[gadon]

فجأة الريموت توقف و الريسفير لا يتسجيب و الشاشة الصغيرة بتاعة استقبال الريموت جايب الاتى : 00ct الرجاء المساعدة خاصة انه ليس للريسفير اى زراير تشغيل زى الريسفيرات الكبيرة

[المهندس سـات]

من تلقاء نفسه يا غالى ولا بعد تحميل ملف خطأ

[gadon]

لا من تلقاء نفسه او احتمال حد من الاولاد ضغط على حاجة غلط و هو متوقف على قناة بانوراما فوود و القناة شغالة بس الريموت هو اللى توقف و لم يتم تحميل اى ملفات للجهاز

[gadon]

يا اخوانا حد يرد عليا بدل نقعد لغاية بكرة على قناة فوود

[المهندس سـات]

أدخل هنا وتابعنا بالنتيجة من فضلك

http://www.masrawysat.com/vb/showthread.php?t=2631639

[gadon]

اشكر حضرتك على المساعدة بس الموضوع ده بيتكلم على ملف خطأ و انا ما حملتش للجهاز اى ملفات و كمان دا جهازه واقف على اللوجو يعنى مش شغال انما انا جهازى شغال على قناة واحدة بس مش بيقلب ........ عموما لو حد يعرف اى الرمز بتاع 00ct او يعرفنى ازاى اعمل ضبط المصنع و الريموت واقف اعتقد انه هيحل المشكلة

[شعبان جمعة]

طيب ياغالى الاول افصل الكهرباء عن الجهاز ووصلها تانى وعرفنا ربما يكون مهنج

[gadon]

اكيد جربت فصل الكهربا و كمان جربت اضغط على كل الزراير مرة و هو بيفتح و بعد ما بيفتح و الملاحظة اللى لاحظتها انه بيكتب بوت عادى و بعدها بيكتب رقم القناة عادى لمدة ثانية كدة و بعدين بيقلب على الرمز 00ct و ملاحظة كمان ان لمبة البيان بتاعة شاشة استقبال الريسفير بتفضل منورة على طول و المعتاد انها تنور بس لما تدوس على الريموت و تطفى تانى

[joe_sat]

عليك الذهاب لفنى صيانه يقوم بتجربه فرونت بانل اخرى واذا لم يكون فى اى تغير يقوم بعمل شحن فلاشه للجهاز وان شاء الله تتحل المشكله

[المهندس سـات]

يا غالى جرب عدسة جهاز تانى نفس الجهاز إللى عندك ولو لم يكن يبقى الرسيفر كده مهنج يبقى لازم شحن فلاشة جرب تشحن له فلاشه مش هتخسر حاجه

[gadon]

اشكركم جميعا هى الفرونت بانل ( شاشة الريسفير ) اللى بتلزق دى بتتباع لوحديها و ياريت بكام عشان لو غالية اجيب ريسفر تانى و عوضى على الله

[joe_sat]

لا مش غاليه بس ماتجبش انت خد الجهاز الاول ورح لفنى وجرب غيرها اشتغل على الله خدها لو ماشتغلش خليه يجرب شحن فلاشة ربما تتحل المشكله بأذن الله

[gadon]

اكرر شكرى بارك الله فيكم جميعا

[joe_sat]

لا شكر على واجب ونحن جميعىآ فى الخدمه دومآ

فى انتظار الرد بعد الذهاب الى فنى الصيانه

[gadon]

ذهبت لفنى الصيانة و قالى حاجة غريبة جدا ان العدسة و الريموت الاتنين باظوا و اشتريت اتنين جداد من عنده بـــ 75 جنيه و العدسة شكلها مختلف عن القديمة فيها لمبتين واحدة حمرا و التانية خضرا و القديمة خضرا بس و دى بتكتب رقم السوفت بعد البوت و القديمة لا حتى الريموت شكله مختلف اكبر من القديم و فيه زراير من فوق اكتر بس شغال ... مش عارف كده صح و لا ايه