[undertaker2040]

كنت عايز اعرف عبار عن اية . صورتة . و الناس كانت بتستخدمة فى اية

[جوهركامل]

هوماكنش حرامى ولا حاجه وكان مظلوم
كل مافى ألحكايه أنه كان أريال للتلفزيون على شكل طبق ألدش

[فني تركيبات]

المشاركة الأصلية كتبت بواسطة undertaker2040

كنت عايز اعرف عبار عن اية

كان حرامى وسرق الدش بتاعى

[جوهركامل]

المشاركة الأصلية كتبت بواسطة ابوافنان

كان حرامى وسرق الدش بتاعى

هههههه
ألكلمه ده أستاذنا ألغالى
بتفكرنى لماألواحديطلع يركب طبق
كان يطلع واحدمن ألجيران وخايف على طبقه
ويفضل منتظرلحدماألواحد ينزل من السطح

وكان فى من ألجيران واحدطبقه بايظ أصلاويتلكك ويقولك بوظتواالطبق
لكن على مين ولو هههههه

[undertaker2040]

لا بجد صحيح هو كان عبارة عن اية و هل صحيح انة كان بيسرق قنوات فعلا

[جوهركامل]

المشاركة الأصلية كتبت بواسطة undertaker2040

لا بجد صحيح هو كان عبارة عن اية و هل صحيح انة كان بيسرق قنوات فعلا

كما قلت لك أخى ألكريم
هواريال تلفزيونى عادى جدا
وكان شكل طبق دش
ولايلقط أى قناه من ألدش أطلاقا

[خالد ستار]

المشاركة الأصلية كتبت بواسطة undertaker2040

لا بجد صحيح هو كان عبارة عن اية و هل صحيح انة كان بيسرق قنوات فعلا

زى ماتفضل الأخ جوهر وقال لك كان عباره عن اريال شبه الطبق ال 60 سم

[جوهركامل]

المشاركة الأصلية كتبت بواسطة خالد ستار

زى ماتفضل الأخ جوهر وقال لك كان عباره عن اريال شبه الطبق ال 60 سم

كل سنه وحضرتك طيب أستاذخالدوجميع من تحب بخيروسلام

[hamadasat96]

ههههههههه والله فكرتنا بايام زمان
فعلا هوا كان شبه الطبق عشان كده سموه بحرامي الدش
لكن طبعا مع البوستر كان الجهاز حساسيته اعلي وكان ممكن يستقبل القنوات افضل من الباقي وكان لو حد لقط قناة واحدة بس زيادة وده كان طبعا بعيد عن الدش لان ده ذبذبة بنستقبلها من القمر والقطعة بتقلل نسبة شوشرتها انما الاريال بيستقبل موجات البث الاذاعي زي الراديو واغلب الموجات الاسلكية فكان ال يستقبل قناة زيادة قابل يامعلم رقص وزراغيت وكان الفرحة ليها معني وشعور جميل بمشاركتها
وكان بقه لو حد استقبل قناة اضافية وده فعلا كنت بشوفه علي تلفزيون ابيض واسود قناة غريبة عننا وفاكرها كانت جايبة فيلم اجنبي كانوا ساعتها يقولوا ده التلفزيون ده بيجيب اسرائيل
هههههههههه كانت ايام
المهم بقه كان اشهرهم زمان الاريال التركي وكانت اسعارهم من 60و90و125جنيه
زي الايفون 7 ابو400 جنيه دلوقتي ههه
بس فعلا كان الاريال التركي الشهير بحرامي الدش لوجود بوستر معاه كانت جودة استقباله اعلي وعشان كده سموه حرامي الدش
ودي كانت احلي ايام هههههه
كنت بحس اني وزير والناس تتحايل عليا اركبلهم الاريال واظبطه ههه
كل سنة وانتوا طيبين

[جوهركامل]

