[محمد السرساوى]

ساعدوني يا جماعة في المشكلة دي !!!
انا هاحكي الموضوع من الاول خاالص وياريت اللي عارف كذا حل يقولهم كلهم ويقول لو محصلش كذا اعمل كذا ! المهم هابدأ في الحكاية و الرواية 😂
==============}}=}===========}×}=======
من ٣ سنين جبت طبق ١٢٠ سم و ركبته و ركبت عليه الهوتبيرد سنتر و النايل سات علي المسطرة وكل حاجة كانت زي الفل و القمرين جايين كامليين وكل حاجة تمام . المهم قعد الطبق سنة او اكتر علي الحال ده .. بعد كدة القاعدة بتاعته علشان هي قاعدة اسمنتية فكت معرفش ازاي وجه يوم شتاء و الطبق وقع علي وشه يقووم صاحبك دراع الطبق اتني تنية مش كبيرة فقولت مش مشكلة جيت جربت لقيت التانية دي ماثرة علي ترددات الهوتبيرد بالذات ال HD فقولت خلااص فكك انا هاشغله نايل سات مؤقتا لان كان ساعتها معنديش وقت .... جيت بعد فترة كبيرة قولت اما احاول اظبطه جيت نقلته من مكانه لمكان تاني علي نفس السطح بردو لقيت نفس المشكلة ان النايل سات يشتغل رووعة انما الهوتبيرد زي الزفت ممكن تلاقي عدد القنوات ٤٠٠ .. المهم انا لفيت علي حداد يعملي دراع محدش عارف يعمله .. فخليت الحداد يظبط التنية بتاعته شوية .. فانا دلوقتي عايز اعرف العيب من ايه لاني زهقت .. اولا انا عايز اعمل دراع جديد و مفيش محلات دش عندي بتبيع الدراعات ولا حداد عارف يعملها ثانيا هل المشكلة في الدراع بس ولا ممكن يكون في مشكلة في تثبيت الطبق علي السطح علما بان السطح فيه تنيات خفيفة كدة فمعرفش دي تأثر ولا لا :/ ارجو المساعدة ..

و هذه صورة للدراع ..


وهذا فيديو للطبق :) ::

[YOUTUBE]https://www.youtube.com/watch?v=7JwB-bL5iKQ[/YOUTUBE]

وده رابط الفيديو : https://www.youtube.com/watch?v=7JwB-bL5iKQ

الرجاء الحل لاني تعبت -_-

[م/احمدمبروك]

ياغالى انا شفت الفيديو المشكلة عندك فى الدراع مش مظبوط شوف حد عنده نفس الطبق وهات الدراع اللى عنده واظبط دراع طبقك عليه وحضرتك منين لو قريب منى ممكن اساعدك انا من بنى سويف

[محمد السرساوى]

المشاركة الأصلية كتبت بواسطة م/احمدمبروك

ياغالى انا شفت الفيديو المشكلة عندك فى الدراع مش مظبوط شوف حد عنده نفس الطبق وهات الدراع اللى عنده واظبط دراع طبقك عليه وحضرتك منين لو قريب منى ممكن اساعدك انا من بنى سويف

شكرا ليك يا فندم الحمد لله ان العيب في الدراع بس .. و شكرا للمساعدة بس للاسف انا بعيد عنك خاالص

[مصطفى شفرات]

الطبق حالتة كويسة بس لازمك فنى تركيب كويس بس يظبطلك الترددات الا انت عايزة وان شاء الله يكون تمام ولو انت قريب منى ممكن اساعدك انا بالشرقية

[محمد السرساوى]

المشاركة الأصلية كتبت بواسطة مصطفى *****

الطبق حالتة كويسة بس لازمك فنى تركيب كويس بس يظبطلك الترددات الا انت عايزة وانشاء الله يكون تمام ولو انت قريب منى ممكن اساعدك انا بالشرقية

كويس انا من الشرقية بردو .. بس هاحاول اشوف حد يعملي دراع و اركبه و اغير مكان الطبق وكدة ولو الدنيا مظبططتش هاجيب فني بقي و امري لله :)

[مصطفى شفرات]

انا من فاقوس شرقية وانا تحت امرك

[روش جدا وحبوب]

استاذ مصطفى ***** حضرتك فني

[فني تركيبات]

مغلق لقدم الموضوع