[السيدعبدالعزيز]

مصر تفوز على الكنغو 2-1 نتيجة كويسة ....وان كنت اعتقد واجزم ان الكنغو حصالة المجموعة

فوزنا على غانا يقربنا من كاس العالم بنسبة 90%

فوزنا على اوغندا في اغندا يعني ان شاء الله بنسبة 99% صاعدين

لكن مش عايزين نفرح قوي ....نفرح شوية بسيطة ....فوزنا على غانا هو الامل الكبير لانها ما زالت المنافس الاول لنا

نفرح على قد الكنغو

اللي جاي اصعب

غانا في مصر

اوغندا في اوغندا

خاصة ان اوغندا هتلاعب الكنغو في اوغندا ......لو فازت عليها

هتبقى اسد قدامنا طبعا ....مش هتسيب الماتش ابدا ابدا

لازم نركز ......والتوفيق من عند ربنا


دفاعنا محتاج تقوية

الهجوم محتاج تركيز وانسجام اكتر


رمضان صبحي لا غنى عنه من بداية اللقاء بالرغم من تسرعه

ربنا يوفق

[نور المصطفى]

اولا مبروك للمصريين بجديد الحضري والسعيد فقط
ثانياا دفاع ضعيف
نصف ملعب مش موجود
لبد من تصليح هذه الاختيارات قبل مباراة غانا
رمضان صبحى لبد من وجودة من بداية المبارة
بالتوفيق للمنتخب فى القادم .

[السيدعبدالعزيز]

على جبر دفاعه كارثى
عبد الشافى اقل كثير مما كان عليه
طارق حامد اقل المباريات له
الننى لابد ان يكون اكثر جديه وعايز من الاخر قرصة ودن

[عادل عبدالعال]

هيثم فاروق: عصام الحضري أفضل لاعب في المباراة

[عادل عبدالعال]

إنقاذ عبد الشافي من على خط المرمى +رفعه الهدف الاول ربما يشفعان لعبدالشافى

[نور المصطفى]

هو ربناا سترهاا النهاردة منزلشي الشناوي كانت كملت
كانت هتبقى كارثة كنا هنشيل كتير .

[مكتب مريم]

بجد الواحد فرحان ومتفائل
اول متش فى لقاء الاول نكسبو فى التصفيات لكاس العالم
كنا كل متش نتعادل ونخسر ومنافس يكسب ويصعد
المرة دى قلبه معانا ربنا يكملها بالستر
نصعد لروسيا وبعدين نخسر ونطلع مش مشكله

[waleed omar]

الحمد لله على النتيجة والثلاث نقاط مع تعادل غانا فى اولى المباريات
الفوز على غانا حيقربنا اكثر من حلم الصعود ان شاء الله

[الامبراطور محمد]

المشاركة الأصلية كتبت بواسطة نور المصطفى

هو ربناا سترهاا النهاردة منزلشي الشناوي كانت كملت
كانت هتبقى كارثة كنا هنشيل كتير .

طيب لو نزل حارس الواسطة !!!!!!!!!!!! اكيد مش هيكون فيه شبكة وراه من كتر الاهداف اللى ملهاش حصر .

[الامبراطور محمد]

المشاركة الأصلية كتبت بواسطة السيدعبدالعزيز

على جبر دفاعه كارثى
عبد الشافى اقل كثير مما كان عليه
طارق حامد اقل المباريات له
الننى لابد ان يكون اكثر جديه وعايز من الاخر قرصة ودن

نسيت تقول رأيك فى كرستيانو عبد الله السعيد بغض النظر عن الهدف اللى صاحب الفضل كله فيه صلاح وبتفق معاك انى على جبر أخطائه قاتله

[احمد سمير]

المشاركة الأصلية كتبت بواسطة السيدعبدالعزيز

مصر تفوز على الكنغو 2-1 نتيجة كويسة ....وان كنت اعتقد واجزم ان الكنغو حصالة المجموعة

فوزنا على غانا يقربنا من كاس العالم بنسبة 90%

فوزنا على اوغندا في اغندا يعني ان شاء الله بنسبة 99% صاعدين

لكن مش عايزين نفرح قوي ....نفرح شوية بسيطة ....فوزنا على غانا هو الامل الكبير لانها ما زالت المنافس الاول لنا

نفرح على قد الكنغو

اللي جاي اصعب

غانا في مصر

اوغندا في اوغندا

خاصة ان اوغندا هتلاعب الكنغو في اوغندا ......لو فازت عليها

هتبقى اسد قدامنا طبعا ....مش هتسيب الماتش ابدا ابدا

لازم نركز ......والتوفيق من عند ربنا


دفاعنا محتاج تقوية

الهجوم محتاج تركيز وانسجام اكتر


رمضان صبحي لا غنى عنه من بداية اللقاء بالرغم من تسرعه

ربنا يوفق

اعتقد واجزم ان الكنغو حصالة المجموعة

أنا اللي بقولك
إن أضعف فرق المجموعه وحصالة المجموعه
هو الفريق المصري
مين هو أحمد حسن كوكاكولا
هههههه لايمكن بأن يكون لاعب كرة قدم
والدليل على صدق كلامي
كم هو عدد أهدافه مع سبورتنج لشبونه
---------
محمد النني
هل هذا لاعب اللي عامل زي العفاريت ده
عندنا في الدوري المصري أفضل منه بكثير
--------
تريزيجيه
لماذا بدأ المدرب المباراه بهذا اللاعب ضعيف المستوى
لاعب لايرتقي للعب بالدوري المصري
مش المنتخب ؟؟؟؟
لا لا يا إخواني
إفرضوا كده المنتخب أو تخيلوا كده إن المنتخب
كان بيلعب قدام الجزائر أو الكاميرون
بالأمس ياريتكم شاهدتوا مباراة الجزائر والكاميرون
والله كنا طلعنا بفضيحه لو كنا بنلعب قدام حد منهم
----------

