[عاصم وسيم]

الزملاء الأعزاء أعضاء المنتدى

طبعا الأحوال و الحمد لله مش محتاجه تعليق

بس مين المسئول عن كده - و متقولش و انا مالى
بيتهيئ لى ان أحنا برضه مشتركين فى الجريمه
أكيد مشاركاتنا بتأثر علينا سلبيا و بدل ما ندخل نفرفش لأ - نتنكد أكتر

طيب ليه الجو الوحش ده - هوه كله كده

و فجأه أكتشفت ان النت زى ما كله أخبار وحشه فيه ناس لسه بتضحك طيب ازاى و ليه رغم كل القرف و العيشه اللى مايعلم بيها الا ربنا

قال ايه فيه حاجه أسمها نكت و مقالات فكاهيه و كتب ساخره
قمه الضحك وسط بحور من الدموع - يبقى لسه فيه أمل حتى لو مختفى
سمعتوا عن أحمد رجب و محمد عفيفى و عمر طاهر و الجاحظ و جحا و ...و .... الخ

الناس دى بيقولوا انهم بيقدروا يضحكوك رغم انفك و همه ميضحكوش أبدا
طيب ما نييجى نحاول - مجرد 10 دقايق قبل ما نشوف الأكتئاب مجرد حتى نبتسم علشان نقدر نكمل الطريق

ندخل على اى محرك بحث زى جوجل و لا ياهو و نكتب
عايزين نضحك - ضحكه - نكته - ابتسامه
نحاول حتى و أكيد النتيجه هتبقى تغيير و لو بطيئ بس للأحسن أن شاء الله

كل واحد يحاول يبتسم - اما بقى لو ضحك يبقى من حقنا عليه يضحكنا معاه و يكسب فينا ثواب
يجيب اى حاجه أو لينك لكتاب أو مقال
و بما ان عددنا مش قليل يبقى نعمل الموضوع و يكبر و يبقى ركن الأبتسامات

أيه رأيكم نجرب على الأقل - لعل و عسى
يمكن لما نروح الشغل تانى يوم نفتكر ان لسه فيه مكان فى حياتنا لأبتسامه و لو خفيفه
بالتأكيد الأبتسامه دى هتخفف توتر العمل و العيشه

هل ستحاولون معى فتح موضوع

بنك الدم الخفيف - مجرد محاوله (بدل ما يجرالنا حاجه وحشه )

فسأحاول و أرى و متأكد اننى أسمع ضحكات فى الصدور و أبتسامات على الوجوه - و سأنتزعها منكم

رغم أنف كل هذا النكد


1-مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."


2-قلك في مرة زوجين من اللي بيقولوا عليهم هاي لايف

عندهم كلب لولو صغير بيربوه

فحبوا يسافروا بلاد برة

فتركواا الكلب عند واحد زميلهم وسافروا

وبعدين للأسف الكلب نزل الشارع وخبطته عربية

فبعت ليهم فاكس ( احضروا سريعا الكلب مات)


فطبعا أول ما سمعوا الفاكس جالهم صدمة عصبية شديدة


وبعد ما خفوا

راحوا لصاحبهم وقالوا ليه : حرام عليك صدمتنا
قالهم :طيب اعمل ايه

قالوا الراجل الهاي لايف : بسيطة

الأول ابعت تلغراف وقول الكلب نزل يلعب في الشارع

وبعدين الكلب خبطته عربيه

وبعدين الكلب في المستشفي

وبعدين مات مش تصدمنا كده

وبعد فترة سافروا تاني


فصاحبهم بعتلهم فاكس :


أمك نزلت تلعب في الشارع

ههههههههههههههههه

3-مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له
: درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه....
راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه

4-الصداقة بين النساء : لم تعد الزوجة بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..! اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة .
الصداقة بين الرجال : لم يعد الزوج لبيته ذات ليلة ..وفي اليوم التالي قال لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلى الآن

5-واحده بتقول لجوزها


قولى كلمه حلوة

قالها بسبوسه


قالتله قولى كلمه تهزنى


قالها مرجيحه


قالتله قولى كلمه تحسسنى انى مراتك



قالها روحى وانتى طالق



6-مرة واحد بيوصل خطيبته لبيت اهلها

المهم اول ما وصلو راح عمك ده راكن على الحيطة ادام باب العمارة وقالها :

- عايز بوسة كبييييييييييييييرة وانا امشى ..

