[hamadasat96]

- احنا اللي كنا بنلبس يونيفورم واحنا رايحين المدرسة الحكومي .. اه وربنا
- كنا بستأذن علشان نبري القلم برة الفصل ..
- كنا بنعمل غديوة ساندويتشات مع بعضينا في الفسحة ..
- وكنا في عز الخناقة نقول : اوعي ترمي الشنطة دي فيها كتاب دين ..
-احنا اللي كنا بنطلع لسانا علشان نعرف مين صايم ومين فاطر في رمضان
-احنا اللي ياما بوظنا شرايط كاسيت علشان دوسنا علي الزرار الاحمر ..
-احنا اللي شوفنا التليفزيون وهو بيقفل ... ششششششش
- احنا اللي ماكناش نعرف ان في حاجة اسمها سياسة .. غير يوم الجمعة في أنباء وأراء ..
- احنا اللي كسبنا 5 كيموكونو ورا بعضهم ..
-احنا جيل الزلزال .. والانتفاضة ..
- احنا اللي شفنا القرموطي في سر الارض .. وكريمة مختار في اعلانات تنظيم الاسرة . وصفاء ابو السعود بتلعب مع فرشة سنان
- احنا اللي كنا بنشرب صاحبنا الرخم من غطا الزمزامية ...
- احنا اللي كان اقصي احلامنا عجلة المصيف .. والطيارة الورق ام ديل ملون ..
- احنا جيل جوابات الحب , وشرايط الفيديو , وبنك الحظ ومجلة علاء الدين ,وسينما الاطفال وعروستي
- مكانش في غير قناتين اولي وتانية .. واهلي وزمالك .. وبوجي وطمطم .. وونيس ومايسة .. وماما نجوي وبقلظ .. وتوم وجيري ..و هرقليز وزينا
- احنا اللي كنا بناخد جنيه جديد يوم العيد .ونفضل نصرف فيه مايخلصش .
- احنا الجيل اللي اتفرج علي "الطريق الي ايلات" بعدد سنين عمره وكنا كل مرة ندعي البرقوقي مايموتش !!!.
- احنا الجيل اللي كان بيخاف لو حد قاله عيب .. وبيقول آسف لو غلط ..
- احنا الجيل اللي شاف شارع بحاله بيعمل كحك العيد مع بعضه .. وعيلة كاملة قاعدة تاكل مع بعضها .
- احنا بتوع الشمعدان والسامبا وسنجام والكاراتيه ولايز والعسلية وكوتش اميجو اللي بينور والفانوس ابو شمعة والبيبس ابو ربع جنيه والنمر المقنع وكابتن ماجد صاحب اطول جون في التاريخ (3 حلقات).
-احنا جيل السيجا والياباني , والتليفون ابو سلك , واخترنا لك , ونادي السينما وبانوراما فرنسية والشيخ الشعراوي ود.مصطفي محمود
- احنا الجيل اللي عاصرنا قرنين وحضرنا الالفية ..
- احنا الجيل اللي كانت لمته تفرح , وفرحته طالعة من القلب ..
- احنا الجيل اللي فضل يحلم بالجادون ...وللاسف مالقهوش

[hamadasat96]

جيل التسعينات .. أحنا أكتر جيل بيهرب من الواقع
بيلجأ للحياه الألكترونيه دايما .. بس عارفين ليه :)
معندناش حرية تعبير .. مش بنعرف نقول لحد أننا مش بنحبه أو مش طيقينه .. :/ جايز نكون بنخاف وجايز نكون بنكسف

