[ahmed_abd_alla]

اقدم لحضراتكم بلجن مفيد جدااااااااااااا لعمل باكاب للفلاشه الخارجيه ويبقي عندك علي الكمبيوتر الخاص بك بحيث لو حصل كراش للنسخه يبقي عندك باكاب ليك جاهز علي طول ومتتعبش نفسك فيه من اول وجديد..بس للامانه البلجن ده انا مجربه علي صورة التابات مجربتوش علي الصور التانيه...بس عموما هو يكفي..لان انت لو عند فلاشه خارجيه ومنزل عليها اربع صوروواحده منهم تابات ممكن عن طريق البلجن ده ياخد نسخه من الصور كلها ...الملف في المرفقات وهو استخدامه سهل جداااااااااا
طبعا هتضع الملف بعد فك الضغط في مسار البلجن العادي
usr/lib/enigma2/python/plugin/extension
وبعدين تعمل ريستارت للانيجما وتتدخل علي البلجن زي في الصورة كده




,وتفتحه هتلاقي زي اللي في الصوره دي كده



هتلاقي اول اختيار
select source partition
ده هتختار بالسهم اللي ناحيه اليمين تختار الصورة اللي انت عايز تاخد منها كوبي

وتاني اختيار هتلاقي
select target partition
وده بقي هتختار انت عايز تحفظ الكوبي ده فين علي الفلاشه الخارجيه بتاعتك

وتالت اختيار هتلاقي
select type of archive
وده تختار tar.gz

وتدوس علي المفتاح الاخضر لعمل الباكاب

هياخد منك وقت شويه وممكن تفتح ال dcc تشوف المسار اللي انت قايل عليه انه يحفظ الباكاب فيه وتفتحه هتلاقي الحجم كبير شويه اكبر من نسخ الباكاب العاديه...يعني هتلاقيه حوالي 190 او اقل ميجا
المهم بعد ما يخلص خالص..هو بياخد حوالي 20 دقيقه تقريبا او15...انقل بقي الباكاب عندك علي الكمبيوتر عن طريق ال dcc هتلاقيه باسم MIN.tar.gz افتحه عن طريق اي برنامج ضغط زي ال 7z هتلاقيه فتحلك ملف تاني اسمه MINI.tar افتحه برضه هتلاقي الملفات بتاعتت النسخه وفيها ملف كبير كده مضغوط تاني بسم النسخه بتاعتك وامتداده tar.gz برضه وحجمه 90 او 95 ميجا.وهو ده اللي مخلي النسخه حجمها كبير عن المعتاد..المهم امسحه واقفل ال 7z هيقولك عايز تحفظ التغيير دوس نعم...بس...كده هيبقي عندك نسخه علي الجهاز عندك للفلاشه الخارجيه

يا رب يكون حد فهم اللي انا شرحه ده
مرفق البلجن والصور علشان لو اتشالت من الموقع

[scre3m]

مشكور اخى على المجهود المميز
بس سؤال هو بياخد نسخه من الفلاشه الخارجية كلها ممكن احدد نسخه واحده بس

[م/محمد إبراهيم]

جزاك الله خيرا يا اخى . بلجن مفيد جدا

[م/محمد إبراهيم]

المشاركة الأصلية كتبت بواسطة scre3m

مشكور اخى على المجهود المميز
بس سؤال هو بياخد نسخه من الفلاشه الخارجية كلها ممكن احدد نسخه واحده بس

كما بالشرح والصور اول خيار فوق حضرتك بتحدد الصورة اللى عايز تاخد منها نسخة وطبعا بتكون عارف هى على اى جزء من الفلاشة

[ahmed_abd_alla]

المشاركة الأصلية كتبت بواسطة scre3m

مشكور اخى على المجهود المميز
بس سؤال هو بياخد نسخه من الفلاشه الخارجية كلها ممكن احدد نسخه واحده بس

