[sami7676]

ارجو وضع طريقه تثبيت ستاند الطرق سواء متر او اقل لاني بعد ما بعمل الصبه قلايها طلعت كلها واتفكت بالاستاند من علي الارض .انا هاوي مش محترف واكبر مشكله بتقابلني تثبيت الاستاند .وكمان فيه ناس بتركب الطبق في دقائق انا بفضل استني ينشف لاني بحط جبس قليل واحيانا يتفك الاستاند بااسمنت كله ابقي محرج جداا انا التقاط للاشارات مبتخدش وقت حتي لو ركبت ٣ اقمار

[محمد جادالله]

اخى على الاقل لازم يكون كيلو ونصف جبس حتى تضمن الثبات واتركه ياخد وقته فى الجفاف واضافه رمل يبقى افضل

[zedan2]

ما تزودش الجبس علشان الجبس هو اللى بيضرب حط جبس على قد الاسمنت يعنى لو 3 كيلو اسمنت يبقى كيلو جبس مش اكتر لان كتر الجبس هو اللى بيضرب

[م /احمد جمال]

3 كيلو اسمنت +2 كيل جبس وشويه رمله لطبق متر

[@أشرف عباده@]

المشاركة الأصلية كتبت بواسطة doka star

3 كيلو اسمنت +2 كيل جبس وشويه رمله لطبق متر

وزود عليهم شويه سن او ظلط يبقى حديد

[م /احمد جمال]

المشاركة الأصلية كتبت بواسطة أشرف عباده

وزود عليهم شويه سن او ظلط يبقى حديد

[محمودماهر]

الطريقه الصحيحه والعمليه:
تنظيف مكان العمل جيدا من التراب
لو بلاط اخلع بلاطه وشيل الرمله اللى كانت تحتها كويس
لو على صبه اسمنت الافضل ان تستخدم شنيور واربع مسامير واربعه فلاشر ثم صب الاسمنت والجبس على الاستاند حتى يثبت جيدا
والاحسن فى جميع الاحوال بعد صب الخلطه وتثبيت الاستاند ان تضع فوقها قوالب طوب مكسر هاتلاقى منهم كتير فوق السطح
طريقة عمل الخلطه تلاته كيلو اسمنت وكيلو جبس وشوية رمله وقلبهم كويس فى جردل قديم عندك ثم صبهم على الاستاند وانتظر حتى ينشف
يفضل عمل هذه الحكايه صباحا حتى ينشف سريعا بسبب حرراة الشمس وتقوم بتثبت طبقك بسرعه دون انتظار فتره طويله

[هسترة]

المشاركة الأصلية كتبت بواسطة محمودماهر

الطريقه الصحيحه والعمليه:
تنظيف مكان العمل جيدا من التراب
لو بلاط اخلع بلاطه وشيل الرمله اللى كانت تحتها كويس
لو على صبه اسمنت الافضل ان تستخدم شنيور واربع مسامير واربعه فلاشر ثم صب الاسمنت والجبس على الاستاند حتى يثبت جيدا
والاحسن فى جميع الاحوال بعد صب الخلطه وتثبيت الاستاند ان تضع فوقها قوالب طوب مكسر هاتلاقى منهم كتير فوق السطح
طريقة عمل الخلطه تلاته كيلو اسمنت وكيلو جبس وشوية رمله وقلبهم كويس فى جردل قديم عندك ثم صبهم على الاستاند وانتظر حتى ينشف
يفضل عمل هذه الحكايه صباحا حتى ينشف سريعا بسبب حرراة الشمس وتقوم بتثبت طبقك بسرعه دون انتظار فتره طويله

هذي افضل طرقة لتثبيت الطبق مسويها لطبق 280 تثبيت بشنيور وبعدها الاسمنت

[فني تركيبات]

اليك طريقتى المتواضعه لتثبيت قاعده الطبق المتر او الـــ 70

5 كيلـــو اسمنت
2 كيلــــو جبس
شويه رمل ملئ علبه سمنه 2 ك
عليك بتنظيف المكان المراد تركيب القاعده عليه ويفضل دقدقه المكان بالشاكوش حتى تكون المنطقه خشنه لثبات الخلطه ثم رش الماء على المكان الذى تم فيه الدق بالشاكوش

اخلط الاسمنت بالرمل فقط بدون جبس حتى تكون مونه طريه
ثم افتح الخلطه من المنتصف وضع بها ماء ثم اسكب الجبس وقلبه مع الماء حتى يكون لبانى ثم اخلط الكل مع بعض جيدا
ثم ادخل قاعده الطبق داخل الخلطه بالمنتصف وهات 3 قوالب طوب احمر
وثبتهم جيدا داخل الخلطه
وانتظر 5 دقائق حتى تنشف ثم ركب الطبق على بركه الله
وبأذن الله اضمن لك هذه القاعده اكثر من 5 سنوات لاتتزحزح من مكانها

[shrifstar84]

أحيانا ودى بتاقبلنى كتير بيبقى الأسمنت منتهى الصلاحية ومركون فى المكان اللى جبته منه أو مركون عند اللى حتركبله فالبتالى مبيشدش فخلى بالك من الموضوع ده

[فني تركيبات]

المشاركة الأصلية كتبت بواسطة shrifstar84

أحيانا ودى بتاقبلنى كتير بيبقى الأسمنت منتهى الصلاحية ومركون فى المكان اللى جبته منه أو مركون عند اللى حتركبله فالبتالى مبيشدش فخلى بالك من الموضوع ده

ده اكيد طبعا
وايضا اذا كان الجبس مخلوط بالبودره