[mina sarwat]

محتاج اعرف كيفية تشغيل التايم شفت للجهاز كيوماكس h5 بالشرح وهل تنفع عشان التعليق العربي

[قياتى عويس]

تجيب فلاشة8 جيجا تحطها فى الرسيفر وتكون مفرمطة ويكون معك برنامج المكسلر دا على جوجل بلاي شكله احمر برنامج راديو بيجيب تعليق قناة البنسبورت المعلق العربي
اول مايبدا الماتش تشغل البرنامج على الموبايل وبعدين من زر التسجيل عندك فى ريموت الرسيفر تضغط عليه وبعدين تضغط توقيف الصورة من زرار الايقاف وبرضو عندك فى الرسيفر توقف الصورة تقريبا14 او 15 ثانية فى الوقت دا البرنامج شغال والمعلق بعد الثوانى دى تدوس تشغيل من الريموت تتحرك الصورة وان شاء الله هتلاقى الصوت مع الصورة ممكن توصل الراديو فى الموبايل بسماعة مستقلة عادى او تجيب وصله اتنين فى واحد توصل الطرف الفردى فى الموبايل وطرف فى التلفزيون فى مكان الصوت ووصللة تانى للصورة من الرسيفر للتلفزيون او تخليها فى سماعة مستقلة براحتك

[mina sarwat]

طيب معلش انا مش فاهم قوي بص حضرتك انا هاحمل البرنامج بتاع راديو الب ان اللي هو ميكسلر وبعد كدة احط الفلاشة في الرسيفر واشغل الماتش علي القناة الاجنبية واشغل البرنامج في الموبايل طبغا هلاقي فية تاخير بعد كدة اضغط علي زر التسجيل من ريموت الرسيفر طيب اضغط تسجيل والراديو شغال ولا اية وبعد ما استني 15ثانية اضغط تشغيل وكدة الدنيا تبقي تمام ولا اية وكمان مفيش اي خيارات في الرسيفر تاني غير التسجيل. معلش للاطالة لاني مش فاهم الخاصية دي ونفسي اشغلها عشان التعليق العربي