احنا آخر جيل إتعلم اللعب فى الشارع , وأول جيل بدأ يلعب فيديو جيم
وإتفرج على الكارتون بالألوان , وإتفسحنا في الجناين ,
إحنا آخر جيل كان بيسجل الأغانى من الراديو والتلفزيون ,
وكنا بنسمعهم على الـWalkMan
إحنا إتعلمنا إزاى نبرمج الفيديو قبل أى حد , إحنا اللى لعبنا على الأتارى و سوبر وماريو
احنا جيل زينا وهرقليز و اول جزء من عائله ونيس وبوجى وطمطم وعمو فؤاد و مازنجرز وسلاحف النينجا وكابتن ماجد والبوررينجرز وعروستى
إحنا اللى شفنا الإنترنت على سرعة 56 ك/ب بفاكس مودم وكنا بنفتح صفحة واحدة بس
إحنا جيل شرايط الكاسيت الاصلى و التقليد
إحنا اللى كنا بنسافر فى العربيات اللى من غير حزام آمان ولا كيس هوا ,
إحنا اللى عيشنا من غير محمول وكنا بردوا على إتصال ببعض
إحنا اللى كنا بنأجر العجل ونجرى بيها من غير فرامل
إحنا لا شفنا بلاى إستيشن ولا تليفزيون فيه أكتر من 100 قناة
إحنا لا شفنا شاشة مسطحة ولا 3D ولا صوت مجسم ولا Mp3 ولا Ipod
إحنا آخر جيل كان بيقضى وقت فراغه فى قراءة قصص طويلة , رجل المستحيل ونوسه لوزة تختخ عاطف محب وغيرها
احنا اللي كنا بنستني برنامج طلباتك ايه من الخميس للخميس عشان نتفرج علي الكليبات وتاكسي السهره ومواقف وطرائف وعالم البحار والعلم والايمان للدكتور مصطفي محمود واليوم المفتوح يوم الخميس و الشعراوى بعد صلاه الجمعه
احنا الجيل اللى كنا بنصحى يوم الجمعه نتفرج على برنامج سينما الاطفال لعفاف الهلاوى وبعدها نشرة اخبار الاطفال وبعدها نتفرج على سر الارض
إحنا اللي كنا بنلاقى الربع جنيه ف الكارتيه والشيبسى
إحنا الجيل اللي كان بيستني الفيلم الهندى كل عيد , مرتين في السنة , وهما هما نفس الأفلام
إحنا الجيل اللي كان بيلعب كورة حقيقى مش بلاي ستيشن
إحنا آخر جيل عرف طعم النوم في الطفولة بعيد عن الموبايل واللابتوب والدش و الـ MP3
إحنا الجيل اللى عاشر اول موبايل نزل
إحنا اللى كنا نستنى رمضان يجى بسرعة عشان نلم من العماره كلها فلوس ونجيب زينة رمضان ونعلقها مع بعض
إحنا اللى كنا بنستنى الفيلم الاجنبى كل خميس ع القناة التانية
إحنا اللى كنا عايشين من غير فيس بوك ولا تويتر ولا سكاى بى
إحنا اللي كنا بنحلم نشوف الدنيا عاملة إزاى بعد نص الليل ,
لأننا عيشناه نايمين
إحنا الجيل اللي اتربى على اسمها نعم مش ايه
-إحنا جيل البرائه والطفوله اللى بجد :)
احنا جيل قضينا أحلى أيام عمرنا ويارتها دامت وفضلنا صغيرين






وده كان قمة الانجاز العلمي

الكاسيت المحمول

[elforoan]

انت خلتنى افتكر زمان وعنيه تدمع

الله يبارك فيك

[AYMAN SAYD]

انت خلتنى كلى حنين للماضى

[mahgad]

هو ده بالضبط والله تسلم على الموضوع الجميل فكرتنى بالتاريخ الجميل

[bikoo81]

مين بقى كان بيعمل كدة


وكان عندة دة

[جوهركامل]

حبيبى وصديقى ألمحترم حماده بيك سات
والله لسه شايف موضوعك الجميل ده دلوقتى
وبالمناسبه ألطيبه ألنهارده وقفةعرفات كل سنه وجميع الامه الاسلاميه بخير

أناهقولك حاجه بسيطه فاكرهافى يوميين جمال زى دول
انا كنت الاول ساكن فى السيده زينب
كنابنلعب دوريات كوره زى دوريات رمضان القديمه
والمنطقه على ادماكانت من الاحياءألفقيره
كان كله عنده اضحيه خروف مثلاأوخروفيين
والفقير ايامها كان عنده جدى اوماعز
ومن مقتدرلفقيركله كان بيفرق على بعضه(ايام البركه)

ومعلش فى اخ هنا فى الموضوع سلفته التسجيل بتاعنا ومرجعهوش ههههه
حبيبى أستاذحماده الايام ده لن تنسى ابداابدا
كل عام و حضرتك وجميع الامه الاسلاميه بخيروسلام

[فني تركيبات]

يعنى ياحماده انت جبت كل حاجه
ماعدا حاجه واحده
فاكر مريله المدرسه وشنطه الكتب كانت بتتفصل من ايه
كل عام وانت طيب ياابو سكندر

[nilesat]

كى لا ننسى

[hamadasat96]

انت خلتنى افتكر زمان وعنيه تدمع

الله يبارك فيك

ايام متتعوضش بكل مافيها

انت خلتنى كلى حنين للماضى

مع كل موقف بشوفه بيضايقني من الجيل العسل
لفتكر ايام زمان والاصول ال كنا بنتبعها
بتخلي الواحد يتحصر ونقول ياتري الجيل الجاي هيبقي ايه

