[حسام مشعل]

أثارت مجموعة قنوات bein sports القطرية، غضب العالم العربى نتيجة موقفها الأخير الخاص ببث مباريات كأس العالم الجارى بروسيا عبر قنواتها المفتوحة.

وتلاعبت القنوات القطرية بالمشجع العربى فى كل مكان نتيجة وعودها المزيفة والتى تراجعت عنها دون أى مبررات رغم الإعلان عنها بشكل رسمى وفى بيان رسمى للقناة.

وكانت bein sports أعلنت بشكل رسمى إذاعة 22 مباراة من منافسات كأس العالم وحددتها
كما أعلنت إذاعة مباراتين من دور الـ16 بالإضافة إلى ثلاث مباريات من دور الـ8، وستبث مباراتي نصف النهائي والمباراة النهائية للمونديال.

وعلى الرغم من قيام القنوات القطرية بالفعل ببث بعض المباريات عبر شاشتها المفتوحة إلا أنها أخلفت وعودها فى الكثير من المباريات التى حرمت المشجع الكروى العربى من مشاهدتها نتيجة بثها بشكل حصرى عبر قنواتها المشفرة.

وجاء موقف الاتحاد الدولى للعبة ليفتح العديد من التساؤلات نتيجة عدم وجود أى رد فعل من قبل الفيفا برئاسة السويسرى إنفانتينو على مخالفة القنوات القطرية لاتفاقها بإذاعة 22 مباراة عبر شاشتها المفتوحة وهو ما يثبت تواطؤ الاتحاد الدولى مع القناة القطرية فى حرمان العالم العربى من مشاهدة مباريات كأـس العالم رغم أن مونديال روسيا الجارى يشهد مشاركة 4 منتخبات عربية وهى مصر والسعودية والمغرب وتونس

[elostaz]

مصالح يا استاذ حسام منهم لله

[ابومختار]

يا استاذ حسام القناة بتنقل عادي علي المفتوح
مباريات المغرب وتونس لم تنقلهم بناء علي طلب المغرب وتونس علشان اشتروا مباريات منهم علي البث الارضي هناك وعلشان الاعلانات والربح التجاري اتفقوا معاهم علي كدا
غلطتك الوحيدة انك نزلت جدول في مشاركة سابقة وكتبت عن المباريات اللي هتتذاع واذيع غيرها وما عليك غير التريث في نقل اي خبر وخاصة من بتوع قطر بيعرفوا يلعبوا بالناس كويس قوي
انما في بث 22 ماتش هيكون فيه 22 ماتش منقولين لنهاية المونديال

[الحسام المنتصر]

المشاركة الأصلية كتبت بواسطة ابومختار

يا استاذ حسام القناة بتنقل عادي علي المفتوح
مباريات المغرب وتونس لم تنقلهم بناء علي طلب المغرب وتونس علشان اشتروا مباريات منهم علي البث الارضي هناك وعلشان الاعلانات والربح التجاري اتفقوا معاهم علي كدا
غلطتك الوحيدة انك نزلت جدول في مشاركة سابقة وكتبت عن المباريات اللي هتتذاع واذيع غيرها وما عليك غير التريث في نقل اي خبر وخاصة من بتوع قطر بيعرفوا يلعبوا بالناس كويس قوي
انما في بث 22 ماتش هيكون فيه 22 ماتش منقولين لنهاية المونديال

[ibrahim2000]

للتنويه لم يبث مباريات للمنتخب المغربى والمنتخب التونسى لانهما بيذعوى ارضى عندهم بخلاف مصر والسعوديه

[مصطفى عبد التواب]

جـــــــــــــــــزاك الله خــــــــــــــــيرا​

[magiabdo]

قناه عملاقه وحرفيه 100/100 وانتم تنظرون لها لانها قطريه لو كانت سعوديه او امارتيه كنتم غنيتوا ليها تسلم الايادي

[magdy70]

مش كفاية انها زاعت مبارايات مصر والسعودية اللي البلد معرفتش تجيب مباراة واحدة مش عارف ان زاعت ما هو عاجب وان ما زاعت ماهوو عاجب بردو مش عارف انتوا عاوزين اية بالظبط

[اليياسر]

المشاركة الأصلية كتبت بواسطة magdy70

مش كفاية انها زاعت مبارايات مصر والسعودية اللي البلد معرفتش تجيب مباراة واحدة مش عارف ان زاعت ما هو عاجب وان ما زاعت ماهوو عاجب بردو مش عارف انتوا عاوزين اية بالظبط

ولا
تزعل نفسك كل واحد عمال يهري في أي حاجه والسلام ومحدش عارف حاجه أهو صاحب الموضوع طلع رزع كلمتين ومحدش شافه تاني

[بلبل سكران]

فى اول الامر قبل انطلاق كأس العالم كتير مننا قال فى قنوات بديله كتير وتولع بين سبورت مش عايزين منهم حاجه طيب لما احنا عندنا البديل بنصرح ليه من بين سبورت خليك فى البديل

[فيوتشر مان]

صاحب الموضوع
اقرا كويس وبعدين اكتب الموضوع
يجب مراجعه المواضيع من قبل ريئس القسم
وحذف المواضيع التى لا اساس لها من الصحه وانذار صاحب الموضوع

[Really_Smart]

يا راجل دي اذاعت ماتشات اكتر من اللي وعدت بيها علي المفتوح
حتي بي ان ماكس المشفرة اصلا للاشتراك فتحت شفرتها في ماتش البرازيل وكوستاريكا وماتش كمان

انت مغيب يا باشا

[mohamed abbas i]

والله حتي الان انا شايف انهم مش مقصريين يكفي بثهم لمباريات مصر علي المفتوح

[isah2]

انا معرفش هو بينقل من مواقع وبيجي ينشرها ودايما كدا بنفس الطريقة
كفايه خلق فتنة الله يكرمك

[وليد عبد العزيز]

هم بيذيعوا مباريات على المفتوح
لما ابو ظبي الرياضية تاخد البطولات مش هتذيع حاجة ومحدش هيقول ده احتكار
ومحدش يقول أنه افتراض سابق لأوانه
أيام ART السعودية محدش شاف مباراة منهم على المفتوح
وأيام الدوري الانجليزي مع أبو ظبي الرياضية كان أغلى اشتراك ومحدش قال احتكار
الرياضة بقت فلوس
الغرض مرض ...