[hhhzeko]

مشكلة اشارة فى رسيفر ستارتراك 750سوبر بلاص
الجهاز هو هو ترومان 150 ام اكس الترا بالضبط البوردة من الداخل واحده والباور واحد ونفس الريموت
المشكلة ان الرسيفر جايب اشارة افقى وراسي ولا يشغل القنوات
عندما اعطيه سوفت وير لا يكمل الى الاخر
بياخد ملف القنوات عادى
عملت ضبط مصنع
سخنت على الجهاز بالكامل
خرج التيونر 13 و18 فولت
غيرت الباور ونفس المشكله
قفلت على البفة الصفراء
مفيش فايده
علما بان الجهاز مش راضي يحمل اى سوفت حتى النهاية
ايه الحل

[samir fathy]

هل الجهاز بيدخل على التركيب ولا لاااا لو لا يدخل على التركيب لابد من تغيير تيونر وخلى بالك التيونر أطرافه كثيره ومتعبه فى الفك يعنى واحده واحده

[hhhzeko]

المشاركة الأصلية كتبت بواسطة samir fathy

هل الجهاز بيدخل على التركيب ولا لاااا لو لا يدخل على التركيب لابد من تغيير تيونر وخلى بالك التيونر أطرافه كثيره ومتعبه فى الفك يعنى واحده واحده

الجهاز بيدخل على التركيب عادى والتيونر مخرج 13 و 18 فولت وجايب اشارة اول ما ادخل السلك

[samir fathy]

جرب بور آخر موثوق فيه لحصر العيب

[hhhzeko]

ياغالى انا كاتب انى جربت باور اخر بتاع نفس الجهاز ونفس المشكلة

[samir fathy]

رجع بالهوت بحرص شديد فى منطقة الاشاره

[hhhzeko]

الحمد لله تم حل المشكلة والجهاز اصبح يعمل بصورة واشارة ممتازة
المشكلة كانت فى الريجليتور اللى راكب جور التيونر على الرغم من انه مخرج 3.3 اللى انه هو السبب بعد تغييره الجهاز اشتغل الحمد لله
شكرا لك اخى الكريم على مجهودك معى

[samir fathy]

مبروك يا غالى