البنت قالتله : لا عيب بابا يزعل .

خطيبها قالها : ليه هو ابوكى شايفنا دلوقتى ؟

قالتله بدلع : لا .. بس فى جيران ممكن يشوفونا ويقولو لبابا .

قالها : منا مش ماشى الا لما اخد البوسة بتاعتى .



المهم فضلو على كده كتير .. هو ساند على الحيطة مش عايز يعديها .. وهى تقلانة عليه مش عايزة تديله البوسة

شوية كده وبنت صغيرة نزلت من العمارة .. طلعت الأخت الصغيرة لخطيبة الواد

فتحت باب العمارة وقالت للولد :

- ازيك يا عمو ... بابا بيسلم عليك وبيقولك لو هى مش راضية تبوسك انا ابوسك

لو مش عاجبك انا ممكن اختى التانية تبوسك

لو مش عاجبك اختى التانية ممكن ماما تبوسك

ولو مش عجباك ماما ممكن بابا نفسه يبوسك

بس علشان خاطرى اوعى كتفك من على جهاز الانتركم علشان العمارة كلها سمعتك و فضيحتنا بقت بجلاجل

7-كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف
وأيقن انه لن يتمكن من الانتحار
بهدوء وتوقف الرجل مرتبك
وشاهد رجلا عجوزا يتقدم منه
وينهال عليه بعبارات التأنـيب ليأسه
من رحمة الله ومحاولته
الانتحار
ثم سأله :
مالذي يدفعك الى الانتحار يا رجل ؟
فقال :
مشكلة عائليه معقدة
فرد عليه العجوز
وهل توجد مشكلة دون حل ما هذه المشكلة ؟
وبدأ الرجل يروي قصته
قائلا :
تزوجت سيده ارمله ولها فتاه مراهقة وعندما بلغت الفتاه
سن الرشد رآها ابي
فاحبها وتزوجها فصرت صهرا لابي كما ان ابي اصبح في مقام
زوج ابنتي
واصبحت انا (حما) لابي لان زوجتي حماته
ثم انجبت زوجتي ولدا لي
فاصبح الولد سلف ) ابي)
وبما ان ابني هو اخو زوجه ابي التي هي بمثابة
خالتي صار ابني يعد خالي
ايضا
وحدث ان وضعت زوجه ابي طفلا يعد اخي من ابي وفي
الوقت نفسه هو حفيدي
لانه حفيد زوجتي من ابنتها وبما ان زوجتي صارت جده
اخي فهي بالتالي
جدتي وانا حفيدها
وهكذا اصبحت انا زوج جدتي وحفيدها في الوقت ذاته
ونظرا الى انها جدة اخي فانا اصبحت ايضا جدا لاخي
وبناء عليه اكتشفت انني اصبحت جد نفسي او حفيد نفسي
لانني ......
وهنا قاطعه الرجل العجوز
قائلا : كفى... كفى...
وقام العجوز بدفعه للبحر قائلاً:
أبوك لأبو جدك لأبو إللي جابك

8-ليه السودانيين كف ايديهم ابيض من جوا؟؟
7
7
7
7
7
7
7
7
7
7
7
7
7
7
7
7
7
7
7
7
7
عشان كانوا ساندين على الحيطة وهما بيرشوهم


مع الاعتذار للسودانيين وانا لا اهدف للسخرية ولكن للضحك فقط (وانا عارفه ان هيكون في اعتراض)

9-واحد جاب ولاده قبل اما يموت قال لواحد خد عود حطب واكسره فالولد كسره قاله خد اتنين فكسرهم قاله طب خد خمسين فكسرهم فالراجل قال لولاده خلاص اموت وانا مطمن ان معاكم البغل ده

10دعوة فرح
كاتبها عريس عصبى



الزفت اللي يجي ميتأخرش ....

