[أحمد_رجب_ابراهيم]

اولا معلومات الجهاز
البروسيسر 8873
الفيرتكال 47040
الصوت 7821
الايبروم 2408
الباور 5287
باور الاين 1555
المشكله انه لا يوجد خرج للباور نهائيا

طبعا

1-فحصت المكقف الالكو وجدت عليه 300 فولت
وبعد فصل الكهرباء يوجد تخزين للفولت على المكثف بشكل كبير
2- فحصت ترانزستور الباور وجدته سليم ولزياده التأكيد قمت بتغييره بواحد جديد ونفس العطل قائم
3- قمت بتغيير الترانزستور 3807 الموجود قبل الشوبر وتركيب واحد جديد ونفس المشكله قائمه
4-فمت بمراجعه الزينرات والدايودات قبل الشوبر ولا جديد
5-قمت بتغيير الترانزستور 1815 المتصل مع الفوتو كبلر ولا جديد
6-قمت بنزع اى سى الفيرتكال وباور الاين ولا جديد
7-وبعد تعب شديد قررت فحص المقاومات الكربونيه الموجوده قبل الشوبر وبالفعل وجد مقاومه تالفه والوانها كلاتى ذهبى-اصفر -احمر- بنى
وقيمتها 122كيلو اوم
وبتغييرها بواحده اخرى
الجهاز اشتغل تمام والحمد لله

[حسين31]

شكرااااا لك يا غالى
الرجاء ذكر كود المقاومه على الشاسيه
لافاده ...

[حافظ السويد]

مبرووووووووووووووووووووووووووك
الاصلاح
ومشكور للتنويه بمسبب العطل
تقبل تحياتي

[مهندس محمودعبدالحميد]

يا جماعه الخير الاخ صاحب الموضوع واضح انه بيكتب وخلاص او بينقل وخلاص قيمه المقاومه مش مظبوط ورقم الفيرتيكال مش مظبوط وعلى فكره انا مش بتجنى على صاحب الموضوع ولكن انا عارفه كويس وعارف من يوم ما كنت ادارى هنا فى المنتدى وكان بينقل كل مواضيع المنتديات التانيه وينسبها لنفسه فيا ريت قبل الردود العشوائيه تقروا الموضوع كويس

[ابوسماللصيانه]

فعلا مقاومه 122 كيلو ازاي الالوان بتقول 120 كيلو

[أحمد_رجب_ابراهيم]

المشاركة الأصلية كتبت بواسطة مهندس محمودعبدالحميد

يا جماعه الخير الاخ صاحب الموضوع واضح انه بيكتب وخلاص او بينقل وخلاص قيمه المقاومه مش مظبوط ورقم الفيرتيكال مش مظبوط وعلى فكره انا مش بتجنى على صاحب الموضوع ولكن انا عارفه كويس وعارف من يوم ما كنت ادارى هنا فى المنتدى وكان بينقل كل مواضيع المنتديات التانيه وينسبها لنفسه فيا ريت قبل الردود العشوائيه تقروا الموضوع كويس

اولا -كل الشكر محمود عبد الحميد وكل احترامى لرأيه
ثانيا -بالنسبه لقيمه المقاومه فعلا مش مضبوطه ولكن الوانها مضبوطه وخطأى فى كتابتها ولكن الوانها سليمه وهى ذهيى-اصفر-احمر-بنى وقيمتها 120000اوم يعنى 120 كيلو اوم وخطأى عند كتابنها 122كيلو واعترف ولكن سهوا منى اثناء الكتابه
ثالثا- بالنسبه لرقم اى سى الفيرتكال فأختلف معك لان قيمته صحيحه واطلب منك مراجعه معلوماتك
رابعا-انا لا ارفض النقد ولكن فى حاله النقد البناء اما فى هذه الحاله فالنقد فيها هدام وليس بناء لانك تقول ام رقم اى سى الفيرتكال خطأ وهو صحيح ولو خطأ قولنا ايه هوا رقمه
خامسا -حضرتك بتقول انا عارف صاحب الموضوع كويس انا معرفش ان انا مشهور اوى كده ..وعلى العموم ياسيدى شرف ليا انك تهتم بأمورى
سادسا -حضرتك بتقول ان انا بنقل كل مواضيع المنتديات التانيه طيب ايه هى المنتديات دى وايه هى المواضيع وكمان كلها يبقى على كده انا جبار اوى لدرجه انى انقل كل المواضيع اللى فى المنتديات اللى انا اصلا مش عارف عددها يبقى هانقل كل مواضيعها
سابعا -حضرتك فيه ايقونه اسمها مشاهده كل المواضيع للاعضاء ادخل عليها وهاتلى موضوع منقول من منتدى اخر وكمان بنسبوا لنفسى ...ايه الجبروت ده
ثامنا -يقول سبحانه وتعالى (وفوق كل ذى علم عليم) يعنى احنا ماتولدناش متعلمين كل حاجه مع الوقت بتزداد الخبره والتعلم لكل شخص
والخلاصه حضرتك بتقول الكلام ده علشان تعرفنا انك كنت ادارى فى المنتدى
طيب ياسيدى مبروووك وحضرتك ايه دلوقتى
ياريت قبل ما حضرتك تقذف الناس بالباطل يكون هناك دليل على كلامك
وعموما انا هدفى الافاده لان المشكله قابلتنى بالفعل وتمكنت من حلها والحمد لله
ولانى تعلمت كل شىء من المنتدى الكريم فقد وهبت كل علم اتعلمه لاخوانى الاعضاء وخاصه المبتدئين امثالى
ويعلم الله انى لم اطمح يوما لاى وسام ولا اى منصب ادارى بالمنتدى
لان العطاء الحقيقى هو عندما تعطى ولا تنتظر المقابل
وقبل حضرتك ماتصف ردود الزملاء الاعزاء بالردود العشوائيه وهو لفظ غير لائق تشوف مين هما الاعضاء دول ناس محترمين ومنهم استاذى حافظ السويدوغيره من اخونى الاعزاء
وياريت تقولى الموضوع ده منقول من اى منتدى حضرتك مش هاتقول لانك بتقول اى كلام وخلاص ..حقد بقى .. هانقول ايه ياعنى
حسبى الله ونعم الوكيل فى كل من يفترى على الكذب

