|
|
|||||||
| تركيب و صيانة الدش المتحرك ( الموتور و البوزيشنر ) ( تركيب و صيانة الأطباق المتحركة بنظام الموتور و البوزيشنر ) |
 |
|
|
أدوات الموضوع |
|
#1
2016/05/23, 11:54 AM
|
||||
|
||||
وجود بوش فى ماتور تحريك الطبق
السلام عليكم
الاخوه الزملاء لدى طبق 180 وماتوره مركب عليه منذ فتره ولكننى لحظت منذ فتره وجود اهتزار بالقنوات وتكسير بالصوره وبعد عده محاولات وجدت المشكله تحدث عند زياده سرعه الرياح وبالكشف على المجموعه وجدت بوش فى اكس الماتور المحرك للطبق (بوش زياده عن الطبيعى ) واعتقد انه السبب فى التكسير فى بعض القنوات الرجاء المساعده فى حل المشكله تحياتى 
----------------------------
مشاهدة جميع مواضيع moneim67 
|
|
#2
2016/05/23, 04:05 PM
|
||||
|
||||
|
رد: وجود بوش فى ماتور تحريك الطبق
----------------------------
مشاهدة جميع مواضيع moneim67
|
|
#3
2016/05/23, 05:55 PM
|
||||
|
||||
|
رد: وجود بوش فى ماتور تحريك الطبق
اقتباس:
هل أفهم من كلام حضرتك اخى منعم أن البوش فى الموتور نفسه يعنى بيتكتك لما تضغطه وتفرده بإيدك ؟ إذا كان الحال كذلك فستجد فى الرسم المرفق جزء مرقم ب B هذا الجزء به قلاووظ داخلى خشن على قد قلاووظ التيش الطويل D وقلاووظ خارجى بيركب فى الجزء اللى بيخرج من الموتور " دراع الموتور" رقم C هذا الجزء عادة بيبقى فبر ومعرض إنه "يحلق " مع عدم تشحيمه لو تعرف تفك الموتور وتطلع الجزء ده تخرط جزء زيه يبقى حليت المشكله من الأساس وأصبح عندك موتور احسن من الجديد لو شايف إن تكلفة الخراطه تجيب موتور جديد أقولك علي حل رخيص الجزء الفبر ده تبيت فىه صاموله علي قد التيش " ممكن تكون صاموله 22" أو تستغنى عن الجزء الفبر وتركب الصاموله فى الجزء C بالزنق وتطبيع الماسوره علي الصاموله وبعدين تركب فيها مسمارين صغيرين يثبتوها فى الماسوره لو ماتعرفش تفك الموتورنكمل الحوار
----------------------------
مشاهدة جميع مواضيع الحاج شريف
|
|
#4
2016/05/23, 06:39 PM
|
||||
|
||||
رد: وجود بوش فى ماتور تحريك الطبق
اقتباس:
شكرا اخى الغالى لقد قمت بحل الماتور مره او اكثر ولكن كل مره تحدث مشكله ولقد قمت بتشحيم الماتور منذ شهرين لو امكن الخطوه التاليه فى حاله عدم امكانيه الحل تحياتى اخى شريف وتقديرى
----------------------------
مشاهدة جميع مواضيع moneim67
|
|
#5
2016/05/23, 07:24 PM
|
||||
|
||||
|
رد: وجود بوش فى ماتور تحريك الطبق
اقتباس:
الحل ذكرته لكن مافيش مشكله،،، لى عند حضرتك 5 أسئله هل حضرتك فكيت الموتور لوحده وتأكدت أن البوش فيه يعنى الدراع بيليب ؟ إذا كانت الإجابه بنعم ننتقل للسؤال التالى هل حضرتك لما بتعمل صيانه وتشحيم للموتور بتفكه زى الصوره كل حته لوحدها ؟ إذا كانت الإجابه بنعم ننتقل للسؤال التالى هل عند حضرتك استعداد تخرط قطعه الومنيوم بدل القطعه الفبر " الحل الأول " إذا كانت الإجابه بلا ننتقل للسؤال التالى هل تقدر حضرتك تبيت صاموله فى القطعه الفبر قلاووظها يركب فى التيش D اللى فى الرسم ؟ إذا كانت الإجابه بلا ننتقل للسؤال التالى هل تقدر حضرتك تركب الصاموله اللى فى الحل اللى فات فى الدراع مباشرة من غير القطعه الفبر ؟؟؟؟؟؟؟؟ خد وقتك وماتتسرعش فى الإجابه ده مش امتحان إحنا بنفكر سوا والتوفيق منه سبحانه وتعالى