[احمد سمير]

المشاركة الأصلية كتبت بواسطة السيدعبدالعزيز

على جبر دفاعه كارثى
عبد الشافى اقل كثير مما كان عليه
طارق حامد اقل المباريات له
الننى لابد ان يكون اكثر جديه وعايز من الاخر قرصة ودن

على جبر دفاعه كارثى

ياراجل حرام عليك
عندك حد أفضل من علي جبر
في مصر كلها

عبد الشافى اقل كثير

بالنسبه لعبد الشافي مش هختلف معاك
مستواه قل كثيرا

طارق حامد

ياراجل حرام عليك
إنته جاي على أفضل واحد في المباراه
وتقول أقل من مباريات كتير مستواه
لا لا طبعا أختلف معاك

الننى لابد ان يكون

النني لابد أن يكون
حلاق معيز وغنم
هههههه
مهو عامل شعره كشعر الغنم
الله يخرب بيته النني ويخرب بيت
اللي بيختاره ضمن صفوف المنتخب
---------

[مصراوى2]

انا بتفق مع كلام الاستاذ سيد تماما ومع كلام الاستاذ احمد سمير ولكن التوفيق خان الاستاذ سيد فى تقييمه لطارق حامد

[السيدعبدالعزيز]

المشاركة الأصلية كتبت بواسطة احمد سمير

ياراجل حرام عليك
عندك حد أفضل من علي جبر
في مصر كلها


بالنسبه لعبد الشافي مش هختلف معاك
مستواه قل كثيرا

ياراجل حرام عليك
إنته جاي على أفضل واحد في المباراه
وتقول أقل من مباريات كتير مستواه
لا لا طبعا أختلف معاك

النني لابد أن يكون
حلاق معيز وغنم
هههههه
مهو عامل شعره كشعر الغنم
الله يخرب بيته النني ويخرب بيت
اللي بيختاره ضمن صفوف المنتخب
---------

على جبر عنده على السبيل المثال وليس الحصر خطا فى الدقيق الاولى من الشوط الثانى والدقيقة 74 كان كل خطا منهم بهدف لولا براعه الحضرى وكمان الهدف خطا منه هو .

اما طارق حامد مع احترامى لراى الكثيرين عنده افضل من كده .

اما الننى بصراحة مستواه انخفض جدا وكان افضل منه ابراهيم صلاح الذى اعتبره افضل لاعب خط وسط فى مصر مع احترامى للاخرين .

[احمد سمير]

المشاركة الأصلية كتبت بواسطة السيدعبدالعزيز

على جبر عنده على السبيل المثال وليس الحصر خطا فى الدقيق الاولى من الشوط الثانى والدقيقة 74 كان كل خطا منهم بهدف لولا براعه الحضرى وكمان الهدف خطا منه هو .

اما طارق حامد مع احترامى لراى الكثيرين عنده افضل من كده .

اما الننى بصراحة مستواه انخفض جدا وكان افضل منه ابراهيم صلاح الذى اعتبره افضل لاعب خط وسط فى مصر مع احترامى للاخرين .

على جبر عنده

خطا فى الدقيق الاولى من الشوط الثانى

والدقيقة 74 كان كل خطا منهم بهدف لولا براعه

أنا لست مختلف معاك يا أستاذ سيد بالنسبه لأخطاء على جبر
ولكن ؟ دفاعي عنه لأنه للأسف
مفيش غيره عاملين زي الواحد اللي ممسوك
من إيده اللي بتوجعه
على جبر
لاعب من فصيلة البقر هو وحسام عاشور
أخطائهم قاتله ؟
كل خطأ يواجه بهدف أو بضربة جزاء أو بطرد
يعني أخطاؤه قاتلة وتشل حركة إستمرارية أي فريق
ولكن هنعمل إيه مفيش غيره للأسف
وإبراهين صلاح لاعب مزاجانجي
مره تشوفه بيلعب أفضل مباراه
ويقعد عليها زي الزفت
إلى أن يحالفه التوفيق مرة أخري
يعني لاعب مستواه مش ثابت وده
طبعا مينفعش
كان من المفروض تغيير تريزيجيه بعصفور الكناريا مصطفى فتحي
أفضل من كوكاكولا دا ألف مره
وكان حسام باولو في مثل هذه المباريات
كان هيبقى له دور كبير
والنني مفروض يتركن بره لحين تحسن مستواه زي المحمدي كده
-----------