بياخد نسخه من نسخه واحده اللي انت بتحددها في select source partition
يعني انت عندك اما بتقسم الفلاشه الي 4 اجزاء مثلا عن طريق برنامج createmini ..بتنزل علي كل جزء صورة معينه يعني ال sda1 عليه صورة مثلا tapat وال sda2 عليها HDMU وهكذا...انت في ال select source partition
بتقوله انا عايز الصورة اللي مثلا في ال sda1 زي اللي في الصورة اللي انا بعتها.
يعني في المثال المرفق انا منزل صورة tappat علي sda2 وهاخد منها نسخه علي sda7 لاني مقسم الفلاشه الي 6 اجزاء مش اربعه وسايب ال sda6 فاضي

[ahmed_abd_alla]

عذرا اخواني حدث خطا في ارفاق الملف اللي فيه الصورة التوضيحيه يا ريت المشرف يتكرم ويرفق الملف ده مع الملفات السابقه

[ahmed_abd_alla]

المشاركة الأصلية كتبت بواسطة م/محمد إبراهيم

جزاك الله خيرا يا اخى . بلجن مفيد جدا

تسلم يا محمد ربنا يكرمك

[ف2001]

موضوع ممتاز ومفيد بارك الله فيك اخي احمد شكرا لك ...

[ahmed_abd_alla]

المشاركة الأصلية كتبت بواسطة ف2001

موضوع ممتاز ومفيد بارك الله فيك اخي احمد شكرا لك ...

تشكر لذوقك جداا

[المحروس 5]

الف شكر استاذ احمد
بلوجين يستحق التجربة وشاكرين افضالك فى الرقى بهذا الركن من المنتدى

[ahmed_abd_alla]

المشاركة الأصلية كتبت بواسطة المحروس 5

الف شكر استاذ احمد
بلوجين يستحق التجربة وشاكرين افضالك فى الرقى بهذا الركن من المنتدى

بارك الله فيك

[The Lucky]

عمل مميز شكرا لك

[ahmed_abd_alla]

المشاركة الأصلية كتبت بواسطة The Lucky

عمل مميز شكرا لك

العفو اخي الكريم

[ahmed gazye]

استاذنا الفاضل ahmed_abd_alla اولا الف شكر على الموضوع الجميل والشرح المفيد والبلجن الرائع ولكن لى ملاحظتين ارجو ان يتسع صدرك لهما
اولا الصور كبيره جدا ولا تظهر بصوره حضاريه بها لف وانبعاج وخلافه ارجو ياخى ان ترجع الى موضوعى على الرابط التالى يوجد بلجن جميل صغير يقوم بتصوير القوائم من الريسيفر مسطره فى منتهى الجمال والشياكه بدلا من هذه الصور على الرابط التالى
البلجن المعجزة ShootYourScreen لتصوير شاشة الريسيفر لعمل شروحات عليها
http://www.masrawysat.com/vb/showthread.php?t=2338258

ثانيا ياخى الكريم هذا البلجن للنسخ المسطبه على الفلاشه الخارجيه بامتداد tar.gz وكمان الباكب يكون بنفس الامتداد معنى ذلك انه لم يعمل مع النسخ المسطبه بالبلجن NFR4X Multiboot لانها بامتداد فلاش حتى وان عمل البلاجن فان الباكب الناتج بامتداد tar.gz لم يقرئه البلجن NFR4X Multiboot لاعادته تسطيبه مره اخرى عند الحاجه اليه اقول ذلك حتى لا يتعرض احد الاخوه والذى يستخدم البلجن NFR4X Multiboot للعمل على الفلاشه الخارجيه لعدم مقدرته ارجاع النسخه الباكب على جهازه مره اخرى عند الحاجه اليها هذه مجرد ملاحظه والف شكر مره اخرى على المجهود المميز والموضوع الرائع بالتوفيق دائما اخى الكريم

[isah2]

اولا شكرا
ثانيا لي تعقيب بسيط
كل نسخ الانيجما تقريبا وخاصة pkt فيها اختيار باكاب للنسخة من داخلها وحفظها ايضا وبامتداد tar