[Miragee]

الاجهزه المشابهه للجهاز نزلها اربع سوفتات اضافيه واحنا متوقفين عند سوفت 220 والمشكله مفيش اي موقع للدعم الفني او اي شئ فا ياريت الاخواه الافاضل في توكيل عبد العال يتفحو موقع الكتروني بلاش موقع الكتروني خليها صفحه علي الفيس خليها صفحه علي تويتر حتي مدونه الكترونيه اي شئ ناخد منو السوفتات ومنبقاش لعبه في ايد التجار ياما كدا يا اما كل المتضررين هيبلغو جهاز حمايه المستهلك انهم اشترو اجهزه الكترونيه من غير دعم وملهمش اماكن خدمه عملا حتي ولا معاهم ضمان وهي اجهزه عبد العال كيوماكس وباقي التفاصيل معروفه ودي طرق تقديم الشكوي
في حالة رغبتك بتقديم شكواك مباشرة لجهاز حماية المستهلك يمكنك القيام بتقديم الشكوى من خلال إحدى الطرق التالية:

الاتصال بالخط الساخن الخاص بنا (19588) من خلال أي خط أرضى ( الخط الساخن يغطى القاهرة الكبرى – الإسكندرية ).
إرسال شكواك من خلال الفاكس على رقم 35380384.
التوجه لأقرب مكتب بريد لملء استمارة شكوى مجانية.
إرسال شكواك إلكترونياً بالضغط هنا.
https://www.cpa.gov.eg/ar-eg/%D8%A7%...83%D9%88%D9%89

التوجه إلى مقر الجهاز بالعنوان 96 شارع أحمد عرابي – المهندسين أو 115 ب القرية الذكية لتقديم الشكوى باليد.
في جميع الأحوال يرجى إرفاق صورة من فاتورة الشراء عند تقديم الشكوى أو إرسال صورة الفاتورة والمستندات الخاصة بالمنتج أو الخدمة محل الشكوى مدون عليها البيانات الخاصة بالشاكي أو رقم الشكوى(في حالة إستيفاء البيانات) إلى بريد الجهاز الإلكتروني


للعلم بس المشاركه دي كتبتها بعد يأس وتجارب من 2013 لما كان معايا جهاز vhd2 وكان نفس الحوار كان سوفتات محتكره ومفيش موقع رسمي لا وسعتها توقف دعمه بدايه سنه 2015 قبل الاجهزه الشبيهه بيه اللي مازالت بيتم دعمها الي الان مرورا ب h4 plus اللي برضو عملو نفس الحوار مع ان الاجهزه الشبيه ليه لسه بيتم دعمها اللي الان وعاوزين يكررو نفس السيناريو مع ال h7 والمشكله ان مفيش في مصر اجهزه زي استار ستات 900000 وغيره من الاجهزه المحترمه كنت جبتو وريحت دماغي

[amr shabaan]

شر البلية ما يضحك .... فكرتنى يا اخى العزيز لما روحت توكيل عبدالعال صفيحة اشترى منه h7 اول كلمة قالها لى الجهاز مالوش ضمان ولا هتاخد معاه فاتورة ..... لا مؤاخذة فى الكلمة احنا ضحايا لزبالة الصين ووكلائها

[caf2010]

انا معاك احنا شعب طيب حرام عبد العال ,,,,,,,,,,,,,,,,,,,,,,,,

[ايمن 2010]

كله بير سلم والله شوف الاجهزة المحترمة ستارسات وتايجر


Sent from my iPhone using Tapatalk

[اشرف محمود سيد]

ها يخش دلوقتى واحد يقولك شوف الاجهزه ده بكام واجهزه عبد العال بكام ويجى واحد تانى يقولك يا اخى كفايه ******* بتاعه مفيش جهاز فى مصر زيه وبعد كده الموضوع يتقفل احنا نقدم شكوى بجد علشان موضوع الفاتوره ده يعنى تهرب ضريبى يعنى ممكن حضرته يضرب فاوتير من عنده ان الجهاز 300 ج مثلا وهو بيعه بى 1000 ج انا ها خش على الموقع واعمل شكوى

