[manfaloti]

طبعاً الموضوع ممكن يكون غريب جدا ومحير فى نفس الوقت بس حبيت انى افهمه كويس منكم علشان الواحد يشتغل من دون اهدار المجهود على الفاضى

موجود طبق متر متركب عليه الاوروبى سنتر وطبعاً لو هنغير ونحول على عرب سات 26 شرق هنحرك الطبق شمال قليلاً وانا خلف الطبق وننزل تحت شويه ونظبط على اقوى تردد ولو هنغير للاسترا 23 شرق وانا واقف على العرب سات هنحرك اقل من 2 سم يمين وانا خلف الطبق مع رفع وخفض الطبق حتى تصطدم بالاشاره..... هلى الكلام داه مظبط ولا فى غلط؟

لو مظبوط الكلام ليه لما اجى اركب المسطره بيكون الاوروبى سنتر والاسترا والعرب سات على يمين الاوروبى بخلاف الكلام اللى فوق؟

محتاجه تفسير دى

[جوهركامل]

الاقماراخى على مسطره عكس بعضهامع طبق ثابت تختلف مع المتحرك فى الاتجاه
بمعنى
نفترض طبق متحرك وانت على النايل سات وعايزتطلع للاوربى
الطبيعى النايل سات7غرب وانت خلف الطبق هتطلع شمال على الاوربى13شرق
يعنى فى الحاله ده مكان الاوربى اواتجاهه شمال وانت خلف الطبق

طيب لوحضرتك مثلاعايزتركب نايل سات واوربى طبق ثابت
الاوربى هيبقى سنترالطبق النايل سات على مسطره مكانه هيبقى شمال وانت خلف الطبق
اياكان الاوربى سنترولاالنايل سات سنترهيبقى النايل سات شمال الاوربى وانت بالخلف
طبعا ده افتراض والافضل يكون الاوربى هواللى سنتر

[manfaloti]

والله هوا داه الرد اللى كنت منتظره علشان الرؤيه توضح معايا واكون شغال على نور ومضيعش وقت على الفاضى وانا بركب فى الاتجاه الغلط دائماً واقول المشكله فين

بس شكراً جداً على التوضيح دلوقتى مش هحتاج اى فنى يركب عندى الاقمار تانى

[جوهركامل]

المشاركة الأصلية كتبت بواسطة manfaloti

والله هوا داه الرد اللى كنت منتظره علشان الرؤيه توضح معايا واكون شغال على نور ومضيعش وقت على الفاضى وانا بركب فى الاتجاه الغلط دائماً واقول المشكله فين

بس شكراً جداً على التوضيح دلوقتى مش هحتاج اى فنى يركب عندى الاقمار تانى

الحمدلله اخى
بس انت زعلتنى منك مش هتحتاج اى فنى ليه ههههه
على العموم كلمه لاى فنى الرزق على الله
لان فى فنيين بيزعلوا من توضيح اى معلومه
وانانفسى كنت زمان بخبى الريموت من العميل واناشغال
وطبعامع الوقت ربنا هدانى ان الدنياارزاق ومفيش حدبياخدرزق حد
موفق اخى باذن الله

[serag3]

المشاركة الأصلية كتبت بواسطة جوهركامل

الحمدلله اخى
بس انت زعلتنى منك مش هتحتاج اى فنى ليه ههههه
على العموم كلمه لاى فنى الرزق على الله
لان فى فنيين بيزعلوا من توضيح اى معلومه
وانانفسى كنت زمان بخبى الريموت من العميل واناشغال
وطبعامع الوقت ربنا هدانى ان الدنياارزاق ومفيش حدبياخدرزق حد
موفق اخى باذن الله

الاخ المحترم / جوهر كامل انا مقدرتش اقرا الموضوع واخرج من غير تعليق
على ردك المحترم على الاخ العزيز كاتب الموضوع لأن الرد المحترم لا يخرج
الا من شخص محترم وتحية طيبة لشخصك الكريم وبارك الله لك

[جوهركامل]

المشاركة الأصلية كتبت بواسطة serag3

الاخ المحترم / جوهر كامل انا مقدرتش اقرا الموضوع واخرج من غير تعليق
على ردك المحترم على الاخ العزيز كاتب الموضوع لأن الرد المحترم لا يخرج
الا من شخص محترم وتحية طيبة لشخصك الكريم وبارك الله لك

وحضرتك كمان اخ محترم استاذ سراج
شكروتقديرلك لاحساسك وتفاعلك
والكلمه الطيبه اخى حسنه
بارك الله فى عمرك واسعدايامك

[manfaloti]

بارك الله فيك اخى الكريم بس والله القصد انى اوفر فلوس الفنيين لان عندنا لما سألت لقيت الاسعار غاليه جدا جداً وطبعاً مش فى الامكان ادفع المبلغ الكبير داه فى ظبط مسطره وتركيب قمرين او ثلاثه

والواحد هنا بيتعلم علشان يوفر على نفسه الموضوع داه ويحاول مع الوقت انه يعتمد على نفسه وداه ميمنعش انى كتير من الاوقات هحتاج فنى تركيبات بس واحد يكون بيراعى ربنا فى اكل عيشه وميستغلش الناس

وآخر مره سالت من فتره عن تركيب استرا 23 على طبق متر لوحده من غير اى اقمار معاه كل الفنيين اتريقو عليا وقالولى مستحيل اقل من طبق 3 متر حتى لو جبت اللى اخترع الاقمار الصناعيه نفسه مش هيعرف يركبه وداه كلام يدل ان فى ناس كتير جاهلين بالموضوع وبيحاولو يصعبو الامر على الزباين عشان يطلبه مبالغ ضخمه مقابل التركيب

[m.m.]

ده العادى فى كل الاقمار والسبب ببساطة كالاتى :

1- لما تكون العدسة سنتر اشارة القمر تنعكس على العدسة فى نفس الاتجاه اللى جاية منه الاشارة





2- لما تكون العدسة على مسطرة اشارة القمر تنعكس على العدسة فى عكس الاتجاه اللى جاية منه الاشارة