واللي مش جاي في ستين داهية ...

وولاد اللذين.. الصغار يتخمدوا فى البيت.....


عشا مفيش ، اطفحوا في بيوتكوا .. كفايه اللي دفعته للموكوسه العروسه....

اللي تمد ايدها عالتورته هقطعهالها .. حلي في البيت ياختي .. منتو زي القطط تاكلوا وتنكروا ....

الرقص ممنوع .. الضحك بصوت ومن غير صوت ممنوع .. تقعدي مكشره وتحترمي نفسك....

ترغي مع اللي جنبك أكسر لك سنانك جوه بؤك ....

الكلام اياه اللي بعد الفرح وهو العروسه أحلى من العريس ... والخ الخ ... تبطلوه لحسن اعزمكوا عالاربعين .. وهي بنتكوا وانتوا حُرّين....

بس عارفين الحق مش عليكوا الحق عليا انا اللي عزمتكوا ناس تخاف متختشيش ....


اقبلو الدعوة وامرى لله

11-تدخل الاسئلة الي الجمجمة..واكاد اسمع صوتها وهي تطحن الاسئلة كالخلاط المولينكس
اتمني لو استطيع ان اتسلل الي الداخل لاعرف الجمجمة دي فيها ايه
فأنا فخور بها وبقدرتها علي هرس علامات الاستفهام حتي وان لم احصل علي اي اجابة
ههههههههههه وهنا.. تكمن الاثارة والمتعه مش كل الاسئلة ليها اجابات ياحبيبي
من الاسئلة دي خدوا عندكم و حاولوا