واعتقد ان الاداره مش هاتدى وسام التميز لعضو بينقل مواضيع من منتديات اخرى
وانت الصادق بتحرم الاعضاء من الكادر الادارى علشان ايه ياترى؟
ممكن تقولنا ليه حذفوك من الكادر الادارى ؟
ماعتقدش انك هاتجاوب
يلا ربنا بيدى كل واحد على قد نيته
واخيرا اقول لك
(كن كانخيل على الاعقاد مرتفعا---يرمى بصخر فيعطى اطيب الثمر)
نصيحتى لك قبل ما تحقد على الاخرين تعلم منهم اولا
وتأكد من معلوماتك
وعلى فكره انا اول مره اشوفلك ردود فى مواضيعى ويتاريت تكون
اخر مره

[أحمد_رجب_ابراهيم]

رقم الفيرتكال 78040
وليس 74040

[مهندس الصيانه]

المشاركة الأصلية كتبت بواسطة عيد500

ثالثا- بالنسبه لرقم اى سى الفيرتكال فأختلف معك لان قيمته صحيحه واطلب منك مراجعه معلوماتك
رابعا-انا لا ارفض النقد ولكن فى حاله النقد البناء اما فى هذه الحاله فالنقد فيها هدام وليس بناء لانك تقول ام رقم اى سى الفيرتكال خطأ وهو صحيح ولو خطأ قولنا ايه هوا رقمه

المشاركة الأصلية كتبت بواسطة عيد500

رقم الفيرتكال 78040
وليس 74040

طيب كويس انك عدلت رقم الايسيه ودا اكبر دليل على عدم صحه كلامك اما بخصوص كل الكلام اللى انت كتبته دا فهذا اكبر دليل على انك مش بتخدم لوجه الله انت بتعمل موضوع ومستنى الناس تدخل تقولك الف شكر وخلاص

واما بخصوص مواضيعك فهذاااااااااااااااا موضوع لك وما وضحته فى الموضوع ليس صحيح على الاطلاق

[أحمد_رجب_ابراهيم]

المشاركة الأصلية كتبت بواسطة مهندس الصيانه

طيب كويس انك عدلت رقم الايسيه ودا اكبر دليل على عدم صحه كلامك اما بخصوص كل الكلام اللى انت كتبته دا فهذا اكبر دليل على انك مش بتخدم لوجه الله انت بتعمل موضوع ومستنى الناس تدخل تقولك الف شكر وخلاص

واما بخصوص مواضيعك فهذاااااااااااااااا موضوع لك وما وضحته فى الموضوع ليس صحيح على الاطلاق

اولا -اشكرك على رأيك رغم اختلافى معك
ثانيا -خطأ منى اننى لم عاين المشاركه قبل عمل الموضوع
ثالثا - رقم الفيرتكال 74040 ليس موجودا اصلا والصحيح 78040 فبدلا من كتابه 8 سهوا منى كتبت 4
رابعا- ممكن تقولى ايه الاستفاده اللى هاستفيدها من الشكر فى مواضيعى؟
وهل لو موضوعى حصل على اكبر نسبه ردود على الاطلاق هل سأحصل على جائزه نوبل مثلا؟
خامسا بالنسبه للموضوع اللى حضرتك ارفقته فى المشاركه ده بخصوص اجهزه الاسترا
ممكن تقولى السبب العلمى على عدم صحته على الاطلاق كما تزعم ؟ وياريت يكون سبب علمى الناس تقتنع بيه وميكونش كلام مرسل
سادسا -وكما ذكرت سالفا انى اقبل النقد ولكن النقد البناء وليس الهدام
ولو فيه اخطاء بتكون اخطاء كتابيه وليست جوهريه
وعلى فكره انا لما بعمل المواضيع دى بيكون جزء من رد الجميل للمنتدى اللى انا شخصيا تعلمت منه الكثير
واخيرا تقبل تحياتى وياريت لو فيه دليل حقيقى على صحه كلامك يكون موجود فعلا وليس كلام
اه قبل ما انسى ممكن تقولى ايه فايده المكثف اللى مشار اليه بجهاز الاسترا؟
منكم نستفيد