[خلف الفنان]

(نُص كلمة حق)

كانوا بيحسبوا الفقير آخر ضعيف
ممكن يفكر في السياسه والكرسي النضيف
قالوا جوعوه وخلوا همه عالرغيف
واحرموه من السياسه ولومنها شيئ خفيف
قولولوا خلي بالك ياالسياسه ياالرغيف
عايز تنغنغ وتعيش بكرامتك شريف
وطي راسك وامشي جنب الحيط نضيف
وكل عيالك وابعد عن الموج الكثيف
ريح بالك ياخفيف افهم وخليك ظريف
ولما اتكلم مره الضعيف
اللي كانوا فاكرينه ضعيف
قالوا هاتوه نطلع عينه السخيف
طب والعيال مين يوكلهم ياسيادة الشريف
وامهم تروح فين دي نظرها ضعيف
قالوا هتحكيلنا قصة حياتك ياخفيف
دانتا هتتمنى موتك في الشتا قبل الخريف
وراح بنص كلمة حق للالم والخوف
ومن الوان العذاب خلوه يشوف
وخرجوه بمزاجهم بعد ماربولوه الخفيف
فين العيال راحوا يادنيا التخويف
فين امهم وامي وابويا الكفيف
راحوا الاحباب في زمن الارهاب الظريف
وسابوا الفقير دموعه امطار الشتا في الصيف
ولما زودها حبتين وغلوا الرغيف
وزادت هجمتهم على الضعيف
اللي كانوا فاكرينه ضعيف
انفجر من الظلم واتحدى الخوف
ولملم قوته واتحرك رغم الظروف
ولما قالولوا اسكت وطفي نار الشموع
قال وايه هتعملولي بعد الحرمان والجوع
قالولوا ارجع دلوقتي وهم بالرجوع
قبل ما ينطق السلاح يالا روح
قال الفقير موتوني بس مامتش من الجوع
ولما عساكرهم نزلت تضرب خلف الدروع
لقى الفقير نفسه واحد في آلاف الجموع
قضيتهم واحده تحدي الخوف والجوع
زرف الفقير احر واكتر دموع
لقى اللي بيطبط عليه مش واحد كل الجموع
متخفش يا مصري احنا معاك مش هتضيع
وحقك يامصري بنشترط ليه الرجوع
اوعى تسلم تاني للذل والخنوع
بعد النهارده انتا حر شريف
بعد النهارده لازم تحصل على الرغيف
اللي هوا في الاصل حقك الخفيف
ومن حقك تحلم بالسياسه والكرسي النضيف
ويامصري انتا قوي ومنتاش ابداً ضعيف
ويامصري انتا قوي ومنتاش ابداً ضعيف

خلف محمد

[الكومى]

شاعرنا الجميل/ خلف الفنان

كل عام وانت بخير


كلمات رائعه بالتاكيد

كما عودتنا

شاعر مصراوى

خلف محمد

[- ابو عـمـر -]

ابداع بلا حدود
من فنان
مصراوى سات
بارك الله فيك

[خلف الفنان]

اخويا الفضلوين
استاذي فجر الاسلام خالد الكومي
واستاذي ابوعمر
كل عام وانتما بخير واهل اللهُ عليكما والامه الكريمه رمضان اعواماً عديده وازمنةً مديده بالخيرِ واليمنِ والبركات

تشرفت بمروكما وسَعُدتُ بردودكما