الكهرباء لما بتقطع بتروح فين ؟
لو فيه شجرة وقعت علي الارض في الغابة هل بقية الشجر هيضحكوا عليها ؟
ليه مثلاا في مدن كتير مثلا زي الجيزة حاطين لافته مكتوب عليها ابتسم انت في الجيزة
هل الجيزة حاجة تضحك ؟
لما بتطلب ساندوتش من اي مطعم وتحب تضيف عليه اي اضافة بيزودوا سعر السندوتش
طيب لما بتحب تشيل حاجة من محتوياته الساندوتش سعرة ليه مبيقلش ؟
ليه بيقولوا الحب اعمي مع ان كل اغاني الحب عن العيون
نور العين وسحر عينيك..وعنيك وحشاني..وعنيك كدابين ؟
لو كان الحب اعمي ..ليه واكلين دماغنا بالحب من اول نظرة ؟
لو اسمك ماجد..وطلعت طيار هتفضل مستحمل قد ايه الناس وهي بتندهلك كابتن ماجد ؟
الاخرس بيكلم نفسة ازاي ؟
ليه بيقولوا علي الشخص اللي نايم بعمق نايم زي البيبهات
مع ان البيبيهات بيصحوا كل نص ساعه ؟
معروف ان (( اللي يتلسع من الشوربة ..ينفخ في الزبادي))..بس هل (( لو نفخت في الزبادي))
يبقي معناه انك..((اتلسعت من الشوربه)) ؟
ليه البنات بتفتح بقها وهي بتحط ((ماسكرا)) ؟
ليه لما حد يقول قدامي كلمة الاقصر بتيجي في دماغي علي طول صورة الاثار
مع انه لو قال كلمة الاثار مش شرط تيجي في دماغي صورة الاقصر ؟
ليه الناس مبتقولش الرياضة فايز ومهزوم غير لما تتغلب ؟
ليه اللي سايق عربية ومشغل الراديو والكاسيت اول ميدخل شارع
ضلمة يروح موطي الصوت فورا ؟
ليه الناس بتقول لاي حد في الشارع يابشمهندس..ماعدا المهندس فعلا بيقولو له يادكتور ؟
ليه بيقولو في الاخبار مصرع 9 فى حادث كذا..ومصرع 50 في البلد الفلانيه..ومصرع 85 في زلزال
ومصرع 112 في سقوط طائرة ..طيب مايقولو علي طول مصرع 250 واحد في نشرة اخبار.. التاسعه ؟
ليه لما تيجي تتصل بواحد تلاقي الارقام اللي بترد غلط مابتكونش مشغوله ؟
لو كانت الارض كرة .. زي مابيقولو... طيب الماتش هيبدأ امتي ؟
اذاكان ..زي مابيقولو الدنيا مسرح كبير..طيب انا بمثل ولا بتفرج ؟ واذا كنت من المتفرجين
هما المتفرجين بيقعدوا فين ؟؟
لو الصاعقة..نزلت علي حد بيموت متكهرب فورا..طيب لما الصاعقة بتنزل في البحر ليه السمك
مبيمتش متكهرب ؟
لو البوليس وهو رايح يبقبض علي حد شاف في السكة جريمة بتحصل
بيمنعها ولابيركز في المهمه اللي طالع عشانها ؟
هل فعلا في يوم من الايام في واحد ضرب عصفورين بحجر ؟
ليه لما بكون في البيت واتعصل بالسوبر ماركت (( اسمه سوبر ماركت ريشة ))
واقول الو سوبر ماركت ريشة...يرد عليا يقول ان شاء الله
يعني ان شاء الله سوبر ماركت ريشة..ولا ان شاء الله مش سوبر ماركت ريشة ؟
ليه لما تسال حد وتقلة شارع كذا فين يرد عليك بسؤال هما قالولك فين
طيب ماهما لو كانوا قالولي..مكنتش سالتلك..ثم مين هما اللي قالولي ؟
ليه الناس في الشارع بتستخدم ادوات..نداء لتوقيف اي شخص اداوات نداء ملهاش اصل في اللغة
وينفع تنادي بيها علي اي حد زي بسست..والنبي يا..وياكبتن..وبقلك وخد يا..وايوة يا..
وليه ادوات النداء دي بتوقف الشخص المقصود بالذات ؟
ليه لما حدا بيحب يدي معلومه يبدأ بكلمة بيقلك..((بيقلك العربيات رخصت)) ؟
ليه لما تعدي علي ناس وتقول سلاموا عليكوا متسمعش منهم غير صوت
وع ..س س..هه ؟!
ليه المذيعة ببتمني لينا وقت ممتع مع الفيلم العربي اللي اتذاع 2000 مرة وهي عارفة كده كويس ؟
طيب ليه المذيعة بتقول اعزائي افراد الاسرة وهي متعرفش حد فينا ؟
طيب ليه اللي بيسأل علي الساعه يحلف..الساعه كام والنبي ؟
ليه لما تقول لواحد حاجة وهو مسمعهاش كويس..تلاقية فجاة هو اللي علا صوته (( بتقول ايه)) ؟
ليه الكتابة علي التيشيرت بتكون لازم ..انجليزي..ليه محدش يكتب علي التيشيرت بتاعه بالعربي زي
(( اللي ذاكر ذاكر خلاص )) ؟
اذا كان زيت الذرة معمول من الذرة وزيت عباد الشمس معمول من زهرة عباد الشمس
طيب ال baby oil معمول من ايه ؟
ليه الواحد بيدوس علي الريموت كنترول بقوة وعنف لما الحجارة بتشطب ؟
لما البوليس يهجم علي شقة ويكسر الباب مين المسؤال عن تصليح الباب ده ؟
افرض انك شفت منظر مؤثر وانت تحت الميه ..ينفع تعيط ؟
هل كان فيه اثار ايام الفراعنه ؟

ليه المكرونه الاشكال..زي القواقع والحلزونيه..بيبقي طعمها احلي
من المكرونه العادية مع ان الاتنين مصنوعين من خامة وحده ؟
ليه بيقولو ( هدية مجانية) هو فيه هدية بفلوس ؟
ليه الوجبات المفرحة ال (happy meal ) بتبقي قليلة
المفروض الوجبة المفرحة تبقي مليانه بشكل يفرح ؟
ليه بنقول ..باي باي..ومبنقلش ..هاي هاي ؟
......................
هااااااااااااااااااا مقلتليش جمجمتك فيها ايه ؟؟

12-من اولها و قبل كل شيئ : أعتذر للمشرفين و بالله عليكم محدش يدينى انذار و لا وقف - انا متعقد جاهز


مشرف رزقه الله توأم احتفظ بواحد وحط الثاني بقسم المواضيع المكرره ...


