[ahmed elgazar42]

اولا ،، بعد نجاح احمد احمد فى انتخابات الكاف وبقى رئيس الاتحاد الافريقى بعد عيسى حياتو ظهر له صورة بعد الانتخابات مباشرة مع محمد كامل رئيس شركة بريزنتيشن !

ثانيا ،، يوم الخميس ال فات اعلن سيف زاهر فى برنامجه على اون سبورت ان بريزنتيشن بتجهز لمفاجأة ستهز القارة الافريقية وستغضب دولة عربية معينة معادية لمصر ( يقصد قطر ) والاعلان عنها قريبا جدا

ثالثا ،، فى زى تكهنات صحفية بتقول ان بريزنتيشن حصلت على حقوق لبطولات الكاف بدون ذكر اى تفاصيل للحقوق دى


بطولة افريقيا ابطال وكونفدرالية هتبدأ الشهر الجاى ولازم بريزنتيشن هتعلن قبلها عشان التسويق وكده

خلينا نستنى نشوف الحجر هيتحرك شوية ولا لأ وربنا كريم وحاسس بينا

[ابوالفتوح خليل]

يارب يكون الحلم حقيقة
ياااااااااااااااااااااااااااااارب

[ahmed_g67]

بيقولوا
سمعت
تكهنات

الله المستعان

[isah2]

سامحني يعني
بلح
وان كان رئيس القنوات قال ان لو اخدنا بطولات افريقيا او أي بطولة مباشرة لازم نشفر
وهاني ابو ريده اتكلم عن تشفير الدوري
يعني انسي

[isah2]

http://www.youm7.com/story/2017/3/28...%D8%A9/3163315

[Midoo2015]

كل الحقوق مباعه الى عام 2029 الى البين سبورت العربيه وكله هجايص من قناة اون سبورت رغم انى اتمنى يكون صحيح ويكون فيه قناة مصريه تقدر على الحصول على حقوق افريقيا لكن يبقى الواقع حقيقه بكل مرارته وتبقى الامنيات فى الخيال بكل جمالها

[ahmed mostafa mohamed]

الله المستعان

[kareka20]

يا مسهل الحال يارب

[حازم المعداوي]

يارب يكون حقيقة

[ابوشيبة]

الف شكر على الخبر لكن علشان دا يحصل لابد ان يحدث تحقيق فى عملية
بيع المباريات حتى 2028 واذا ثبت ان هناك مخالفات فى عملية البيع
يعاد عمل مزايدة جديدة لبيع المباريات

[عماد رياض]

يعنى هنفترض 10 فى المية ان الخبر صحيح وبرزنتشن هتاخد الحقوق هل هتذيع على المفتوح علشان خاطر عيون المواطن المصرى طبعا لا علشان النايل سات بيوصل الى بلاد وخدة حقوق ومش هينفع تذيع مجانى وافتكر لما بين سبورت كانت بتذيع الدورى الاسبانى وبعدين اتشفر علشان الحقوق يعنى من الاخر احمد زاى الحاج احمد

[الجنرال احمد]

افتكر ان الحقوق للقناة الفرنسية التى تبيع الحقوق ليس للبين سبورت وان الشبكة التى اشترت فى افريقيا هى سوبر سبورت جنوب افريقيا ولاتسقبل فى مصر وبافى الدول تذيع مجانى

[ahmed elgazar42]

للتوضيح ،،،

عيسى حياتو ربنا ياخده منح الحقوق لمدة 12 سنة لشركة لاجاردير الفرنسية والشركة دى محسوبة على beIN وقطر ليها نسبة فيها يعنى العلاقة بينهم زى بالظبط علاقة بريزنتيشن مع اون سبورت

رئيس الكاف الجديد قال اكتر من مرة ان هيتم مراجعة العقود معاها وان على الاقل اطول فترة تعاقد هتكون مدتها تلات مواسم او اربعة

شركة لاجاردير عن طريق المسئول بتاعها فى مصر حماده شادى اعلن مفاجأة بعد هزيمة عيسى حياتو
وهى ان لاجاردير اخدت الحقوق بس لسا مباعتش لقنوات beIN !

[karimbo]

المشاركة الأصلية كتبت بواسطة isah2

سامحني يعني
بلح
وان كان رئيس القنوات قال ان لو اخدنا بطولات افريقيا او أي بطولة مباشرة لازم نشفر
وهاني ابو ريده اتكلم عن تشفير الدوري
يعني انسي

اها والله يا ريس بلح ورطب وزغلول وكل انواع البلح والله
انا مش عارف لزمتها ايه المواضيع ام عناوين الجرايد الصفرا دي والناس تدخل وتقول يارب وندي للناس امل زائف .. زي مواضيع كده الشيرينج اللي بقالهم 8 سنين بيتكلمو عن فك تشفير الاو اس ان ولا اللي بقالهم اربع سنين بيتكلمو عن البي ان .. من المفترض يعني ان اعضاء المنتدى عندهم من الخبرة الكثير واغلبهم على خلفية كبيرة بكل الاقمار وكل الباقات الرياضية .. هاتولي باقة بطولات ببلاش!!! كله مشفر وده امر اجباااااااااااااري للجميع
وساعتها بقى ان شاء الله لما on sport تاخد البطولة .. هتعمل الاشتراك ازاي؟؟ هيعملولهم ريسيفر؟ ولا هيعملوا وصلة؟؟
قصة كبيرة وموال كبير وساعتها حتى لو اسعارهم رخيصة احنا برضه اللي هنحاسب على المشاريب بس من الناحية التانية .. والحدق يفهم انا اقصد ايه

[عبدالموجودبك]

ياعم الحاج البطولات دى أخذها عبيد أخذها زيد فى النهاية احنا اللى حندفع ومفيش حاجة ببلاش