----------------------------
مشاهدة جميع مواضيع الحاج شريف
|
|
#6
2016/05/24, 03:46 PM
|
||||
|
||||
رد: وجود بوش فى ماتور تحريك الطبق
اقتباس:
شكرا اخى الغالى شريف للتوضيح 1-البوش فى الذراع 2-عند عمل الصيانه لايتم فك الماتور قطعه قطعه انما يكتفى بوضع الزيوت والشحوم بسرنجه وقد فك الماتور مرتين بالكامل وكل مره يتم التركيب تحدث مشكله لذلك لا افضل حله الا فى الضروه القصوى 3-لايوجد لدى امكانيه لخرط الومنيوم مكان الفيبر 4- ممكن اركب الصاموله مباشره بدون الفيبر ولكن ذكرت انه يتم تثبيت الصاموله بمسامير فلازم اما صاموله مجهزه او اقوم بعمل ثقوب للمسامير بها فلا انا فاهم خطأ لاقدر الله شكرا اخى على المساعده وانا فعلا بحب التحديات ولكن صعوبه الحصول على ماتور تيوانى تحياتى وشكرا مره اخرى
----------------------------
مشاهدة جميع مواضيع moneim67
|
|
#7
2016/05/25, 09:55 AM
|
||||
|
||||
|
رد: وجود بوش فى ماتور تحريك الطبق
اقتباس:
أهلا بك أخى الكريم لا حضرتك تمام فاهم صح أهم خطوه لفك الموتور هى لم الموتور بالكامل علي أول قمر فى الغرب حتى لا نفقد موضع الدراع عند إعادة التركيب ثم نفك الموتور من مسامير تركيبه فى الطبق "مسامير 19" ثم نتبع الخطوات كما فى الصوره الخطوه الثانيه : فك جلبة زنق الدراع بميزلونجه أو شوكه الخطوه الثالثه : فك عروة الموتور بمفتاح مواسير "ستليسن " ويراعى عدم فكه بإدخال مفك فى العروه لأنها هشه وقابله للكسر الخطوه الرابعه : عندما يصبح الدراع حرا من الطرفين نضغط الدراع لداخل الجراب بالطرق عليه بقطعة خشب أو بشاكوش وتحته قطعة خشب عندما يخرج الدراع للخارج خد مقاس الجزء الظاهر من قلاووظ التيش حتى يمكن إعادة تركيب التيش كما كان الأن أمامنا الدراع والتيش والصاموله وتستطيع أن ترى أين البوش ، وفى الغلب سيكون بين التيش والصاموله "الصاموله فى الصوره الومنيوم وأحيانا تكون فبر فى أنواع أخرى" فك الصاموله واسحب التيش للخارج لو حبيت تغير الصاموله حضرتك حتسحب التيله فى أول التيش وتخرج الجلبه وبعدين الصاموله الآن أمام حضرتك حلان إما تغيير الصاموله بمثيلتها " قلاووظ من الداخل والخارج" أو تغيير الصاموله بصاموله مناسبه للتيش ثم نثبتها فى الدراع بالزنق ثم بمسمارين او بن 3 مم من الناحيتين أو حتى باللحام وهناك حل مؤقت غير مكلف وممكن يستمر معك فتره لا بأس بها وهو عمل تخشينه مأخوذه من علبة كانه الومنيوم طولها حوالى 5 سم وعرضها 3 سم تقريبا تلفها حول التيش ثم تطبع الصاموله عليها كام مره وبعدين تتنيها ع الصاموله من الناحيتين ثم تشحم التيش وتعيد تركيب المجموعه أرجو ألا أكون قد قصرت فى الشرح ولاتتردد أخى فى مراجعة أى نقطه غير واضحه هذا حد علمى والله أعلى وأعلم ، تمنياتى بالتوفيق أخى الكريم