هو ده بالضبط والله تسلم على الموضوع الجميل فكرتنى بالتاريخ الجميل

الذكريات الحلوة هيا كل مانملكه

مين بقى كان بيعمل كدة


وكان عندة دة

والله كان تخصصي
والمنطقة كلها كانت تاخد مني الشرايط
وال كان عنده شريط مقطوع او بايظ كنت بصلحوله
والشريط ال علبته مكسورة كنت بغيرهاله
كنت 10 او12 سنة بس مدمن الحاجات دي

حبيبى وصديقى ألمحترم حماده بيك سات
والله لسه شايف موضوعك الجميل ده دلوقتى
وبالمناسبه ألطيبه ألنهارده وقفةعرفات كل سنه وجميع الامه الاسلاميه بخير

أناهقولك حاجه بسيطه فاكرهافى يوميين جمال زى دول
انا كنت الاول ساكن فى السيده زينب
كنابنلعب دوريات كوره زى دوريات رمضان القديمه
والمنطقه على ادماكانت من الاحياءألفقيره
كان كله عنده اضحيه خروف مثلاأوخروفيين
والفقير ايامها كان عنده جدى اوماعز
ومن مقتدرلفقيركله كان بيفرق على بعضه(ايام البركه)

ومعلش فى اخ هنا فى الموضوع سلفته التسجيل بتاعنا ومرجعهوش ههههه
حبيبى أستاذحماده الايام ده لن تنسى ابداابدا
كل عام و حضرتك وجميع الامه الاسلاميه بخيروسلام

دي كانت ايام البركة ال عمرها ما هتتعوض
لان اي بيت كان يعمل فطار في رمضان لازم يطلع منه طبق للجار
او جار معين ويرد عليك بطبق حلو او غيره
كانت مواقف تشهدلها الايام بالاحترام

يعنى ياحماده انت جبت كل حاجه
ماعدا حاجه واحده
فاكر مريله المدرسه وشنطه الكتب كانت بتتفصل من ايه
كل عام وانت طيب ياابو سكندر

مينفعش اعمل الموضوع كله
لازم اسيب للكبير مكانه
ولازم بصمتك في الموضوع يا ابوسكندر

كى لا ننسى

والله لسه من فترة قريبة في المنطقة
كنا بنتكلم في الذكريات دي
وكان عندنا مصنع بسكوت مشهور اوي
كانوا بيحكوا عنه الجيل ال قبلنا
لان للاسف محضرتهوش
ده جيل الاربعينيات
انما احنا التلاتينات
بس بنحمد الله
اننا لحقنا ومش عارفيين ننسي انها اجمل ايام
كل سنة وانتوا طيبين ودايما يارب متجمعين بالخير
وان شاء الله نتجمع سويا في زيارة بيت الله الحرام
كل عام وانتم بكل حب وخير وسعادة
ولكم مني جميعا ارق ارق التحيات

[م / سمير محمد]

يااااااااااااااااه
والله زمان ياعم حمادة
انا فاكر كمان كارتون اسمة حراس الطبيعة وبرنامج اطفال اسمة بستان الوان كان مسابقات
واوعى تنسى شافكى المنيرى فى رمضان برنامج ولا فى الاحلام
وكانت لها جملة شهيرة فى نهاية كل حلقة
من ولا فى الاحلام الف سلام
وبرنامج دنيا الصناعة اللى كان بيقول فى اعلانة
دنيا الصناعة
من ثقتكم بدأنا ولرضاكم نستمر
وزلزال 92 كان عندى وقتها 11 سنة
ولسة فاكر الوقت دة والله كان معايا حصالة فى ايد والايد التانية ربع جنية
وبمجرد ما حصل الزلزال توقف عقلى للحظات الى ان تذكرت جملة فى كتاب العربى بتاع سنة خمسة
تكثر الزلازل فى اليابان
رميت الحصالة والربع جنية وطلعت اجرى فى الشارع

[hamadasat96]

المشاركة الأصلية كتبت بواسطة م / سمير محمد

يااااااااااااااااه
والله زمان ياعم حمادة
انا فاكر كمان كارتون اسمة حراس الطبيعة وبرنامج اطفال اسمة بستان الوان كان مسابقات
واوعى تنسى شافكى المنيرى فى رمضان برنامج ولا فى الاحلام
وكانت لها جملة شهيرة فى نهاية كل حلقة
من ولا فى الاحلام الف سلام
وبرنامج دنيا الصناعة اللى كان بيقول فى اعلانة
دنيا الصناعة
من ثقتكم بدأنا ولرضاكم نستمر
وزلزال 92 كان عندى وقتها 11 سنة
ولسة فاكر الوقت دة والله كان معايا حصالة فى ايد والايد التانية ربع جنية
وبمجرد ما حصل الزلزال توقف عقلى للحظات الى ان تذكرت جملة فى كتاب العربى بتاع سنة خمسة
تكثر الزلازل فى اليابان
رميت الحصالة والربع جنية وطلعت اجرى فى الشارع

