[bebo606]

ياريت لو ممكن اعرف
هل الدريك افضل وايه افضل نوع فيه وكم سعره

أم he@d hd هو الأفضل وايه افضل نوع فيه وكم سعره

الف شكر

تحياتي وتقديري لحضراتكم

[bebo606]

معقول احلي منتدي في العالم ومفيش ولا رد

منتظر رد حضراتكم. لاني اثق في رأي حضراتكم ثقة كاملة

تحياتي وتقديري لحضراتكم

[abo_basmalaxp40]

الدريك والهيد لافرق بينهم
غير الاسماء الشركه المنتجه واحده
بس الافضل من وجهه نظرى الهيد v5 لانه بنت وثرى جى و واى فاىوسيرفر مجانى سنتين و دنجل داخلى سنه ونصف ده بالاضافه انك ممكن تعيد تشغيل ******* من جديد بمجرد انك تحول الجهاز لاى جهاز شبيه ليه وطبعا الهيدv4 بس ده من غير دنجل داخلى

[bebo606]

المشاركة الأصلية كتبت بواسطة abo_basmalaxp40

الدريك والهيد لافرق بينهم
غير الاسماء الشركه المنتجه واحده
بس الافضل من وجهه نظرى الهيد v5 لانه بنت وثرى جى و واى فاىوسيرفر مجانى سنتين و دنجل داخلى سنه ونصف ده بالاضافه انك ممكن تعيد تشغيل ******* من جديد بمجرد انك تحول الجهاز لاى جهاز شبيه ليه وطبعا الهيدv4 بس ده من غير دنجل داخلى

الف شكر لاهتمام حضرتك

بارك الله فيك وجزاك كل خير

تحياتي وتقديري لحضرتك

[محمد يوسف999]

هل he@d v5 متوفر فى باب اللوق ؟ وكم سعره؟

ارجو سرعة الرد عشان عاوز اشترى جهاز محترم وله دعم

وجزاكم الله كل خير

[bebo606]

استاذي الفاضل / محمد يوسف 999

كنت في منطقة اسمها الف مسكن بالقاهرة ووجدت ريسيفر he@d v5

وسعره 1000 جنيه

واكيد طبعا موجود في باب اللوق وممكن سعره اقل من 1000جنيه

تحياتي وتقديري لحضرتك

[ahmed saad@]

أنا لسه شارى He@d v5 بـ 500 جنيه من الاسكندرية وبعض المحلات بـ 550 وعلى فكرة جهاز ممتاز به **** لمدة سنة و ***** لمدة سنتين ودنجل داخلى لمدة سنة ونصف وبه لان نت و3g لجميع الشبكات وواى فاى ويوتيوب وتايم شفت و3d وهو فول اتش دى وتوب تن وأفلام مباشرة و80000 قناة و64 قمر وألعاب ووسائط نت متعددة وامكانيات أخرى كتير اكتشفها مع هذا الجهاز الكامل من كل شئ أنت تريده وممكن بعد السنتين تحوله إلى تايجر ويأخذ كل امكانيات التايجر وسيرفر مجانى مرة أخرى لمدة سنتين ويكون له دعم تايجر وهى شركة محترمة أيضا

[محمد يوسف999]

شكرا لحضرتك استاذ bebo606

[bebo606]

اشتريت الجهاز بـ 600 جنيه بعد تصميم من صاحب المحل على 1000 جنيه

وعلى فكرة كنت خلاص هشتري الجهاز بالف جنيه لاني مكنتش عارف سعره

والسبب منتدى مصراوي سات الرائع لاني رايت سعره هنا في المنتدى
ولما قلت لصاحب المحل ان الجهاز ما بين 500 الى 550 بالكتير وهذا دليل على صدق كلامي قال ان دا كله اشتغالات نت فقلتله مش هشتري الجهاز اكتر من 550 جنيه عرف اني فاهم وبدخل على منتديات السات ووافق لكن على 600 جنيه

قلت مش مشكلة واشتريت الجهاز

وطبعا الجهاز جديد ولذلك مقدرش احكم عليه الا بعد تجربته عدة ايام

لكن الجهاز شكله وامكانياته كويسه

الف شكر لإدارة المنتدى المحترمة بالسماح بذكر الاسعار لان دا وفر 400 جنيه ليا لاني كنت فعلا هدفع الألف جنيه

والف شكر للمشرفين المحترمين والاعضاء المحترمين

تقبلوا وافر تحياتي وحبي لكم جميعا

الف شكر

[thegoodhacker]