----------------------------
مشاهدة جميع مواضيع الحاج شريف
|
|
#8
2016/05/25, 03:23 PM
|
||||
|
||||
|
رد: وجود بوش فى ماتور تحريك الطبق
اقتباس:
شكرا اخى الغالى شريف الموضوع واضح ويستحق ان يوضع بالمثبتات ليستفيد منه الكثيرين 1- فقد لايتوافر لدى مفتاح مواسير "ستليسن " هل يوجد بديل 2- اخى لا اتذكر الصاموله التى مواصفاتها " قلاووظ من الداخل والخارج"ممكن ترفع صورتها حتى استطيع تجهيزها قبل الحل بأذن الله شكرا اخى مره اخرى وتحياتى
----------------------------
مشاهدة جميع مواضيع moneim67
|
|
#9
2016/05/25, 04:36 PM
|
||||
|
||||
|
رد: وجود بوش فى ماتور تحريك الطبق
اقتباس:
الشكر لله أخى الكريم المثبتات فى المنتدى لها نظام ، وبإذن الله أعمل موضوع منفصل عن صيانة المواتير يكون عام مش خاص بمشكله معينه بالنسبه لمفتاح المواسير ممكن بنسه كلابه علي رقبة العروه أو بنسه عاديه بالنسبه للصاموله اللى فيها البوش بتختلف من موتور لموتور ولازم تركب الصاموله علي أبوها أى علي الطبيعه ماينفعش تاخد مقاسات وتشترى وبعدين تجرب . لو جربت حل التخشينه الموضوع كله نص ساعه وهو حل سهل وعملى لو شايف إن الموضوع حاياخد وقت ركب خوصه بدل الموتور بمسمارين 14 وهى موجوده فى السوق بكثره ع القمر الأكثر مشاهدة الموضوع صحيح بياخد وقت فى الشرح لكن فى التنفيذ ربع ساعه أو أكتر شويه حسب خبرتك الحرفيه تمنياتى بالتوفيق أخى منعم
----------------------------
مشاهدة جميع مواضيع الحاج شريف
|
|
#10
2016/05/25, 09:14 PM
|
||||
|
||||
|
رد: وجود بوش فى ماتور تحريك الطبق
اقتباس:
شكرا اخى الغالى سيتم التجربه فى اقرب فرصه بأذن الله اما طلبى عن المثبتات ذلك لان الموضوع به معلومات كثيره ومهمه جدا وبعضها اول مره اشاهده تحياتى وتقديرى
----------------------------
مشاهدة جميع مواضيع moneim67
|
|
#11
2016/10/31, 10:36 PM
|
||||
|
||||
|
رد: وجود بوش فى ماتور تحريك الطبق
اقتباس:
ولكن للأسف نفس المشكلة؟
----------------------------
مشاهدة جميع مواضيع (النجم)
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مشكلة فى ماتور تحريك الطبق | الحسام المنتصر | تركيب و صيانة الدش المتحرك ( الموتور و البوزيشنر ) | 6 | 2021/02/06 09:04 PM |
| بخصوص نوعية سلك ماتور تحريك الطبق | الحسام المنتصر | تركيب و صيانة الدش المتحرك ( الموتور و البوزيشنر ) | 9 | 2020/11/18 01:03 AM |
| بوش فى مقبض ماتور تحريك الطبق | egyhulk | تركيب و صيانة الدش المتحرك ( الموتور و البوزيشنر ) | 1 | 2018/09/03 05:30 AM |
| ماتور تحريك لطبق 130م | adel600 | تركيبات الدش و الدش المركزي | 3 | 2018/06/05 08:15 PM |
| ماتور تحريك لطبق 130م | adel600 | تركيب و صيانة الدش المتحرك ( الموتور و البوزيشنر ) | 2 | 2018/06/05 08:08 PM |