حبيبى ألغالى وصديقى ألعزيزحماده بيك سات
كل عام وحضرتك وجميع من تحب بخيروسلام
أناحضرت لماتعادلنا مع هولندافى كاس ألعالم90
بضربةألجزاءألصحيحه ألمشكوك فيها ههههه
لأن حسام حسن كده كده كان هيقع من غيرمايتلمس
كنت وقتهاساكن فى السيده زينب وألناس كلهامشغله ألمصريين أهما
ولمانزلت ألقناه ألتالته برده قالواألمصريين أهما
وفى كل مناسبه يشغلوهااااااا
وحضرت أغنيةحسنين ومحمديين كان فيهم واحدبيضرب ألتانى
بس مش فاكرمين كان فيهم بيضرب التانى
بس فاكرأللى أتضرب كان عنده عيال كتيرههههه ومحدش كان بيحوش
وحضرت بم بم بيقدم جوايز وكنت مضيع فلوسى عليهم علشان اكمل الألبوم
وحضرت أبحث عن فضولى فى مجلةماجد
وكنت بغيب من المدرسه دايمايوم الاحدعلشان مسلسل الرجل ألأخضر
كانت بتيجى الساعه11صباحا والمدرسه بتخرج ايامها12.15
وحضرت ألسندبادوعلاءألدين وهانى وعاصم
كفايه كدأحسن أفتكرت لماكنت صغيروبعيط على عادل امام
فى ابراهيم الطايرلمابيموت فى آخرحلقه
ألأيام ألحلوه ده أستاذحماده تدمع عليهاالعين
ربنايجعله عيدسعيدعليك يارب

[ابراهيم معاطى]

وبعدين نزل الاريال مزود بموتور
عبارة عن شرايح
ومعها بوستر داخلى
ومعها سلك طويل 30 متر

[elneklawy]

وساعات كان بيلقط من الدش المركزى بعض القنوات

[hamadasat96]

المشاركة الأصلية كتبت بواسطة جوهركامل

حبيبى ألغالى وصديقى ألعزيزحماده بيك سات
كل عام وحضرتك وجميع من تحب بخيروسلام
أناحضرت لماتعادلنا مع هولندافى كاس ألعالم90
بضربةألجزاءألصحيحه ألمشكوك فيها ههههه
لأن حسام حسن كده كده كان هيقع من غيرمايتلمس
كنت وقتهاساكن فى السيده زينب وألناس كلهامشغله ألمصريين أهما
ولمانزلت ألقناه ألتالته برده قالواألمصريين أهما
وفى كل مناسبه يشغلوهااااااا
وحضرت أغنيةحسنين ومحمديين كان فيهم واحدبيضرب ألتانى
بس مش فاكرمين كان فيهم بيضرب التانى
بس فاكرأللى أتضرب كان عنده عيال كتيرههههه ومحدش كان بيحوش
وحضرت بم بم بيقدم جوايز وكنت مضيع فلوسى عليهم علشان اكمل الألبوم
وحضرت أبحث عن فضولى فى مجلةماجد
وكنت بغيب من المدرسه دايمايوم الاحدعلشان مسلسل الرجل ألأخضر
كانت بتيجى الساعه11صباحا والمدرسه بتخرج ايامها12.15
وحضرت ألسندبادوعلاءألدين وهانى وعاصم
كفايه كدأحسن أفتكرت لماكنت صغيروبعيط على عادل امام
فى ابراهيم الطايرلمابيموت فى آخرحلقه
ألأيام ألحلوه ده أستاذحماده تدمع عليهاالعين
ربنايجعله عيدسعيدعليك يارب

احنا الجيل اللي عاصرنا قرنين وحضرنا الالفية ..

[هانى عنانى]

قبل منعرف يعنى ايه دش انا كان عندى تليفزيون NEC قديم جدا كنت بستقبل عليه القناه الثانيه الاسرائيليه وقناتين TRT على موجه ال VHF بجانب القنوات الاولى والتانيه والتالته ومكانتش ثابته طول الوقتوكنت احيانا بستقبل اشارات اللاسلكى واسمح الناس بتكلم بعض فى محطات القطارات لاسلكى والكلام دا كله باريال عادى من صنعى بالسللك المبطط ودا فى الجيزه سنه 95 والحقيقه كانت ايام جميله كنت بفرح قوى لما بتفرج على حاجه مش عند اى حد

[جوهركامل]

المشاركة الأصلية كتبت بواسطة hamadasat96

احنا الجيل اللي عاصرنا قرنين وحضرنا الالفية ..

والله لماكتبت لك الكلمتين دول فى الموضوع هنا
لماارى موضوعك الجميل هناك
كل سنه وانت طيب أستاذحماده(ونعم الاصدقاء)