[اشرف محمود سيد]

تم عمل الشكوى فى المحل بتاع باب اللوق شكرا لى صاحب الموضوع

[ashraf mbn]

انا مش فاهم هو عبدالعال مش عايز يعمل موقع ليه
الموقع هيحتاج ايه منه
مرتب مهندس مسؤول عن الموقع وتكليف الموقع كتير عليه
وله موضوع الدعم ده مش لازمه اصلا
ده يفهمني ليه هو مش راضى يعمل وقع لأجهزة الخاصة به
وله علشان السوفت يكون فى التوكيل والكل يأكل عيش وله ايه .....

[amr shabaan]

المشاركة الأصلية كتبت بواسطة اشرف محمود سيد

تم عمل الشكوى فى المحل بتاع باب اللوق شكرا لى صاحب الموضوع

هتعمل شكوى ازاى يا باشا وانت اصلا مش معاك فاتورة منه

[اشرف محمود سيد]

انا قدمت شكوى ان المحل بيبع من غير فاوتير ولا اى حاجه ورافض يعطى فاتوره وادتهم اسم المحل ومكانه وسجلت موبيلى ويا مسهل

[كابتن أهلاوى]

طب معلش مع احترامي لما حضراتكم عارفين من زمان ان الجهاز زبالة وصفيحة بتشتروه ليه ؟؟ لما روحتوا التوكيل تشتروه من هناك وقالولكم مفيش ضمان ولا فاتورة اشتريتوه ليه ؟ لما الجهاز سيء كدة ومالوش دعم ليه دفعتوا فيه فلوس واشتريتوه ؟ مع احترامي انا واحد من ملاك الاتش ظ§ محدش ضربني على ايدي وانا بشتريه وملقتش افضل منه بسعره وطالما رضيت اشتريه وانا عارف عيوبه دي مينفعش بقى كل دقيقتين اقعد اعيط من العيوب اللي انا عارفها قبل مااشتريه ورضيت بيها فى مقابل امكانياته .... ده اولا ... ثانيا بالنسبة لحماية المستهلك مش هتعمل حاجة لان الجهاز شغال ومستقر حضرتك عاوز سوفتات جديدة عشان تفتح باقات مشاهدة مشفرة باشتراكات رسمية وده مخالف للقانون وبالتالي هيقولك ملكش حاجة عندي انا مقولتلكش اني بفتح قنوات مشفرة اصلا ببساطة .... قليل من الواقعية ياسادة

[caf2010]

يا مسهل يارب

[Miragee]

المشاركة الأصلية كتبت بواسطة كابتن أهلاوى

طب معلش مع احترامي لما حضراتكم عارفين من زمان ان الجهاز زبالة وصفيحة بتشتروه ليه ؟؟ لما روحتوا التوكيل تشتروه من هناك وقالولكم مفيش ضمان ولا فاتورة اشتريتوه ليه ؟ لما الجهاز سيء كدة ومالوش دعم ليه دفعتوا فيه فلوس واشتريتوه ؟ مع احترامي انا واحد من ملاك الاتش ظ§ محدش ضربني على ايدي وانا بشتريه وملقتش افضل منه بسعره وطالما رضيت اشتريه وانا عارف عيوبه دي مينفعش بقى كل دقيقتين اقعد اعيط من العيوب اللي انا عارفها قبل مااشتريه ورضيت بيها فى مقابل امكانياته .... ده اولا ... ثانيا بالنسبة لحماية المستهلك مش هتعمل حاجة لان الجهاز شغال ومستقر حضرتك عاوز سوفتات جديدة عشان تفتح باقات مشاهدة مشفرة باشتراكات رسمية وده مخالف للقانون وبالتالي هيقولك ملكش حاجة عندي انا مقولتلكش اني بفتح قنوات مشفرة اصلا ببساطة .... قليل من الواقعية ياسادة

