[oscar]

أسعار جديدة مخفضة تعلنها تى داتا optimum - فخ جديد إوعوا تنخدعوا به
ظهرت اليوم على صفحات الجرائد إعلانات صفحة كاملة عن نظام جديد لشركة تى داتا إسمه
optimum

بأسعار 75 جنيه لسرعة نصف ميجا - و100 جنيه واحد ميجا - و150 جنيه 2 ميجا

الأسعار الجديدة مغرية ولأول وهلة توحى بأن الشركة قلبها على عملاءها وعايزة توفر لهم
كدة الناس تقدر بخمسة جنيه فقط نضاعف سرعتها من نص الى 1 ميجا - او ب10 جنيه تضاعف سرعتها من 1 الى 2 ميجا
لكن الحقيقة مختلفة تماماً

فما لا تذكره الإعلانات - لكن عرفته فقط بعد إتصالى بخدمة العملاء - 19777 - أن النظام الجديد يحدد حجم الداونلود فى الشهر - وليس غير محدد كما هو الآن فى النظام الحالى
وقد حددوا لسرعة 512 ك.ب داونلود 5 جيجا فقط فى الشهر - وسرعة 1 ميجا فى النظام الجديد خصصوا لها داونلود 10 جيجا فقط فى الشهر - وبعد كدة يقللوا سرعتك لتصبح 128 ك.ب - أى 1/8 ميجا - لباقى الشهر
أغلب الناس تستهلك هذا الحجم فى يوم واحد أويومين - ومعنى كدة إننا نتعذب بسرعة السلحفاه لمدة 28 يوم كل شهر

نصيحتى للجميع عدم الوقوع فى هذا الفخ - الشركة بتنصب علينا
ربنا ينتقم منهم
حسبى الله ونعم الوكيل فى كل ظالم ومستغل ومحتكر لخدمات يحتاجها الناس
برة سرعة 8 ميجا غير محدودة ب 30 جنيه فى الشهر - وهنا بيدبحونا

منذ دقائق ظهرت تفاصيل النظام الجديد على موقعهم هنا



الأوبتيمام *

السرعة 1 شهر 3 شهور 6 شهور 12 شهور
512 ك ب / ث (5gb) 75 220 440 855
1024 ك ب / ث (10gb) 100 295 585 1140
2048 ك ب / ث (20gb) 150 445 875 1705
4096 ك ب / ث (40gb) 250 740 1460 2845
8192 ك ب / ث (80gb) 400 1180 2330 4550
16384 ك ب / ث (160gb) 700 2065 4080 7965
24576 ك ب / ث (160gb) 1250 1950 3690 7290







* باقات الاوبتيموم: هي باقات انترنت فائق السرعة جديدة تتيح للعملاء سعات تحميل مختلفة بأسعار أقل. عند الوصول للحد المتاح لسعات هذه الباقات سوف يتم تخفيض السرعة المتعاقد عليها الى سرعة 128 كيلو بيت
وسوف يتم الرجوع للسرعة الاصلية في ميعاد التجديد من الشهر التالي.
يحق للعملاء الحاليين التحويل لباقات اوبتيموم الجديدة في ميعاد التجديد الخاص بهم مع دفع مبلغ 50 جنيها رسوم تحويل.
للاشتراك في الباقات الجديدة سواء للعملاء الجدد أو الحاليين لا بد من توقيع استمارات اشتراك جديدة بالشروط والاحكام.
============================

يبدو أن كل همهم هو التخلص من التعاقدات القديمة التى تتيح لنا داونلود غير محدود
وبدلا من أن يعالجوا أنفسهم من الشح والتقطير اللى بيمارسوه على الخلق - والسعات المتواضعة المضحكة التى يوزعونها بالقطارة على المشتركين - يبدو أن شخص ماكر أهداهم فكرة جهنمية خبيثة جديدة - وأغلب الظن أن أى تخفيضات قادمة الشعب يريد اسقاط تى داتا وادخال شركات جديده بروح جديده وفكر جديد وكسر احتكار الحكومه

[السيد جمال]

عندك حق يا أخى غالى
حسبى الله ونعم الوكيل فى كل ظالم ومستغل ومحتكر لخدمات يحتاجها الناس
برة سرعة 8 ميجا غير محدودة ب 30 جنيه فى الشهر - وهنا بيدبحونا

[احمدعناني]

لعبة قذرة

هذه الشركة تحتاج وقفة جريئة

والمعقول جدا ان يكون الواحد ميجا بخمسين جنيها كفاية نهب

[hasbo25]

حسبى الله ونعم الوكيل فيهم

[عادل العمدة]

فعلا الشركة دى عايزة وقفة لعدم الاستغلال

[حسن الوليد]

المفروض ده يكون احد مطالب الثورة
لا للاستغلال
لا للاحتكار
لا للغش والتدليس
لا لشركة تى داتا
هما هيخافوا اكيد لما يعرفوا ان الشعب حتهم في دماغه وهيكون ليهم رد فعل في صالحنا

[Maxvar]

فعلاً فخ .... كلامك مظبوط اخى
انا السرعه عندى 512 مفتوحه و بدفع 95
لما لقيت عرض السرعه 1 ميجا ب 100 جنيه قلت يبقى احسن
وقولت لو خلصت العشره جيجا ممكن اشترى تانى لو رغبت كالمعتاد
اتضح انه لا يمكن شراء اى جيجات اضافيه و لكن سيتم تخفيض السرعه ل 128 لحين التجديد
يعنى بالظبط كانه بيقطع الخدمه
و زاد و غطى ان تكلفه التحويل 50 جنيه
و فى الاخر ندى اسرائيل الغاز ببلاش
دى بقت حاجه تحرق الدم

[hassanmenem]

تحس ان الناس دي عايشة في مكان تاني ولا اكني في ثورة ولا حاجة ...
للأسف جشع واستغلال

[mezo79]

تلف وتدور وترجع للمحدود

[اسمعلاوى الهرم]

.......................................حسبنا الله ونعم الوكيل...........................

[وائل صوان]

المفروض شركات النت فى مصر يتعمل ليها ثورة تطهير ودخول شركات جديدة تحل محلها ويبقى قلبها على المواطن لان هما كده كده بيكسبو وبيكسبو كتير قوى

[oscar]

انا من الناس الى كنت مستنى نتائج الثوره على شركات النت بس هما عارفين ان الشعب ميستغناش على الانترنت ياريت يبقى فى رد فعل مننا لان احنا بنتعامل مع النظام السابق المعروف بعنده وظلمه

[لوروا]

ركز بقى (مع تتطبق الشروط والاحكام) هو دا الفخ ومكتوب بخط منمنم عالم مستغله منهم لله بس زى ماالحكومه اتشالت بالنت مسير النت سعره يرخص بواسطه الانترنت حاجه كدا زى (ثورة الانترنت)

[لوروا]

على فكره النت عندى ميجا من لينك وساعات يبقى حلو وساعات مش حلو خالص لابد ان يقدمو الخدمه كما ينبغى

[tetoooo0]

الشركات النصابة دي بتلف وتدور علي ازاي ينصبوا علي الناس الغلابة انا مش عارف ايه الجشع ده والاستخفاف بعقول الناس الي بتدور علي لقمة العيش وبتلاقبه بصعوبه كلوا نصب واحتيال بس معلش احنا نستاهل والسبب ان احنا ادنالهم فرصة من الاول يعملوا فينا كدة واكتر من كدة كمان لازم ناخد وقفة مع الناس النصابة دي ومحدش يتعامل معاهم لازم نخسرهم زي مابيخسرونا.................؟