[kingofegypt]

السلام عليكم اخوانى
اولا احب ان انوه حضراتكم بنصب قد وقعت فيه وممكن ان يقع فيه احد غيرى
اذا لم ياخذ حذره المهم من اسبوع اشتريت رسيفر استارسات2000ac
ومشغلتوش غير امبارح عشان كان عندى ظروف فى الشغل ولما شغلته
اتفاجئت بحاجه غير متوقعه وهيه ان مافيش غير قنوات art والجزيره
وباقة سيفرا على الهوتبيرد هما بس اللى شاغالين فى الرسيفر وكل الاقمار
مش شغاله على العلم ان كل ********* متصله وشغاله ميه ميه وكل *****
مكتوب جنبه هوه بيشغل ايه من القنوات المهم اتصلت النهارده العصر بالمحل
اللى اشتريت منه الرسيرفر وقولتله على المشكله قالى مافيش اصلا رسيفر
اتش دى دلوقتى بيفتح غير النايل سات والهوتبيرد قولتله لاء ياعم الحاج
ازاى كل الرسيفرات شغاله كويس قالى ابدا مافيش وانا قولتلك قبل ماتشتريه
قولتله لاء مافيش حد قالى حاجه وانا لو كنت عرفت ان الرسيفر مش هيفتح غير النايل سات والهوتبيرد مكنتش اشتريته قالى ماليش دعوه هيه كده ولو
مش مصدقنى انزل واسال المهم اتضايقت بصراحه وحلفت انى اروحله واتخانق معاه وفعلا حطيت الرسيفر فى الكارتونه تانى وكنت بحمد ربنا انه
معداش عليه الوقت القانونى للترجيع والاستبدال المنوط بيها القانون
المهم روحت قولتله انا مش عايز الرسيفر قالى والله محدش ضربك على ايدك وقالك تعالى اشترى من عندى حاجه قولتله ازاى وفضلت ازعق والمهم
باختصار ليه واحد صاحبى شغال فى محل جنبيه صاحبى شافنى وانا بزعق مع صاحب المحل المهم اتدخل فى الموضوع والرسيفر رجع وخدت فلوسى تانى اللى هما 510 جنيه وبعد كده صاحبى خدنى عنده المحل وعاتبنى وقالى انت مجتليش ليه من الاول واشتريت منى انا كنت هفيدك وقولك على سر محدش يعرفه خالص وكل التجار فى باب اللوق متفقين عليه قولتله اللى هوه ايه قالى بس احلف انك متجيبش سيره لحد خالص المهم فى الاخر اتفاجئ ان السر يكون ايه تخيلوا (التجار كلهم اتفقوا انهم يسحبوا ********* المجانيه من الرسيفرات ويبيعوها لاى حد على انها ******* باشتراك فلوس ويحطوا بدالها ******* بتشغل النايل سات وبعض من قنوات الهوت بيرد وكلهم فعلا عملوا كده) يعنى فى الاخر اللى هينزل يشترى اى جهاز اتش دى بعد كده يكون واثق انه مش هيشوف غير قنوات النايل والهوتبيرد حتى لو الرسيفر 5000 جنيه ياريت اكون افدت الجميع عشان انا واحد من الناس اتحطيط فى الموقف ده وفى الاخر لما لاقيت العمليه كده زى قلتها يعنى الرسيفر الرخيص نفس اللى بيشغله الرسيفر الغالى قولت والله ماهشترى اى حاجه غاليه ورحت على ترومان وجيبت ترومان wifi_hd وريحت دماغى رخيص ب355 جنيه من شركة ترومان
ودى المشاركه اللى كنت بسال على حل فيها النهارده العصر
http://www.masrawysat.com/vb/showthread.php?t=686774

[عماد رياض]

اعتقد ان الكلام غير صحيح لان سمعت الشركة فى السرفر بتخلى الجهاز يبيع اكتر ويجب على كل واحد ان يسال عن الاقمار التى يفتحها الجهاز بصرف النظر هل هو عندة نايل او اوربى فقط

[redaragb]

شكرا لك اخى

[kingofegypt]

المشاركة الأصلية كتبت بواسطة عماد رياض

اعتقد ان الكلام غير صحيح لان سمعت الشركة فى السرفر بتخلى الجهاز يبيع اكتر ويجب على كل واحد ان يسال عن الاقمار التى يفتحها الجهاز بصرف النظر هل هو عندة نايل او اوربى فقط