كلامك يا غالي مردود عليه كل الناس بشتري الجهاز عشان الامكانيات والدعم في نفس الوقت وفي ناس كان عندها جهل بموضوع الدعم دا نهائي اشتريت جهاز زي اي جهاز تاني ليه دعم واتفجئت انو ملهوش دعم ولا ليه موقع رسمي ولا ليه صفحه علي اي موقع تواصل اجتماعي او حتي مدونه الكترونيه وبتتسول للتجار عشان يحنو عليهم بسوفت كل فتره والتانيه وبالنسبه لجهاز حمايه المستهلك اختصاصه عشان تبقي عارف مش ان الجهاز شغال كويس او لاء بس اختصاصه ان ميكونش في احتكار من اي نوع دا اولا . ثانيا ان ميجيش حد يرميلك الجهاز ومع نفسك فين الضمان فين الدعم الفني فين مراكز الصيانه المعتمده اللي هي خدمات ما بعد البيع دا كلو مش موجود
وبالنسبه للسوفتات اللي بتكلم عنها عشان تفتح القنوات دا مش موضوعنا ومش موضوع الشركات التانيه اللي بتنزل تحديث لاجهزتها وبستمر في دعمه سنين تحدثلك الاجهزه وتشغلك خدماتها وانتا تستعملها زي منتا عاوز وبعدين طظ في اي حاجه المهم الدعم وتحديث الجهاز والضمان والصيانه حتي لو مفيهوش اي مزايا

[Miragee]

المشاركة الأصلية كتبت بواسطة اشرف محمود سيد

ها يخش دلوقتى واحد يقولك شوف الاجهزه ده بكام واجهزه عبد العال بكام ويجى واحد تانى يقولك يا اخى كفايه ******* بتاعه مفيش جهاز فى مصر زيه وبعد كده الموضوع يتقفل احنا نقدم شكوى بجد علشان موضوع الفاتوره ده يعنى تهرب ضريبى يعنى ممكن حضرته يضرب فاوتير من عنده ان الجهاز 300 ج مثلا وهو بيعه بى 1000 ج انا ها خش على الموقع واعمل شكوى

وهو دا اللي حصل فعلا بالحرف وشكرا علي مشاركتك الايجابيه

[caf2010]

المشاركة الأصلية كتبت بواسطة Miragee

كلامك يا غالي مردود عليه كل الناس بشتري الجهاز عشان الامكانيات والدعم في نفس الوقت وفي ناس كان عندها جهل بموضوع الدعم دا نهائي اشتريت جهاز زي اي جهاز تاني ليه دعم واتفجئت انو ملهوش دعم ولا ليه موقع رسمي ولا ليه صفحه علي اي موقع تواصل اجتماعي او حتي مدونه الكترونيه وبتتسول للتجار عشان يحنو عليهم بسوفت كل فتره والتانيه وبالنسبه لجهاز حمايه المستهلك اختصاصه عشان تبقي عارف مش ان الجهاز شغال كويس او لاء بس اختصاصه ان ميكونش في احتكار من اي نوع دا اولا . ثانيا ان ميجيش حد يرميلك الجهاز ومع نفسك فين الضمان فين الدعم الفني فين مراكز الصيانه المعتمده اللي هي خدمات ما بعد البيع دا كلو مش موجود
وبالنسبه للسوفتات اللي بتكلم عنها عشان تفتح القنوات دا مش موضوعنا ومش موضوع الشركات التانيه اللي بتنزل تحديث لاجهزتها وبستمر في دعمه سنين تحدثلك الاجهزه وتشغلك خدماتها وانتا تستعملها زي منتا عاوز وبعدين طظ في اي حاجه المهم الدعم وتحديث الجهاز والضمان والصيانه حتي لو مفيهوش اي مزايا

كلام روعه بارك الله فيك

[$waseem$]

تمام نقدم شكاوي في التوكلين بيع بدون فاتوره وضمان