[scorpion wins]

بسم الله الرحمن الرحيم
كل عام وانتم بخير بمناسبة عيد الاضحى المبارك اعاده الله عليكم بكل خير وبركة
كما ذكرت لكم الفرق بين الجوكر وسترونج وتورمان والكلام ده بناءاً على تجربتى الشخصيه للتلات اجهزه الجوكر جبته 2011 وكان الهدف الرئيسى منه هو ******* الشيرنج وكان معاه ***** سنه وبصراحه الجهاز مقصرش من ناحية ******* ولكن فى تقليب القنوات المشفره كان بيهنج اثناء التشغيل اكيد اى جهاز بيشتغل كتير لما بنحمل عليه اكتر من اللازم بيهنج ولكن كان بيهنج واضطر الى غلقه وتشغيله والمشكله التانيه فى الشحن للفلاشة الخاصه به وهى غيره متوافره ولما كان بيحصل اى شىء كنت بلجأ لسوفت الانقاذ المتوافر فى قسمه الخاص والجهاز لحد دلوقتى شغال مفيش اى مشكله غير الى قولت عليه وفى فتح القنوات سريع جداً اما بالنسبة للصوره فهيا اقل فى الرسلوشن والنقاء عن التورمان اما بالنسبة للسيرفرات المجانيه بيشتغل عادى زيه زى اى رسيفر وعلى حسب ******* نفسه ولكن فى فتح القنوات الشيرنج ممتاز


سترونج 4620xii
وبصراحه الجهاز محترم وكلنا عارفين يعنى ايه سترونج الاصلى وبكلم عن الاصلى مش التقليد الجهاز صورة ممتاز مع سوفت كام كان صاروخ فى فتح القنوات درجة حساسية فى استقبال الاشارة قوية جداً وسريعه لدرجة انى اتعلمت ازاى اضبط الاطباق على القمر الى عايزه عن طريقة لانه قوى فى استقبال اى قمر بسرعه بمجرد بس انك تعدى على اشارة القمر بتلقط على طول الجهاز صورة الرسيفر محترمه بالنسبة لرسيفر عادى مش اتش دى وهو افضلهم فى الصوره سترونج معروف بالحكاية دى مع العلم ان فى سوفت 184 السوفت ده فيه خاصية وير لس وسئلت فى موضوع ايه الفايده وازاى يتوصل محدش عرف يجاوب بس مش هينزل اى خاصية فيه بالشكل ده وملهاش فايده ومعنى ان لو شغل وير لس يبئى ضرب نار بالنسبة للجهاز ده بالنسبة لفتح القنوات عن طريق ربطه بالكمبيوتر بيفتح القنوات صاروخ مفيش اى مشكله والكل حالياً دلوقتى بيفضل انه يتفتح عن طريق الاجهزه الحديثه ولكن لو حد وضحلنا ايه فايده الوير لس هنا وازاى هيشتغل يبئى هيقطع على كتير من الاجهزه وهيفضله الجميع الدنجل معاه بيشتغل كويس جداً ومفيش مشكله برضه والموضوع مش هيتقفل لحد كدا لان الخاصية دى الوحيده الى محدش عرف يجاوب عليها ولكن جارى التجربه على جميع انواع قطع الوير لس

تورمان بريمير1+
الجهاز ده انا لسه جايبه فى رمضان الى عدى ده الجهاز محترم فى الصوره صورته جميله مقارنة بالاجهزه المذكوره فيه شيرنج 3 سنوات **** ثلاث شهور بيمتار الجهاز بقوة الهارد وير بيشغل يوتيوب واوبرا متصفح بيعمل على نظام سبارك الاساسى والانيجما بمعنى عندك 2 رسيفر فى واحد

البريمير نفس شكل التوب بوكس الموجود فى الصوره الا انه مكتوب بدل توب بوكس بريمير
المشاكل
تنحصر المشاكل فى :
1-وجدت اخيراً انه اثناء البحث الاعمى بيعدى بعض الترددات يعنى مش كل القنوات بتنزل
2- موجود به مدخل يو اس بى واحد ومن الخلف
3- ******* المرفق مع الجهاز غير ثابت على الاطلاق وكمثل ال اى بى تى في

[scorpion wins]

اتوجهه بالشكر للاخ المهندس المحترم / محمد زيان على سؤاله وانت تعلم يا اخى ان الظروف تحكم الانسان وليس هو من يتحكم بها شكراً لسؤالك وربنا يديم المعروف بينا جميعاً .

[م/محمدزيان]

شكرا لك اخى العزيز وعودا حميدا
ومتحرمناش من مواضيعك الجميل دى
وانت من الاشخاص المحترمة جدا وكمان مواضيعك بتجاربك ممتازة
نتمنى منك المزيد
وحمدا لله على سلامتك اخى العزيز

[Dr. Hazem Tamim]

شكرًا لك علي طرح الموضوع
مجهود محترم
بس لو ينفع حضرتك لو عارف الأسعار دلوقتي او الرسيفر موجود او لا لان علي حد علمي الجوكر نزل منه حاجات جديده وكما حضرتك ذكرت ابعد عن اجهزة عبدالعال كلها مضروبة الا ما رحم ربي ،، وبالنسبة للاسترونج طبعا مفيش كلام بس هل هو موجود ولا لا

[scorpion wins]

الله يكرمك يا بشمهندس محمد وانا سعيد انى اشوفكم بخير ،، بالنسبه لاخى المحترم حازم الجهاز الجوكر ده فرجن 2.2 حالياً مش موجود الموجود منه مستعمل زى الى عندى تمام والى نزل بعده فرجن 3 وفرجن H6 والى هو كان نازل مكسر الدنيا عشان ******* بتاعه وكان فى الوقت ده اول ما نزل ب 355 جنيه وبعد ما عرفوا موضوع ******* اصبح ب 550 جنيه وكان ده سعر قريب جداً من الترومان البريمير مردتش اشتريه وبعد قفل بعض القنوات فى ******* بتاعه نزل سعره تانى لان زى ما انتوا عارفين احنا بنشترى ***** مش جهاز بالنسبه للاجهزه دى الجهاز الى امتلكه من اول ما نزل الجوكر 2.2 وشغال معايا كويس جداً بأستثناء الفوارق الى قولت لحضراتكم عليها

[scorpion wins]

سعر الجهاز لما اشتريته كان 650 جنيه اول ما نزل وفضل ثابت بسرعه لحد ما نزلت الاصدارات التانيه من الجوكر الى بعد كدا بعدها اختفى الجهاز دا تماماً من الساحه خالص

[hemassat2013]

الجهاز الجوكر v2.2 عندي من 2012 ممكن اعمله ***** ولا موضوع ******* اتلغي ارجو الرد من عباقرة كنر الستاليت وشكرا

[hamtoo22245]

الترومان بتجبله هب بيشغل كذا يواس بى