[samr386]

ياريت اللي يقرأ الموضوع يقرأه بتركيز عشان يقدر يساعدني ف حل المشكله
عندي قطعه 8 مخرج وقطعه 4 مخرج وقطع اخري 1 مخرج
تمام كده
عندي كمان 2 دايزك 4 بورت وواحد 8 بورت
طبعا انا عامل تركيبه لي وتركيبه لاخواتي معايا ف البيت
انا بستخدم ال 8 بورت وهما بيستخدموا ال4 بورت
المشكله بقي بتظهر مع القطع المشتركه ال 4 وال 8
ال 8 بورت دا بتاع النايل سات يعني لما اكون مشغل قمر تاني غير النايل سات وحد تاني مننا يحتاج النايل سات يشتغل عادي بس يلاقي بعض الترددات قاطعه اشاره زي السعوديه اتش دي واونزاسبورت ونايل اسبورت وبين اسبورت الاخباريه وميشتغلوش الا لما حد يشغل نايل سات تاني معاه
والقطعه التانيه اللي عليها المشكله بردو الأزري مشغلها ع 4 بورت بردو نفس المشكله لما حد يشغلها لوحده اقصد الازري ادمان والسي بي سي تكون قاطعه اشاره ومتشتغلش غير لما حد يشغل التزري عندوا تاني سألت اكتر من حد قالي دي كده بتبوظ وبتحتاج لفولت كهربا عالي يدخلها عشان تقوووم مش عارف الكلام دا صح ولا غلط مع العلم اني غيرت القطعه بقطعه 4 اخري كنت مشغلها ع البلغاري لينا كلنا وكانت شغاله تمام بردوا لقيت نفس المشكله والتانيه اشتغلت مكان البلغاري كويسه مفهاش مشاكل ع البلغاري فياتري دي كده مشكلة اي ياتري مشكلة دايزك ال 8 دا ممكن يكون هو اللي عامل المشاكل دي ياريت اللي عنده حل او واجهه نفس المشكله يبلغني

[samr386]

ممكن رد

[محمد سماحة]

المشكلة دى كانت عندى وأنا بستخدم حوالى 6 دايزيك من النوع 4 مخرج والموضوع دة حصل معايا مرتين وكانت الحلول كالآتى :
1- طلعت فوق السطح وفكيت كل صواميل التوصيل ( Connectors ) وبقيت أقطع جزء صغير من طرف السلك وأعيد تركيب الصواميل من تانى والحل دة ظبط معايا فى المرة الأولى.

2- حصلت نفس المشكلة معايا مرة تانية وعملت كل اللى موجود فى البند الأول رقم 1 ومجابش معايا نتيجة ولقيت المشكلة فى دايزيك من الإتنين وكان واخد رطوبة.

يعنى الخلاصة حتعمل اللى فى البند رقم 1 لأنة أقل تكلفة .... لو مجابش معاك نتيجة تغيير الدايزيك , وبالتوفيق إن شاء الله.

[طه ياقوت]

بصرحة الخلاصه لردائة المنتج عندنا وتنوع الاجهاز عندك ان تخلي التركيبه
خاص بيك لتفادي اي مشاكل

[samr386]

المشاركة الأصلية كتبت بواسطة محمد سماحة

المشكلة دى كانت عندى وأنا بستخدم حوالى 6 دايزيك من النوع 4 مخرج والموضوع دة حصل معايا مرتين وكانت الحلول كالآتى :
1- طلعت فوق السطح وفكيت كل صواميل التوصيل ( Connectors ) وبقيت أقطع جزء صغير من طرف السلك وأعيد تركيب الصواميل من تانى والحل دة ظبط معايا فى المرة الأولى.

2- حصلت نفس المشكلة معايا مرة تانية وعملت كل اللى موجود فى البند الأول رقم 1 ومجابش معايا نتيجة ولقيت المشكلة فى دايزيك من الإتنين وكان واخد رطوبة.

يعنى الخلاصة حتعمل اللى فى البند رقم 1 لأنة أقل تكلفة .... لو مجابش معاك نتيجة تغيير الدايزيك , وبالتوفيق إن شاء الله.

تسلم لردك الجميل ياغالي وجاري التجربه

[samr386]

المشاركة الأصلية كتبت بواسطة طه ياقوت

بصرحة الخلاصه لردائة المنتج عندنا وتنوع الاجهاز عندك ان تخلي التركيبه
خاص بيك لتفادي اي مشاكل

تسلم لمرورك الكريم اخي وشكلي هعمل كده فعلا

[samr386]

؟؟

[نادر فكرى]

مشكلة يوجد مخارج بايظة

[hazzuma]

