[بوبو11]

هل مهنة الدش والرسيفر وصيانة الإلكترونيات ماتت نهائيا

لو كان مكسب الدش لو إنت شاطر أوى 20 جنية

حتى الصيانة لو صلحت رسيفر أو تلفزيون مثلا وطلبت 50 جنية مثلا يرد الزبون دا الجهاز

كلة بكام عشان أصلحة

طب إية الحل هل الشغلانة ماتت فعلا مع العلم بأننى أبيع و أصلح وأقسم بالله العظيم

مش عارف أجيب ‘إيجار المحل 600 جنية والموضوع دا معايا من أكثر من سنة

كل يوم أقول بكرة أحسن ومفيش فايدة بدأت أشك فى نفسى المشكلة دى عندى أنا بس

ولا عند الكل طيب لو حبيت أشتغل فى حاجة تانية تكون فيها مكسب يعيشنى

بس فى نفس الوقت بكون رأس مالها ضعيف أسف لكنى تعبان جدا والله

وإعتبروها مجرد فضفضة

[reda essa]

والله الموضوع بقى فى النازل وانا لله وانا اليه راجعون فى المهنة دى الل دخلها كل من هب ودب ( بس انته قطعت قلبى ياشيخ )واذا كنت فنان وفاهم يعنى ايه ستالايت واشارات فاصبر فان الصبر قريب .

[asd_999]

اليوم الاجهزة الصيني ارخص من قطع الغيار والتصليح يعني الشغله معدش فيها فايده
مش بس في مجال صيانة الدش والرسيفر في كل شي ربنا يكون في العون

[بوبو11]

ما باليد حيلة

[sherif2010]

اعتقد اى مهنه يكثر فيها الدخلاء تصبح مهنه ميته

كنت عند واحد صديق وكان عنده نقاش شغال فى الشقه سالنى صاحبى عن الدش

النقاش رد انت عايز تجيب بتاع دش وانا موجود

رد صاحبى انت ليك فيه قاله وفى الكهربا والكمبيوتر والسباكه

يعنى صاحب المهنه المحترم الفاهم لو اتعابه 75 جنيه الدخيل ممكن يعملها بعشرين

علاوه على كده البضائع الصينى اللى غرقت السوق وملهش تمن

اعتقد الحل الامثل هو الدعوه لعمل نقابه تهتم بمحترفى مهنه الدش ولا تسمح

للدخلاء بمزاوله المهنه على ان يكون العمل او فتح محلات عن طريق النقابه

اذن لابد من عمل نقابه

[محمود زعرب]

والله نحن مثل ما عندكم مثل المثل الا بيقول الطبخة اذا كثرو طبيخينها بتخرب وانا في غزة خريانة اخواني

[حمادة الشيخ]

انا سبت الشغلانة من اكتر من سنة اول ما بدأت تبقي شغلانة الفاهم اللي مش فاهم حاجةغير انة يظبط اشارة نايل سات بس انا لسة متابع لان الستالايت بالنسبة لي علم وهواية مش مجرد شغل وبس

[بوبو11]

طيب يا عم حمادة إنت شغال إية دلوقتى

[os_omar]

"و فى السماء رزقكم و ما توعدون" و كمان ربنا قال "انما يوفى الصابرون اجرهم"
صدق الله العظيم
و ان الله يرزقكم كما يرزق الطير تغدو خماصا و تعود بطانا
توكل على اللع و استغفر كثيرا و كن مخلصا فى عملك و اقرا سورة الواقعه انها تمنع الفقر و خذ بالاسباب
يعنى تعازن مع حد بتاع سيبر مثلا فى الكمبيوتر
و اعطال الريسيفر و الكمبيوتر متكررة جدا و يوميا بتحصل
و ادى العيش لخبازه دا مثل حقيقى
و ربنا يوسع فى رزقك

[ahmedelking]

الستالايت بالنسبة لي علم وهواية مش مجرد شغل وبس