[عادل عبدالعال]

صرح مرتضى منصور رئيس مجلس إدارة الزمالك أنه يرفض استكمال مسابقة الدوري الممتاز، في ظل ما أسماه بـ"الأداء التحكيمي الفاجر
وعبر رئيس النادي الأبيض عن رفضه في أكثر من مناسبة لأداء التحكيم خلال مباريات الدوري الممتاز سواء في مباريات الزمالك أو منافسه التقليدي الأهلي.

ونشر الزمالك عبر موقعه الرسمي على الانترنت :"أعلن مرتضى منصور رئيس نادي الزمالك عن عدم استكمال مسابقة الدوري في ظل استمرار الأداء التحكيمي الفاجر والفاسد."

وأوضح مرتضى منصور في تصريحات مقتضبة أدلى بها أثناء سير مباراة الأهلي ومصر المقاصة :"لن يستمر الزمالك بسبب المجاملات الفجة في بعض مباريات الدوري."

وأثار إبراهيم نور الدين حكم مباراة الأهلي ومصر المقاصة الجدل بعدما احتسب ركلة جزاء لصالح الأهلي في الشوط الأول نتيجة لمسة يد من جانب حسين الشحات لاعب مصر المقاصة.

وتبادل مسئولو الأهلي والزمالك خلال الفترة الماضية التصريحات حول الأداء التحكيمي في مباريات كلا الفريقين.

وسبق لمرتضى منصور أن هدد بانسحاب الزمالك من الدوري الممتاز خلال مباراة الأهلي والمقاولون العرب في الدور الأول من الموسم الماضي.

[شكرى المنياوى]

حنفى هيرجع فكلامه كالعاده
خلاص تنزل المرادى

[adhamelmasry]

اكيد العيل هيرجع فى كلامه كالمعتاد
وبعدين مش دول الحكام اللى كسبو الزمالك 3 ماتشات
والله مش فاهم ده عايز ايه بالظبط

[( ABU YOUSEF)]

الصراحه ان موش فاهم مرتضي كل ماتش يتكلم عن الظلم التحكيمي هو موش شايف غير الاهلي بس طيب مالزمالك برضو زي بيقول بيكسب بضربات جزاء غير صحيحه وبنفس الحكام اللي بيقول عليهم هو بينسي ولا ايه

[السيدعبدالعزيز]

التحكيم هذا العام سيء على جميع الفرق بما فيهم الاهلى والزمالك

[مصراوى2]

لا اله الا الله
لما الحكم لا يحتسب ضربات جزاء على الزمالك و يحتسب ضربات جزاء غير حقيقة للزمالك فى نفس المبارة
مرتضى و الزمالكوية و خالد الغندور يطلعوا يقولوا اخطاء الحكام شىء فى كل العالم
ولما يكون فى صالح الأهلى الدنيا تتقلب

[مصراوى2]

في السنه اليتيمة اللي الزمالك اخد فيها الدوري اتحسب له 22 ضربة جزاء


ولو مورتا رئيس نادي الزمالك فتك يعملها ومش عايزين هرتله في الفضائيات على فشووووووووووووووووش


وياريت ينفذ وعده بالانسحاب لأكون اول من يوقره ويحترمه ولكنه لم ولن يفعل

[عادل عبدالعال]

*الزمالك يخطر أتحاد الكرة رسميا بتجميد نشاطه بالدوري
**أنباء عن إقالة رضا البلتاجي من رئاسة لجنة الحكام بإتحاد الكرة
***الزمالك يطالب أتحاد الكرة بالتحقيق مع أحمد الشيخ بتهمة التواطؤ وتعمد اهدار ركلة الجزاء

[عادل عبدالعال]

أخطر النادي الإسماعيلي، برئاسة إبراهيم عثمان، عن انسحاب فريقه من مسابقة الدوري الممتاز، اعتراضًا على التحكيم.

جاء ذلك القرار، تضامنًا مع نادي الزمالك، والذي أعلن انسحابه، بسبب القرارات التحكيمية

[نور المصطفى]

هو بصراحة مطلوب اعدام حكام مصر لانهم لايصلحوا للتحكيم فاشلون .