مبروك علي الجهاز و ربنا يباركلك فيه بس ما كنتش تشتري الجهاز من المحل ده لان صاحب المحل ده كان ببساطة حيسرقك ده فرق 400 جنيه مش 40

[ninjawy]

تسلمو شباب (مصراوي سات) علي حسن المتابعة والإهتمام
معلومات قيمة .. مشكورين

[bebo606]

المشاركة الأصلية كتبت بواسطة thegoodhacker

مبروك علي الجهاز و ربنا يباركلك فيه بس ما كنتش تشتري الجهاز من المحل ده لان صاحب المحل ده كان ببساطة حيسرقك ده فرق 400 جنيه مش 40

الله يبارك في حضرتك

المحل قريب من سكني وقلت احسن من باب اللوق لان الجهاز لو فيه مشكلة او اي حاجه مش عارفها هروح بيه المحل في 5 دقائق لكن من باب اللوق عاوز وقت وطبعا مفيش وقت علشان الشغل

فعلا كنت هشتري الجهاز بـ 1000 جنيه لكن مشاركة زميلي العضو عرفتني سعر الجهاز

الف شكر لحضرتك

[waelsawan]

المشاركة الأصلية كتبت بواسطة bebo606

اشتريت الجهاز بـ 600 جنيه بعد تصميم من صاحب المحل على 1000 جنيه

وعلى فكرة كنت خلاص هشتري الجهاز بالف جنيه لاني مكنتش عارف سعره

والسبب منتدى مصراوي سات الرائع لاني رايت سعره هنا في المنتدى
ولما قلت لصاحب المحل ان الجهاز ما بين 500 الى 550 بالكتير وهذا دليل على صدق كلامي قال ان دا كله اشتغالات نت فقلتله مش هشتري الجهاز اكتر من 550 جنيه عرف اني فاهم وبدخل على منتديات السات ووافق لكن على 600 جنيه

قلت مش مشكلة واشتريت الجهاز

وطبعا الجهاز جديد ولذلك مقدرش احكم عليه الا بعد تجربته عدة ايام

لكن الجهاز شكله وامكانياته كويسه

الف شكر لإدارة المنتدى المحترمة بالسماح بذكر الاسعار لان دا وفر 400 جنيه ليا لاني كنت فعلا هدفع الألف جنيه

والف شكر للمشرفين المحترمين والاعضاء المحترمين

تقبلوا وافر تحياتي وحبي لكم جميعا

الف شكر

فرق 400 جنيه غير مكسبه كمان فى الجهاز حسبنا الله ونعم الوكيل فى جشع التجار طيب الواحد يثق ازاى فى التاجر اللى هشترى منه ليه المغالاه فى المكسب الرهيب ده وفى الاخير الف مبروك على الجهاز و ياريت تقول لينا ايه اخبار الجهاز فى كل شىء

[bebo606]

المشاركة الأصلية كتبت بواسطة waelsawan

فرق 400 جنيه غير مكسبه كمان فى الجهاز حسبنا الله ونعم الوكيل فى جشع التجار طيب الواحد يثق ازاى فى التاجر اللى هشترى منه ليه المغالاه فى المكسب الرهيب ده وفى الاخير الف مبروك على الجهاز و ياريت تقول لينا ايه اخبار الجهاز فى كل شىء

ربنا يبارك في حضرتك

والجهاز ممتاز وان شاء الله كما قلت بعد شهر من عمل الجهاز ان كان في العمر بقية سوف اقوم بعرض مميزات الجهاز وعيوبه

ومدة الشهر حتى تظهر مميزات وعيوب الجهاز مش اقل من كدا

لكن بصفة عامة الجهاز روعة وكمان لو فيه حد عنده نت 4 ميجا لوحده

هيستفيد من الجهاز اشياء كثيرة لا حصر لها


تحياتي وتقديري لحضرتك

[kek252]

كل الشكر والتقدير للأخوة الأفاضل المشاركين في هذا الموضوع ولكن لي رجاء دون المساس بتعليمات الإدارة الذي احترمها وأقدرها الا يمكن لمن اشتري الجهاز أن ينوه علي أقرب مكان اشتري منه الجهاز وليكن الشارع مثلاً والمنطقة اذا امكن دون ذكر المحل حتي يسهل الأمر فقد عانيت شخصياً من الذهاب الي محلات باب اللوق ولم أجده تحياتي للجميع