقديرى لك اخى

اخى الفاضل محمد انت والاستاذ حازم مجهودكم معانا مش محتاج اى كلام ودوركم معروف لنا جميعا ونشكركم عليه ولكن كلامى اخى محمد موجه للشركه او اى جهه معنيه بالجهاز انا اشتريت جهاز وشايف ان الدعم ضعيف جدا من قبل الشركه المنتجه والجهاز به عيوب كثيره فى السوفت من بطىء لفيدات مبتشتغلش لبحث اعمى غير فعال لمشغل الميديا الضعيف واللى بيهنج الجهاز لمتصفح الاوبرا اللى تحس انه بيطلع فى الروح لما تيجى تشغل موقع او صفحه بيه لتهنيج الجهاز لما تقف على قناه مفيهاش اشاره
المشاكل دى كلها استاذ محمد عايزه اهتمام شويه من الشركه المنتجه فى تحسين السوفت لابراز امكانيات الهارد وير اللى انا شايفها امكانيات قويه من بروسيور لرامات بالنسبه لجهاز استقبال
وفى النهايه لك منى انت والاستاذ حازم كل الاحترام

[م/محمدزيان]

شكرا اخى هانى
والكل عارف ان الشركة نايمة فى المخلل
ومفيش اى دعم منها للاجهزة نهائيا
وال يكيد اكتر اخى انها بتنتج اجهزة جديدة وطبعا كلامى مش اننا بنشكر فى الاجهزة دى 100% ولكنها افضل من اجهزة تانية نسبيا
وبالنسبة للفيدات بصراحة انا موافقك انها مشكلة ليست هينة فاجهزة ارخص بكتير بتستقبل فيدات الكروت بسهولة والبحث الاعمى ان شاء الله حنلاقى له حل فى الفترة ال جاية باذن الله
اخى بما اننا اشترينا الاجهزة دى فمقدمناش الا اننا نرضى بيها ونسايس امورنا معاها ونتقبلها بحلوها ومرها
وشكرا لحوارك

[هانى عنانى]

المشاركة الأصلية كتبت بواسطة م/محمدزيان

شكرا اخى هانى
والكل عارف ان الشركة نايمة فى المخلل
ومفيش اى دعم منها للاجهزة نهائيا
وال يكيد اكتر اخى انها بتنتج اجهزة جديدة وطبعا كلامى مش اننا بنشكر فى الاجهزة دى 100% ولكنها افضل من اجهزة تانية نسبيا
وبالنسبة للفيدات بصراحة انا موافقك انها مشكلة ليست هينة فاجهزة ارخص بكتير بتستقبل فيدات الكروت بسهولة والبحث الاعمى ان شاء الله حنلاقى له حل فى الفترة ال جاية باذن الله
اخى بما اننا اشترينا الاجهزة دى فمقدمناش الا اننا نرضى بيها ونسايس امورنا معاها ونتقبلها بحلوها ومرها
وشكرا لحوارك

بارك الله فيك يا استاذ محمد وكتر الله من امثالك