المشاركة الأصلية كتبت بواسطة نادر فكرى

مشكلة يوجد مخارج بايظة

المخارج مش بايظة ولا حاجة،،،إنما دا عيب فولتية،شائع جدا بالقطع المتعددة المخارج،عانيت منها كثيرا،،،ولا زلت)،،،والبائعين مش عاوزين يقتنعوا بيه،عشان يعرفوا يبيعوا،،،(وهو فصل القنوات الأفقية ( وأحيانا أفقى ورأسى،كله يعنى) على أحد الريسيفرات بالقطع المتعددة المخارج،وضرورة عمل الريسيفر الأخر،بنفس الوقت،لتشغيلها)،،،ولتجنب المشكلة،يفضل قطعة عادية (مخرج واحد،يعنى) لكل طبق،،،،تحياتى

[samr386]

المشاركة الأصلية كتبت بواسطة hazzuma

المخارج مش بايظة ولا حاجة،،،إنما دا عيب فولتية،شائع جدا بالقطع المتعددة المخارج،عانيت منها كثيرا،،،ولا زلت)،،،والبائعين مش عاوزين يقتنعوا بيه،عشان يعرفوا يبيعوا،،،(وهو فصل القنوات الأفقية ( وأحيانا أفقى ورأسى،كله يعنى) على أحد الريسيفرات بالقطع المتعددة المخارج،وضرورة عمل الريسيفر الأخر،بنفس الوقت،لتشغيلها)،،،ولتجنب المشكلة،يفضل قطعة عادية (مخرج واحد،يعنى) لكل طبق،،،،تحياتى

تمام كلام حضرتك اخي ولكن كده هتكون التكلفه كبيره لما اجيب كل واحد طبق مفيش حل للمشكله دي غير كده

[mohamed_raslan]

علشان القمر يشتغل معاك كويس فلازم عدسة واحد مخرج فقط
او اتنين مخرج ولكن في انواع معينة زي التايجر والهيوماكس مثلا
اما 4 مخرج او اكثر فلها انواع معينة ولكن غالية الثمن على الاقل سعرها 300 جنيه فيما فوق
وتضمن انه مش هتحصل مشاكل في الصورة

[hazzuma]

المشاركة الأصلية كتبت بواسطة samr386

تمام كلام حضرتك اخي ولكن كده هتكون التكلفه كبيره لما اجيب كل واحد طبق مفيش حل للمشكله دي غير كده

مش مهم التكلفة،المهم راحة البال،وإضبط الطبق كويس مرة واحدة وإنساه بعد كدة،،،عموما،لو لئيت حل قبل رمضان،بلغنى،،،لأنى ناوى أشيل القطعة المزدوجة،من عندى،(بعد معاناة أكتر من ثمانية سنوات)،والإكتفاء بالجهاز الرئيسى فقط،بعد ما غيرت،حوالى،خمس قطع LNB مزدوجة،وثلاث دايازك،،وسلكين وحتى الطبق !!!! (اللى مالوش علاقة أصلا،بالمشكلة،،،)لكن دون جدوى،،،وكل سنة وحضرتك طيب،،،تحياتى

[samr386]

المشاركة الأصلية كتبت بواسطة mohamed_fayez

علشان القمر يشتغل معاك كويس فلازم عدسة واحد مخرج فقط
او اتنين مخرج ولكن في انواع معينة زي التايجر والهيوماكس مثلا
اما 4 مخرج او اكثر فلها انواع معينة ولكن غالية الثمن على الاقل سعرها 300 جنيه فيما فوق
وتضمن انه مش هتحصل مشاكل في الصورة

تمام اخي تسلم

[samr386]

المشاركة الأصلية كتبت بواسطة hazzuma

مش مهم التكلفة،المهم راحة البال،وإضبط الطبق كويس مرة واحدة وإنساه بعد كدة،،،عموما،لو لئيت حل قبل رمضان،بلغنى،،،لأنى ناوى أشيل القطعة المزدوجة،من عندى،(بعد معاناة أكتر من ثمانية سنوات)،والإكتفاء بالجهاز الرئيسى فقط،بعد ما غيرت،حوالى،خمس قطع LNB مزدوجة،وثلاث دايازك،،وسلكين وحتى الطبق !!!! (اللى مالوش علاقة أصلا،بالمشكلة،،،)لكن دون جدوى،،،وكل سنة وحضرتك طيب،،،تحياتى

ههههههه يانهار ابيض كل دي معاناه 8 سنوات وتغير قطع وديازك وسلوك حتي اطباق طيب كده سبتلي اي اجربوا بقي ههههه كده متعبش نفسي ع الفاضي وشكلها مشكله ملهاش حل استاذ حازم الا اننا نشغل مع بعض او افصل كل حد لوحده ع حده ودا الامر الذي يحزنني واري تكلفته باااهظه

[hazzuma]

أنا شمعة،،،تحترق من أجلك،،،ومن أجل الزملاء،،،ههههه،،،مجرد دعابة،،،المهم نوصل لنتيجة ،تريح زملائنا من التجربة والمعاناة،،،بالتوفيق للجميع