- مشرف وصلته فاتورة التلفون كبيره عملها تعديل..

- مشر ف يتغزل فى زوجته قال لها ,,,

أنتي موضوع عمري ........أنتي مشاركه حياتي ......أنتي كل صلاحياتي...!!

- مشرف حب يعرف حبيبته بتحبه او لا دخل على المنتدى و بدا يحذف بالمواضيع واحد ورا الثاني

(تحبني _ما تحبني_ تحبني_ما تحبني)

- مشرف زعل مع زوجته نزل عليها موضوع بقسم الشكاوي...!!

-مشرف تزوج مشرفه جابو ولد سموه منتدى...!!

- مشرف تقدم لوظيفه طلبت جهه العمل السيره الذاتيه عطاهم وصله البحث عن مواضيع العضو...!!

- خطيبه مشرف كل ما تتصل بيه تطلعلها رساله مسجله _ السيرفرمشغول حاليا _ حاول في وقت اخر..

- مشرف اتخانق مع مرته وقف عضويتها ..............
اعتذار خاص لاساتذتى المشرفين



13-و مش معقول طبعا نسيب الأخت الكريمه زوز فى حالها - كل واحد ياخد حقه ( من مبدء المساواه السائد هذه الايام)


يوميات مشرفه قرفانه...................مع الاعتذار للمشرفين
بصوا بقي يامعلمين
انتبهولي كده وصحصحوا الساعة دلوقتي 12 وحبه مساء
ولسه مانامتش بسببكو
هتجننوني خليتوا شعري يقع من كتر اما شديت فيه
بصوا
من النهاردة ومن الساعة دي
مفيش زفت مواضيع محدش عاد يكتب مواضيع هنا
عايزين تكتبوا حاجة اكتبوها برة مش هنا
مش طالبااااكوا بقولكوا اهو


دا اللي ناقص كمان
اومال انا مسكت الاشراف هنا ليه
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين والنبي
كل شوية موضوع مخالف ومتكرر وبلاوي زرقة


هصرف عليكوا من جيبي كمان واصلحلكوا ولا ايه
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي

مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض
هغزه
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
دمتم سالمين

وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقري الموضوع ده تربع ايدك وتنزل
ايدك من عالماوس اساسا
وتبص عدل

بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته هطلعهولكوا قتيل

__________________

14-طب خد عندك بقى شوية النكت دية:


- مرة واحد صعيدى شاف سلكة عريانة قلع جلبيته عشان يسطرها اتكهرب.


- في محشش سال أخوه قاله التعلب بيولد ولا يبيض؟، راح قاله:التعلب مكار توقع منه أي شئ.


- جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و قعد يكاكي وعمل نفسه فرخه ضرب التاني خرج وقعد يأدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش.


- مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح.

15-مره واحد كان قاعد فوق السطح بيحشش ف طلع عليه واحد قاله الحق يا سيد بيتكو وقع
وامك وابوك ومراتك وعيالك كلهم ماتو قام باصصله وقاله ماتو والدمعه هتفر من عينه وقال لنفسه انا هعيش لمين ما خلاص كلهم راحو وقرر يرمى نفسه من فوق السطح فلما وصل للدور الرابع افتكر وقال ايه ده انا ابويا وامى ميتين من زمان وجه عند الدور التالت قام قايل لنفسه عيالى مراتى ايه ده هو انا اتجوزت اساسا جه بقى عند الدر الاول وقام مزعق وقايل لااااااااااااا ده انا مسميش سيد



16-س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس وبوسنا اليد اللى ما تتباس لا نابنا لا ذه! ب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س7: ما هو موقف الأخوان المسلمين من الحكم؟
ج7: عينى فيه وأقول أخيه

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10:&nbs! p; إن كان الكذب حجة فالصدق أنجى

س11: بما تفسر التغيير الوزارى؟
ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل وأدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد وحزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك



و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو

' اللى تعرفه أحسن من اللى ماتعرفوش'

و طبعا هذا المثل إجابه لسؤال معروف أتركه لذكاء حضراتكوا اعمالا بالمثل الشعبى الذى يقول

من خاف سلم


ارجو من الاخوة الاعضاء المشاركة بنكتة او ابتسامة بدل مالواحد خلالالالالالالالالالالالالالالالالالاص انتوا فاهمين صبعا

[عاصم وسيم]

ايه ياخوانا فين الشعب المصرى الظريف ولالالالالالالالالا .........

