[محمود رشوان]

أنا عاشق للاهلى قبل ان اكون عاشق لمانويل جوزيه

ولكن اذا ما خسر جوزيه الدورى ...فلن الومه

من زماااان وانا مصمم على ضعف مركزى حراسة المرمى ومركز الظهير الايسر

وقد جاء تهور ودلع حسام غالى فى احداث مشكلة فى مركز الليبرو ايضا

ليفاجىء جوزيه انه مطالب بتصحيح اوضاع الليبرو والظهير الايسر ....ولا حل عنده طبعا لحراسة المرمى

فى خطة 343 او ايا كانت 352
الاطراف هى سر الخطورة ....

وقارن بين فتحى ومعوض .....ستجد ان معوض سىء جدا جدا بالمقارنة بفتحى فى كل شىء ....سواء سحب الفريق او خلخلة خطوط المنافسين

معوض لاعب لو لعب بيجيد ماتش ...وبيخفق تلاتة وبيصاب فى اتنين

لو رجعت بالذاكرة ستجد ان جوزيه بيحاول ترقيع الجبهة اليسرى دائما اثناء المباريات ....فكثيرا ما يخرج سيد ليلعب ايمن اشرف او حسين السيد ....او البحث عن مرونة تكتيكية داخل الملعب باسناد المهمة لفتحى او بركات ....وحدث هذا كثيرا ....ولكن لوجود شيكابالا فى الناحية دى ...فلابد من احمد فتحى ......وما علمناه جيدا ان سيد معوض يعانى من اصابة ...وانه قاعد بمسكنات .....فكان القرار بالدفع بفتحى فى اليسار .....وبركات يأخد مكان فتحى .......وغالى يأخد مكان بركات تحت المهاجمين متعب وجدو
ومكان غالى هيلعب اينو

تخيل معى اينو ...مكان حسام غالى ..................وتلك هى الكارثة .....لان مواصفات اينو تختلف تماما عن غالى....بل انها لا تفرق عن عاشور ...يعنى كدة فى اتنين عاشور

مما جعل الملعب يظهر ملخبط ....فتاه الجميع وقام كل واحد بمهمة وظيفته السابقة مع مهمته الحالية .....فراينا غالى يعود بقوة ليلحق بشيكابالا ويقع ويتفرج الباقون ويتسمرو مكانهم لانهم مش عارفين مين اللى المفروض يخش على شيكابالا ويقف شيكا على الكرة ويهديها للمحمدى ليحرز الهدف التانى

ولا يمكن اعفاء مسؤلية جوزيه من هذا ....ولكن يجب اعفاؤه من المحاكمة اصلا...لانه ليس صاحب قرار القائمة ولم تسنح له فرصة لرؤية نتيجة تغييراته التكتيكية الا فى مباريات رسمية وكمان مطلوب منه فيها الفوز

ان سربعة اللاعبين ودخولهم على بعض فى كرات مضحكة زى ما عمل احمد السيد وشريف فى الهدف الاول .....او تحرك جدو الخاطىء ومزاحمته لاحمد حسن فى الفرصة الساذجة التى سنحت للاهلى .....يدل على ان الاهلى حاليا فى معسكر اعداد وتعارف

لان شريف مش ليبرو .....

ولا جدو راس حربة

فما كان احمد السيد ان يفعل هذا لو ان عماد النحاس هو الليبرو

وما كان متعب ليفعل ما فعله جدو مع احمد حسن

كل ما ذكرته هو اشياء المفروض انها تزول مع الوقت وتحفيظ المهام .....ولكن مع كل الضغوط التى نراها

فبصراحة ما حدث يعتبر انجازا واعجازا .....لان تكرار التاريخ شىء صعب

ولكن لن نستعجل الاحتفال ...لان فعلا الدورى لم ينتهى ....ولن ينتهى الا بالفوز على سموحة ثم المقاولون ....ان شاء الله

واى شىء غير كدة ....فلا يوجد احد اهلاوى يضمن العبور من ماتش المقاصة بسهولة فى ظل وجود نفس العيوب ونفس الاخطاء ...والتى لا يسال عنها المدير الفنى
------------------

بالنسبة لنادى الزمالك

فالسؤال الذى لا اعلم له اجابة

كيف تنزل لياقة الشباب فى الشوط التانى بهذا الشكل

فالذى اعطى الاهلى التفوق فى الشوط التانى هى هبوط لياقة الكل دفعة واحدة ....ومن يرى المباراة بهدوء بعد اعادتها يرى بنفسه ان لاعبو الزمالك فى الشوط التانى بيجروا بصعوبة ......

اما فنيات التغييرات ونتائجها .....فاعتقد انها جاءت فى مصلحة سيطرة الاهلى .....وان سيطرة الاهلى الشكلية على الشوط التانى لم ينقصها سوى الفاعلية الهجومية ...

فكثيرا ما رأينا اربعة من مدافعين الاهلى فى نص ملعب الاهلى ....فى حين ال11 لاعبى الزمالك كانوا فى النص الاخر ....

لان جوزيه عارف كويس ان اى هجمة مرتدة ينتج عنها الهدف الثالث سينهى المباراة


----------------------

اما عن الاخلاقيات والكلام ده

فخلاص ...الموضوع ده منتهى قبل ان يبدأ

والحلال بين ...والحرام بين

والصح واضح ...والغلط واضح

ولكن لا تنسوا ابدا
ان اهم شىء فى الروح الرياضية ....ان تظهر وقت الاخفاق ...مش وقت الفوز
-------------

[MR_ZIZO76]

موضوع محترم اخى الكريم واجمل مافيه عدم وجود الفاظ تسيئ لاحد شكرا لك