كوماكس الأسمر فرجن 1 داخل مربع فاصل الترددات الأفقى

المهندس سـات · #1 2017/04/08, 02:50 PM

كوماكس الأسمر فرجن 1 داخل مربع فاصل الترددات الأفقى وشغال ترددات الرأسى

بياناته كالتالى

نسخة الجهاز 1.00
نسخة البرنامج 1.19
نسخة المحمل 5.04

بقياس الفولت على التيونر أجد الفولت ما بين 12 , 14 فولت طبعاً بعد عمل اللازم من تنظيف والتجربه على دائرة بور أخر فلا جديد وضعت مقاومه 180 أوم بدل المقاومه الطبع أمام الـ LM317 ورقمها على
البورده RL 6 مكتوب عليها 2000 بأخرى 180 أوم وجدت إشارة الترددات الأفقى بتقطع بشكل مستمر مع ثبات الترددات الرأسى قمت بفصل الـ 2 دايود الزجاجى DL3 و DL2 و فصلت المقاومتان 220 RL13 و RL16 و فصلت الترانزستور QL1 مفيش فايده قمت بخلع المقاومة RL5 وقيمتها 4.7 كيلو وجربت بدونها إشتغلت الترددات الأفقى ولكن فصلت الترددات الرأسى قمت بإستبدالها بأخرى وهى بيكون مكتوب عليها 4701 فالحمد لله إشتغلت الترددات الأفقيه والرأسيه قمت بتوصيل الدايودات والمقاومات والترانزستور فلا مشكله الجهاز يعمل بصوره جيده وقمت بقياس الفولت وجدته بقى 18 فولت على الأفقى و 13 فولت على الرأسى
ملحوظه :- أولاً : المقاومه RL5 تانى مره تقابلنى عامله مشكله المره الأولى كانت فاصله التردد الرأسى وهذه المره فاصله التردد الأفقى معنى هذا أن من تقابله نفس هذه المشكله عليه أن يذهب إلى المقاومه RL5
ثانياً : المقاومه 4.7 كيلو المره الأولى كان مكتوب رقمها RL5 هذه المره مكتوب PL 5 مش عارف هو خطأ بالطباعه لأنى غير متذكر المره الأولى كانت R أو P
سؤال وأرجوا الرد عليه بعد إذنكم المقاومه الطبع 4.7 كيلو لو لم تكن موجوده عندى هل ينفع إنى أركب مكانها مقاومه 4.7 كيلو عاديه
أوجه شكرى للقائمين على المنتدى والأعضاء وأوجه شكر خاص للمهندس سمير فتحى لأنه هو من دلنى على هذه المقاومه اللعينه

شعبان جمعة · #2 2017/04/08, 02:56 PM

تسلم ياغالى للمعلومة دى واكيد تنفع تركب مقاومة عادية بنفس القيمة مكانها

المهندس سـات · #3 2017/04/08, 03:01 PM

اقتباس:

المشاركة الأصلية كتبت بواسطة شعبان جمعة

تسلم ياغالى للمعلومة دى واكيد تنفع تركب مقاومة عادية بنفس القيمة مكانها

أشكرك مهندس شعبان جمعه نورت موضوعى بردك أنا تحت أمر المنتدى وأعضائه

هشام شاهر · #4 2017/04/08, 08:50 PM

تنفع ياغالى مقاومه عاديه والعطل ده قابلنى كتير جدا وبتبقى المشكله فى المقاومه دى وبركبلها العاديه وبتشتغل زى الفل

المهندس سـات · #5 2017/04/08, 08:54 PM

اقتباس:

المشاركة الأصلية كتبت بواسطة هشام شاهر

تنفع ياغالى مقاومه عاديه والعطل ده قابلنى كتير جدا وبتبقى المشكله فى المقاومه دى وبركبلها العاديه وبتشتغل زى الفل

شكراً أخى على المتابعه والتوضيح

samir fathy · #6 2017/04/09, 01:08 AM

مبروك يا حماده

المهندس سـات · #7 2017/04/09, 01:13 AM

اقتباس:

المشاركة الأصلية كتبت بواسطة samir fathy

مبروك يا حماده

الله يبارك فيك يا هندسه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أحدث ملفات قنوات نايل سات عربى وإنجليزى كوماكس الأسمر فرجن 1 داخل مربع بكل جديد بتاريخ اليوم 18- 6 -2017	المهندس سـات	ملفات القنوات كيوماكس 999	132	2018/08/15 09:45 PM
كوماكس الأسود فرجن 1 داخل مربع القديم فاصل ترددات الرأسى	المهندس سـات	صيانة الريسيفر	14	2017/03/30 12:40 PM
رسيفر كوماكس 999 فرجن 9 داخل مربع فاصل اشارة	رضا عامر	صيانة الريسيفر	2	2016/12/06 01:32 AM
ريسفر كوماكس 999 فرجن 1 داخل مربع الاسود فاصل اشارة الراسى	عبدالحق	صيانة الريسيفر	8	2015/03/18 04:29 PM
كيوماكس 999 فرجن واحد داخل مربع الأسمر القديم	محمودزهران	ملفات القنوات كيوماكس 999	6	2014/03/23 02:02 AM