[احمد سمير]

المشاركة الأصلية كتبت بواسطة مصر فوق الجميع ( ابو يوسف)

الصراحه ان موش فاهم مرتضي كل ماتش يتكلم عن الظلم التحكيمي هو موش شايف غير الاهلي بس طيب مالزمالك برضو زي بيقول بيكسب بضربات جزاء غير صحيحه وبنفس الحكام اللي بيقول عليهم هو بينسي ولا ايه

بيكسب بضربات جزاء غير صحيحه

يا أبو يوسف
والله العظيم مرتضى منصور
مافي منه
لكن المشكله ليست مشكلة مرتضى
المشكله تكمن في الفرق الغلبانه الضعيفه
زي طنطا والشرقيه والنصر للتعدين
النقطه والنقطتين والتعادل يفرق معاهم كتير
مباراة النصر للتعدين والاسماعيلي
محمد عواد وهو خارج منطقة الجزاء بحوالي
10 متر يتصدى لتسديدة مهاجم النصر ويصدها
بيده وعلى مرأي ومشهد من الجميع
والله لو كان حكم نظره 33 على 6 لكان
إتخذ بها قرار وكما تنص اللائحة وهو طرد محمد عواد
طنطا لها ضربة جزاء أمام الزمالك الشرقيه لها ولها ولها
وبطل كل هذه المشاكل هم الحكام طيب ليه تسكت على
هذه الأخطاء ؟؟؟ الزمالك عليه ضربات جزاء لم تحتسب وليه ضربات
جزاء لم تحتسب وهكذا الأهلي
طيب الفرق الصاعده حديثا دي واللي مش لاقيه
أي فلوس لكي تصرف على اللعبه
تروح فين يعني
لا لا حرام والله وألف حرام
خلينا نتكلم بصدق ولو مره حتى لو هنظلم أنفسنا
طالما نحن مخطئون
؟؟؟؟

[السنيورشريف]

على فكره الزمالك الموسم الماضى 8 اشهر بلا ضربه جزاء واحده ومعاه اكبر ممثلين فى مصر اما الاهلى كفايه تنفخ فى اذن لاعبيه كفيل باحتساب ضربه جزاء

[( ABU YOUSEF)]

ياحاج احمد الظلم علي الفرق كلها انا موش الصراحه ايه الضجه ده كلها رئيس نادي طنطا امبارح صرح في حديث ان الزمالك هو اكبر نادي استفاد من اخطاء الحكام واهو نادي ولا بيوخد دوري ولا كاس وبالمناسبه مباراه التعدين انا شوفتها وكان المفروض الحاج عواد ينطرد لما صد الكوره من بره خط المرمي بكتير اوووي لكن الحكم عمل نفسه من بنها هههههه وضربيتن جزاء للزمالك في مباراه الاسماعيلي وضربه الجزاء الغير صحيحه اللي احتسبت في مباراه طنطا والزمالك وهدف وادي دجله الصحيح في الزمالك الذي لم يحتسب والموسم الماضي كوره اسلام عبد النعيم في مرمي الشناوي لما الكوره تعدت خد المرمي ولم تحتسب خالص في مباراه الداخليه والزمالك

المشاركة الأصلية كتبت بواسطة احمد سمير

يا أبو يوسف
والله العظيم مرتضى منصور
مافي منه
لكن المشكله ليست مشكلة مرتضى
المشكله تكمن في الفرق الغلبانه الضعيفه
زي طنطا والشرقيه والنصر للتعدين
النقطه والنقطتين والتعادل يفرق معاهم كتير
مباراة النصر للتعدين والاسماعيلي
محمد عواد وهو خارج منطقة الجزاء بحوالي
10 متر يتصدى لتسديدة مهاجم النصر ويصدها
بيده وعلى مرأي ومشهد من الجميع
والله لو كان حكم نظره 33 على 6 لكان
إتخذ بها قرار وكما تنص اللائحة وهو طرد محمد عواد
طنطا لها ضربة جزاء أمام الزمالك الشرقيه لها ولها ولها
وبطل كل هذه المشاكل هم الحكام طيب ليه تسكت على
هذه الأخطاء ؟؟؟ الزمالك عليه ضربات جزاء لم تحتسب وليه ضربات
جزاء لم تحتسب وهكذا الأهلي
طيب الفرق الصاعده حديثا دي واللي مش لاقيه
أي فلوس لكي تصرف على اللعبه
تروح فين يعني
لا لا حرام والله وألف حرام
خلينا نتكلم بصدق ولو مره حتى لو هنظلم أنفسنا
طالما نحن مخطئون
؟؟؟؟

[احمد سمير]

عرفت إن فيه فرق كتير مظلومه يا أبو يوسف
فرق متعرفش تطالب بحقوقها خوفا من الذبح
مشكله الحكام أنهم دائما بيكونوا في صف القوي
أنا مش بتكلم عن زمالك وأهلي
أنا بتكلم عن حقوق ناس غلابه لاتتجرأ وأن تطالب بحقوقها
وخصوصا عندنا في مصر
-----