فعلا يا اخى اعتقد الكلام اللى انا قولته كله كدب وكلامك صح
بس بقولك ايه انزل باب اللوق بكره وشوف المحلات هتقولك ايه
وبعد كده تعالى وقول ايه النتيجه (ربنا يسامحك)

[القمارى]

شكرا لك اخى على المعلومه

[kaman_2005]

كلام غير معقول وانت تجاوب علي نفسك بنفسك البورتات مفتوحه ام لا والكايد والباقات موجوده ام لا واسماء الباقات موجوده ام لا تاريخ بدايه ******* موجوده ام لا

حضرتك انت مش عارف اقولك غير الله يسامحك علي كلامك كل واحد في الاخر بيحاسب بافعاله بلاش تتهم ناس من غير ما تعرف حقيقه الامر
الاجهزه مصدرها الصين سرفرها جاهز من عندهم
الاجهزه الكوري سرفر في مصر او اشتراك في اي دوله اخري

هذا هو الموجود في باب اللوق

[kingofegypt]

المشاركة الأصلية كتبت بواسطة kaman_2005

كلام غير معقول وانت تجاوب علي نفسك بنفسك البورتات مفتوحه ام لا والكايد والباقات موجوده ام لا واسماء الباقات موجوده ام لا تاريخ بدايه ******* موجوده ام لا

حضرتك انت مش عارف اقولك غير الله يسامحك علي كلامك كل واحد في الاخر بيحاسب بافعاله بلاش تتهم ناس من غير ما تعرف حقيقه الامر
الاجهزه مصدرها الصين سرفرها جاهز من عندهم
الاجهزه الكوري سرفر في مصر او اشتراك في اي دوله اخري

هذا هو الموجود في باب اللوق

ياسيدى انا غلطان انا كداب انا منافق انا استاهل ضرب
الجزمه على راسى انى قولت على حاجه فعلا انا غلطان
بس ياريت بعد اللى انت قولته دلوقتى وكدبتنى بيه تنزل
باب اللوق وتجيب اى جهاز اتش دى وشوف النتيجه
هتكون ايه بس ياريت تقول النتيجه صح مش تقول اى
حاجه عشان تطلع نفسك صح للاخر تحياتى لسيادتك

[RAMY ANWER]

مشكور على النصيحه

[marion]

مانقدرش نقول الا حسبى الله ونعم الوكيل
.....
ولكن هناك بعض التجار شرفاء

[سيجما]

المشاركة الأصلية كتبت بواسطة kingofegypt

انا كنت هفيدك وقولك على سر محدش يعرفه خالص وكل التجار فى باب اللوق متفقين عليه قولتله اللى هوه ايه قالى بس احلف انك متجيبش سيره لحد خالص
http://www.masrawysat.com/vb/showthread.php?t=686774

طب يا اخى دا الراجل حلفك...؟؟
متجيبش سيره لحد..
وانت ما شاء الله...
دولى..

[tamer010151]

حسبى الله ونعم الوكيل

[abougouda78]

انا مصدقك فى جزئية ********* المجانية اللى بتيجى على الاجهزة لانهم فعلا مش بيجرب ليك غير الجزيرة وتيجى تسالة يقولك مش عندى غير طبق نايل سات اجرب علية شوف انت علشان كدا اشتريت الاسترونج الاتش دى وريحت دماغى وكمان ادانى ***** هدية فوقة وشغلوة ليا على الجزيرة فقط بردو هههههههههههههههه علشان كدا حاسس انك صادق

[osamasaad]

مع الاسف كل التجار او اغلبهم كده فى باب اللوق كانوا عايزين يضحكوا عليا من سنة فى طبق دالى او ecc و لقيت الواد بيتخانق معايا لما قلت انه زبالة مع انه يعرف كويس كده لكنه عايز الفلوس و طظ فى الامانة و الشرف

[المهندس /هاني عطية]

شكرا لك اخى

[mcafee]

المشاركة الأصلية كتبت بواسطة سيجما

طب يا اخى دا الراجل حلفك...؟؟
متجيبش سيره لحد..
وانت ما شاء الله...
دولى..

كنت ها اقولها