[MohamedYousri]

السلام عليكم جميعا

كذا حد من الاصدقاء مش شغال عنده تردد ON Sport خالص مش بيرفع اشاره نهائي

عندي انا شغال طبيعي لكن مش عارف ليه في ناس كتير عماله تشتكي منه

حد عنده فكرة ممكن تكون المشكله فين ؟

[حلم عمرنا]

انا لاحظت

برضو كتير قال كدة بس معرفش السبب فى ظبط الاطباق عندهم ولا لا

[السيدعبدالعزيز]

عندى طبقين نايل سات .

واحد شغاله عليه كويس والتانى لا .

يعنى من الاخر حاول تظبط الطبق كويس .

[اسماعيل عمر]

غير القطعة بنوعية تكون كويسة
ترومان
برفيكس
ستار سات

[hamoda1984]

النهاردة واحد جاري قالي القناة قاطع اشارة.القمر كلة شغال الا التردد دة
شكيت في السلك .شلت الصمولة وطولت السلك الي بيدخل في الريسيفر وحكمت الصمولة كويس في السلك اشتغل طلقة

[محمد رشاد فهيم]

الموضوع ممكن يكون
من سلك من العدسه من ضبط الطبق
اى حاجه متوقع مع التردد ده

[boodboo]

بص ياغالى من غير ما تلعب فى الطبق ولا القطعة غير نظام البحث فى الريسيفر خلى 22khz اوتماتيك وهى حتشتغل معاك

[aliromeh]

الحل خلى نظام اللاقط 18v وابحث سوف يلقط إشارة معاك

[ملك الاكترونيات]

عن تجربة المشكلة فى اما السلك او العدسة

[حـازم حـازم]

عندنا مناطق فيها الاشاره شغاله ومناطق لأ ... بيبقا مشكله فى نطاق توزيع الاشاره على بعض الترددات زى سى بى سى ايضا بتختلف حسب المكان

[egysat822]

المشاركة الأصلية كتبت بواسطة boodboo

بص ياغالى من غير ما تلعب فى الطبق ولا القطعة غير نظام البحث فى الريسيفر خلى 22khz اوتماتيك وهى حتشتغل معاك

تم بالفعل وخليت الوضع اوتوماتيك واشتغلت القناه شكرا للافاده

[اوكا2010]

المشاركة الأصلية كتبت بواسطة حـازم حـازم

عندنا مناطق فيها الاشاره شغاله ومناطق لأ ... بيبقا مشكله فى نطاق توزيع الاشاره على بعض الترددات زى سى بى سى ايضا بتختلف حسب المكان

التردد بتاثر من ابراج المحمول او شبكه نت قريبه ليس سلك او LNB او اشاره عان محدش يتعب نفسه و زى تردد CBC