[NERMEN]

هههههههههههههههههههههههههه حلو الموضع

[IEGYPTION]

ابعد عن الصعايدة حبيبي
انت كتبت نكتة عن السودان وتحتيها اعتذار سريع

[عاصم وسيم]

المشاركة الأصلية كتبت بواسطة iegyption

ابعد عن الصعايدة حبيبي
انت كتبت نكتة عن السودان وتحتيها اعتذار سريع

على فكرة اناصعيدى اخى الغالى

[IEGYPTION]

المشاركة الأصلية كتبت بواسطة عاصم وسيم

على فكرة اناصعيدى اخى الغالى

والله مكنتش اعرف انك صعيدي
طب مضحكش الناس علينا علشان في ناس مش مثقفة فمتعرفش حاجة عن الصعايدة غير النكت
ماذا تعني هذا( و متقولش و انا مالى
بيتهيئ لى ان أحنا برضه مشتركين فى الجريمه) انت في الصعيد بقول بيتهيقلي ام بيتهيئ لى
والسلام علي من اتبع الذكر

[عاصم وسيم]

المشاركة الأصلية كتبت بواسطة iegyption

والله مكنتش اعرف انك صعيدي
طب مضحكش الناس علينا علشان في ناس مش مثقفة فمتعرفش حاجة عن الصعايدة غير النكت
ماذا تعني هذا( و متقولش و انا مالى
بيتهيئ لى ان أحنا برضه مشتركين فى الجريمه) انت في الصعيد بقول بيتهيقلي ام بيتهيئ لى
والسلام علي من اتبع الذكر

لو لم اكن صعيديا لوددت ان اكون صعيديا

[الشيخ محمد رشاد]

هههههههههههههههههههههههههه حلو الموضع

[hassan.eid]

موضوع جميل اخى العزيز ولكن اسمح لى
وذكر فأن الذكرى تنفع المؤمنين
التفكه بالكلام والتنكيت إذا كان بحق وصدق فلا بأس به ولا سيما مع عدم الإكثار من ذلك ، وقد كان النبي صلى الله عليه وسلم يمزح ولا يقول إلا حقا صلى الله عليه وسلم ، أما ما كان بالكذب فلا يجوز لقول النبي صلى الله عليه وسلم : ( ويل للذي يحدّث فيكذب ليضحك به القوم ويل له ثم ويل له ) أخرجه أبو داود والترمذي والنسائي بإسناد جيد . والله ولي التوفيق
مجموع فتاوى ومقالات للشيخ ابن باز 6 / 391

[عاصم وسيم]

المشاركة الأصلية كتبت بواسطة hassanelmoslem

موضوع جميل اخى العزيز ولكن اسمح لى
وذكر فأن الذكرى تنفع المؤمنين
التفكه بالكلام والتنكيت إذا كان بحق وصدق فلا بأس به ولا سيما مع عدم الإكثار من ذلك ، وقد كان النبي صلى الله عليه وسلم يمزح ولا يقول إلا حقا صلى الله عليه وسلم ، أما ما كان بالكذب فلا يجوز لقول النبي صلى الله عليه وسلم : ( ويل للذي يحدّث فيكذب ليضحك به القوم ويل له ثم ويل له ) أخرجه أبو داود والترمذي والنسائي بإسناد جيد . والله ولي التوفيق
مجموع فتاوى ومقالات للشيخ ابن باز 6 / 391

طيب الله لك السمعة و أغدق عليك النعمة و أصلح لك الباطنة و كفاك الفتنة و هداك طريق الجنة و شفعك برسول الأمة و جمعنا و أياك فى الجنة اللهم آمين يارب العالمين