[w_202055]

اليوم استقبلت قمر استرا 19 بقطعه برفيكس لبني بفيد فوجي ولاكن في مشكله عندي


المشكله عندي مسافه السلك بين الطبق وبين الديزك وبين الدايزك وبين الريسفر من الطبق اللي عليه قمر استرا 19الي الدايزك 23 متر سلك
ومن الدايزك الي الريسفر الخاص بي 95 متر سلك
دي المشكله اللي عندي والمشكله دي بتضعف اغلب ترددات القمر

فهل ليها حل اقوي بيه الاشارة


طبق 240 + قطعه برفيكس لبني معدله فيد فوجي + ريسفر سترونج 4920

المكان الاسكندرية

ودي بعض صور القنوات اللي استقبلتها

كنت مركب قطعه الترومان ل2 مخرج البيضاء بس لاقيت البرفيكس اقوي منها فركبتها اليوم


مستقبل 913 قناه علي القمر


دي صورة لمكان وموقع الطبق






ودي بعض صور القنوات اللي مستقبلها

[w_202055]

هيا محافظه البحيرة افضل في الاستقبال من الاسكندرية ؟

[جوهركامل]

تسلم استاذ درديرى على تجربتك
استقبال مميز

امابخصوص طول السلك تعتبرمسافه بعيده 95 متر وعلى دايزك كمان
بمايعنى ان الاستقبال مقبول اوجيد
واعتقد انك لوحتى غيرت السلك لنوع افضل لن يضيف معك الاقليل

ملحوظه اخى لك ولمن يراها بخصوص السلك اياكان نوعه
وهنعطى مثال باجودالانواع امثال السويدى والامريكى والايطالى والاسبانى
وماهوالفرق بين السلك العادى والسلك صاحب الجوده العاليه؟؟؟؟؟
السلك ذوالجوده العاليه لايضيف بالاشاره اى زياده
لكن وظيفته الحفاظ على الاشاره كمااستقبلتهاعلى الطبق لحظةالتظبيط دون تهدير
واياكان جودته له عمرانفراضى امتى وازاى ده يعلمهاالله
ومميزايضا فى تثبيت الاشاره على مسافات اطول من السلك العادى
ومع ذلك له مسافه محدده يضعف او يهدرعندها كل على حسب جودته

فى اخوه ممكن تقول اناممكن اظبط فى السطح وانزل الاقى الاشاره افضل اوترددات زادت
على السلك السويدى ولاالامريكى ولا الايطالى ولاالاسبانى
هقولهم نفس الكلام ينطبق على السلك العادى وماهى الاسباب
الاسباب
عندمرحلةالتظبيط على السطح ومحاولة ظهورقمرما اوترددسوبر(ولاتوجداشاره)
ولكن عندالنزول من السطح ممكن تلاقي اشاره للقمراوالترددالذى تبحث عنه
من ضمن هذه الاسباب
فى توقيت لمابنظبط على السطح فى اقمارنادرامانشوفها بايدينا
مثال 91.5شرق و95شرق وغيرهم ووووو
لكن الفنى الماهربيحس بوجودالقمروهوعلى السطح لحظةعلوقمرمجاورللقمرالصعب
وهى نسبه وتناسب مقدارقوةالاشاره بترددمافى القمرالمجاوربيعرفنى وجودالقمرالصعب
وطبعافى توقيت الترددلن يظهرعلى السطح وتلاقيه تحت
السبب فى هذاالتوقيت ان هذاالتردد له ميعاد لاستقباله
اوربمالضعفه يصعب ظهوره بالتظبيط باليدمثل الباقه الايرانيه على العرب ساتبعض الاوقات

السلك العادى اوالمتوسط
عادى جدا ينطبق عليه بعض من مميزات السلك الجيد
ولكنه مع الوقت يهدراشاره اويقطع ترددات افقى ولاراسى
ولايستحمل ثبات الاشاره على مسافات بعيده مثل الانواع الجيد
وربماتظهرعيوبه مع دايزك ووووو

وكلمه اخيره
اناافضل لحظةتظبيط الطبق بسلك عادى وليس جيد

اعزرنى اخى درديرى للاطاله الكيبوردانفجرفيك هههههه
واذا لمايصلك كلامى فعليك ب2فنجان قهوه حين قرائتك لمشاركتى مره اخرى
حبيبى استاذ درديرى كل التحيه والتقديرلك

[w_202055]

شكرا لحضرتك استاذ جوهركامل

كلامك صحيح مسافه السلك ماثرة جدا عندي

بس ليا سؤال هيا محافظه البحيرة افضل من الاسكندرية في استقبال استرا 19


والقطعه ليها دور في الاستقبال بس محتار اركب ايه واستمر عليه

شغال ابوظ في قطع وفيدات فوجي

فياريت تنصحني وتريح دماغي

انا امامي قطعه برفيكس لبني واوريون وترومان 2 مخرج البيضاء

وبرفيكس الكموني وقطعة تكنوسات ومعايا 2 فيد فوجي

اعدل اي قطعه فيهم واريح نفسي والتعديل علي كم


وشكرا

[جوهركامل]

