[Midonow]

السلام عليكم ورحمه الله وبركاته رمضان كريم على كل الاعضاء الكرام
عندي مشكله ان ترددات قنوات كتيره بتبقى عاليه وفجأه تنزل لصفر زي dmc وon TV وقنوات كتيره بتبقى hمش v واغلب الوقت القنوات فاصله
انا السلك جوا الحيطه وطبق 70 ع عدسه ب ٤ مخارج شغال عليها ٢ رسيفر واحد شغال كويس جدا والتاني هوا اللي فيه المشكله يا ترى ايه الحل وشكرا ليكم

[kamel33]

بدل اماكن الرسيفر اذا فضل الرسيفر اللي عمل مشاكل زي ماهو تبقي المشكله في الرسيفر

اما اذا اشتغل الرسيفر كويس يبقي المشكله في السلك او الاف كونكتور اومدخل العدسه

[عمورة2]

خلى السلك الى رايح لرسيفر سليم ميكنش فية اى فواصل تاكد من السلك وغير مدخل العدسة بمدخل تانى وانشاء الله ها تتحل

[م / سمير محمد]

للاسف انت عندك اكتر من مشكله تعمل الموضوع ده
اولاً سلك الحائط من المحتمل ان فيه مشكله
ثانياً القطعه اللى اكتر من مخرج كتير جداً بتعمل المشاكل دى
الحل
انك تجرب الجهاز على طبق تانى يكون قطعه مخرج واحد ويفضل انه يكون سلك خارجى لحصر العطل من الجهاز ولا فيه مشكله من السلك
لو الجهاز اشتغل تمام يبقى هتشد سلك خارجى من طبقك وتشوف اشتغل كويس ولا لا
لو اشتغل يكون المشكله من السلك اللى داخل الحائط
لو مشتغلش يكون المشكله من القطعه نفسها ويفضل انك تركب طبق تانى بقطعه مخرج واحد لتنتهى المشكله بشكل كامل

[AlitoBeirut]

انا نفس مشكلتك يا غالي-- والمشكلة كانت من العدسة لانها 4 مخارج دايما ال H يفصل عندي

[Midonow]

المشاركة الأصلية كتبت بواسطة kamel33

بدل اماكن الرسيفر اذا فضل الرسيفر اللي عمل مشاكل زي ماهو تبقي المشكله في الرسيفر

اما اذا اشتغل الرسيفر كويس يبقي المشكله في السلك او الاف كونكتور اومدخل العدسه

انا غيرت مكان الرسيفر بدلت مكانهم وكل واحد فيهم شغال كويس ع الشاشات مش بيقطع ودا اللي استغربتله بس للرسيفر اللي كان بيقطع عليه القنوات لاحظت ان جوده الاشاره اقل عشر درجات عن الرسيفر التاني ف جوده الاشاره انا محتار بصراحه

[Midonow]

المشاركة الأصلية كتبت بواسطة عمورة2

خلى السلك الى رايح لرسيفر سليم ميكنش فية اى فواصل تاكد من السلك وغير مدخل العدسة بمدخل تانى وانشاء الله ها تتحل

غيرته مكانهم واشتغلو تمام بس مش عارف دا سببه ايه اديني مستني كام يوم واشوف هيفضل مستمر ع كدا ولا هيقطع تاني

[Midonow]

المشاركة الأصلية كتبت بواسطة م / سمير محمد

للاسف انت عندك اكتر من مشكله تعمل الموضوع ده
اولاً سلك الحائط من المحتمل ان فيه مشكله
ثانياً القطعه اللى اكتر من مخرج كتير جداً بتعمل المشاكل دى
الحل
انك تجرب الجهاز على طبق تانى يكون قطعه مخرج واحد ويفضل انه يكون سلك خارجى لحصر العطل من الجهاز ولا فيه مشكله من السلك
لو الجهاز اشتغل تمام يبقى هتشد سلك خارجى من طبقك وتشوف اشتغل كويس ولا لا
لو اشتغل يكون المشكله من السلك اللى داخل الحائط
لو مشتغلش يكون المشكله من القطعه نفسها ويفضل انك تركب طبق تانى بقطعه مخرج واحد لتنتهى المشكله بشكل كامل

السلك اللي جوا الحيطه صعب انه يتغير انا ممكن اشوف قصه الطبق او القطعه خصوصا ان الفني قالي غيرهم افضل

[Midonow]

المشاركة الأصلية كتبت بواسطة AlitoBeirut

انا نفس مشكلتك يا غالي-- والمشكلة كانت من العدسة لانها 4 مخارج دايما ال H يفصل عندي

بس لو العدسه كانت تشتغل ع رسيفر كويس ورسيفر تاني تقطع عليه مع انهم نفس العدسه ونفس الطبق
طب جيبت نوع ايه ف حد نصحني بيقولي ف عدسه ليزر بتبقى اشارتها كويسه

[المهندس/احمد جمال]

السلام عليكم
اما تيجى تمشى سلك داحل الحيطه لازم مواصفات السلك RG6
لازم تجرب جنب الطبق بسلك تست 2متر علشان تحدد مشكله فين
قطعه ولا سلك

[السنيورشريف]

المشكلة من سلك الحيطة لو جربت سلك خارجى هتلقى الاشارة مضبوط لما تركب سلك فى الحيطة لزم تستنضف