اياااااااااااام حملت في طياتها اجمل ذكريات
ويمكن احنا بنعيش علي الذكريات الجميلة دي
وهوا ده ال مصبرنا
انا لما بقابل حد لسه عنده حنيين للماضي
بتحس انك تايه في دولة تانية وقابلت واحد من بلدك وبيتكلم نفس لغتك
اكنك لقيت كنز

[محمدكبدة]

المشاركة الأصلية كتبت بواسطة hamadasat96

جيل التسعينات .. أحنا أكتر جيل بيهرب من الواقع
بيلجأ للحياه الألكترونيه دايما .. بس عارفين ليه :)
معندناش حرية تعبير .. مش بنعرف نقول لحد أننا مش بنحبه أو مش طيقينه .. :/ جايز نكون بنخاف وجايز نكون بنكسف

احنا آخر جيل إتعلم اللعب فى الشارع , وأول جيل بدأ يلعب فيديو جيم
وإتفرج على الكارتون بالألوان , وإتفسحنا في الجناين ,
إحنا آخر جيل كان بيسجل الأغانى من الراديو والتلفزيون ,
وكنا بنسمعهم على الـWalkMan
إحنا إتعلمنا إزاى نبرمج الفيديو قبل أى حد , إحنا اللى لعبنا على الأتارى و سوبر وماريو
احنا جيل زينا وهرقليز و اول جزء من عائله ونيس وبوجى وطمطم وعمو فؤاد و مازنجرز وسلاحف النينجا وكابتن ماجد والبوررينجرز وعروستى
إحنا اللى شفنا الإنترنت على سرعة 56 ك/ب بفاكس مودم وكنا بنفتح صفحة واحدة بس
إحنا جيل شرايط الكاسيت الاصلى و التقليد
إحنا اللى كنا بنسافر فى العربيات اللى من غير حزام آمان ولا كيس هوا ,
إحنا اللى عيشنا من غير محمول وكنا بردوا على إتصال ببعض
إحنا اللى كنا بنأجر العجل ونجرى بيها من غير فرامل
إحنا لا شفنا بلاى إستيشن ولا تليفزيون فيه أكتر من 100 قناة
إحنا لا شفنا شاشة مسطحة ولا 3D ولا صوت مجسم ولا Mp3 ولا Ipod
إحنا آخر جيل كان بيقضى وقت فراغه فى قراءة قصص طويلة , رجل المستحيل ونوسه لوزة تختخ عاطف محب وغيرها
احنا اللي كنا بنستني برنامج طلباتك ايه من الخميس للخميس عشان نتفرج علي الكليبات وتاكسي السهره ومواقف وطرائف وعالم البحار والعلم والايمان للدكتور مصطفي محمود واليوم المفتوح يوم الخميس و الشعراوى بعد صلاه الجمعه
احنا الجيل اللى كنا بنصحى يوم الجمعه نتفرج على برنامج سينما الاطفال لعفاف الهلاوى وبعدها نشرة اخبار الاطفال وبعدها نتفرج على سر الارض
إحنا اللي كنا بنلاقى الربع جنيه ف الكارتيه والشيبسى
إحنا الجيل اللي كان بيستني الفيلم الهندى كل عيد , مرتين في السنة , وهما هما نفس الأفلام
إحنا الجيل اللي كان بيلعب كورة حقيقى مش بلاي ستيشن
إحنا آخر جيل عرف طعم النوم في الطفولة بعيد عن الموبايل واللابتوب والدش و الـ MP3
إحنا الجيل اللى عاشر اول موبايل نزل
إحنا اللى كنا نستنى رمضان يجى بسرعة عشان نلم من العماره كلها فلوس ونجيب زينة رمضان ونعلقها مع بعض
إحنا اللى كنا بنستنى الفيلم الاجنبى كل خميس ع القناة التانية
إحنا اللى كنا عايشين من غير فيس بوك ولا تويتر ولا سكاى بى
إحنا اللي كنا بنحلم نشوف الدنيا عاملة إزاى بعد نص الليل ,
لأننا عيشناه نايمين
إحنا الجيل اللي اتربى على اسمها نعم مش ايه
-إحنا جيل البرائه والطفوله اللى بجد :)
احنا جيل قضينا أحلى أيام عمرنا ويارتها دامت وفضلنا صغيرين






وده كان قمة الانجاز العلمي

الكاسيت المحمول

احلا ايام