تحياتى استاذ درديرى
الحقيقه المحافظتين سيان الاسكندريه اوالبحيره مميزيين للتغطيه والاستقبال

وبالنسبه للعدسه اعتقدانك ذكرت مسبقاانك عندك انفرتوبلاك الترا
والانفرتوبالطبع افضل من جميع العدسات اللى حضرتك ذكرتها
اذاكانت متوفره عندك عدلهاعلى10سم فهذاالطول اثبت فعاليته

[w_202055]

اه عندي الانفرتو معدله علي 10 بس الاسف مش موجوده عندي حاليا

قريب هتجي ليا مع صديق ليا بيعمل بيها تجارب

بس القطع اللي قلك لك عليها هيا اللي متوفرة حاليا

ايه الافضل فيهم حاليا بعد الانفرتو والتعديل علي كم


وشكرا ليك

[جوهركامل]

تمام اخى درديرى
جرب البريفكس الكمونى اوالاريون
وابدا ب10او10.5 وان شاءالله تصل لنتائج

[starsoft]

رداً علي سؤال الأخ الفاضل w_202055 بخصوص طول مسافة السلك بين الرسيفر والدايزك 95 متر تقريباً لحل هذه المشكلة يوجد جهاز اسمه In-Line Amplifier وظيفة الجهاز الحفاظ علي قوة الإشارة في السلك في حالة المسافات الطويلة وهذا وصف مختصر جدا للجهاز

Frequency range: 950-2150MHz
Power supply: 15±3VDC
DC power passing:500mA(MAX)
Return loss: ≥20dB
Gain (dB): 20.0±1.5

http://www.spacetv.co.za/media/baker...e_amp_20db.jpg

للعلم الجهاز غير موجود بمصر عليك بشرائه من الخارج (وممنوع ذكر الأسعار حسب تعليمات المنتدي) ولكن سعره رخيص أنا عن نفسي في انتظار وصول عدد 2 منه

[starsoft]

نسيت أهنيك علي الاستقبال الرائع ومنظر البحر من عندك جميل جداً

[camryh]

شكرا للجميع

[عبده نصر]

ياعم درديرى داانت كده قاعد فى اوروبا امال لو السلك بقى 25 متر اوروبا حتيجى لغايه عندك عموما المنظومه عندك كويسه والمدار عندك مظبوط والاسكندريه اقوى من البحيره
فى الاستقبال ودمتم فى خير

[w_202055]

ان شاء الله هتجي ليا الانفرتو معدله وهجرب بيها

بس ليا سؤال هو في احد جرب يعدل الانفرتو علي 12 وجابت معاه نتائج كويسه

[خالد الغمراوى]

اخي محمد مبروك الاستقبال في البدايه انا من ابوحمص بحيرة الاسكندريه اعلي من البحيرة بمراحل انا عندي نفس مكونات طبقك ولكن رسيفر اتش 7 واشارتي اعلي من عندك انا متابعك كويس هنا وفي صفحات التواصل وشايف انك دايما بتعاني من موضوع القطع ولكن كلمه في اذنك مفيش قطعة من الفطعة اللي حضرتك زكرتها تتفوق علي الانفريتو وتحياتي لشخصك الكريم

[w_202055]

المشاركة الأصلية كتبت بواسطة خالد الغمراوى

اخي محمد مبروك الاستقبال في البدايه انا من ابوحمص بحيرة الاسكندريه اعلي من البحيرة بمراحل انا عندي نفس مكونات طبقك ولكن رسيفر اتش 7 واشارتي اعلي من عندك انا متابعك كويس هنا وفي صفحات التواصل وشايف انك دايما بتعاني من موضوع القطع ولكن كلمه في اذنك مفيش قطعة من الفطعة اللي حضرتك زكرتها تتفوق علي الانفريتو وتحياتي لشخصك الكريم

تمام شكرا ليك انا كنت بعمل تجارب للقطع دي وفي الاخر انا اقتنعت

ان الانفرتو الافضل وانا ريح دماغي وجبت الانفرتو

بس هشوف ايه افضل تعديل ليها للطبق وهجربها ونشوف النتائج

بس ليا سؤال لحضرتك انت معدلها علي كم وافضل تعديل ليها

وجابت نتائج كويسه في الاستقبال معاك

وانا بقول h7 افضل من الاسترونج 4920 في الاستقبال

ولا رائي حضرتك ايه

[خالد الغمراوى]

اخي محمد انا معدل القطعة علي 10والاتش 7 افضل وبفضل الله القطعة ممتازة بس هات الاصليه