[ايمن شوشه]

شرح تشغيل اي دائرة بور مهما كان العطل او عدم وجود اي سي
الحقيقة نزل دائرة kly-mk21c/100w
ودى بتحل محل اي سي البور ومملكته الصغيرة (ما قبل الشوبر او التشوك)
بتركب علي دايرة بور التلفزيونات
وبفضل الله أنا اول من ركبتها علي دوائر بور الرسيفرات
والحقيقة شغلت دوائر كتير مكنش ممكن نعوض خوارج الفولتيات بالدوائر الصينى الموجودة في الاسواق لان بها خوارج فولت مش موجودة بالدوائر الصينى
وتم تشغلها بامتياز بهذه الفرعونة الصينية الصغيرة kly-mk21c/100w

وطبعا بتخرج نفس الفولتيات الموجودة بالدائرة المطلوب تصلحها
ودى صورة الدايرة المطلوبة



والدايرة بها 3 اسلاك فقط مطلوب توصيلهم علي دائرة الرسيفر التالفة
ولكن لابد من فك اي سي البور من الدائرة التالفة
وكما هو بالصورة الاتية صورة دائرة تالفة


ونتعرف علي الدايرة التالفة من الوجه المطلوب لحام اسلاك الدائرة المساعدة الجديدة به



طبعا اولا كما هو محدد بالصورة المطلوب موجب وسالب المكثف الكبير 450 فولت \ 22 ميكرو وايضا في مكثفات 47 ميكرو وفيه 68 ميكرو وكلهم علي 450 فولت
يتم لحام السلك الاسمر بالطرف السالب بالمكثف
يتم لحام السلك الازرق بالطرف الموجب بالمكثف
يتبقى سلك الشوبر او التشوك
وهو السلك الأحمر يتم لحامه في طرف الاي سي الواصل الي رجل من ارجل الشوبر
وبكدا تم توصيل الدايرة بنجاح
يتبقي شيء مهم جدا
الترانزستر الموجود بالدايرة المساعدة الجديدة لابد ان يتم ربطه بمسمار في اى تبريد
او في مسمار من القاعدة ويوضع تحته العازل الحراري والعازل بيجى فى كرتونة الدائرة منعا للتلامس لان الترانزستر به من الخلف قاعدة تلامس

بصراحة دائرة جميلة جدا وحلت مشاكل كتير

[شادى صلاح]

هل تنفع لتليفزيون جولدىبوم باستيك 34 بوصه وياريت شرح توصيلها

[أبو هيثم]

[ايمن شوشه]

تنفع ياغالي زى الصاروخ
وتوصلها بالمثل
هترفع اي سي البور يعنى تفكه من دايرة التلفزيون وارميه في الشارع
وتراجع واحدة واحدة مكان اطرافه هو في اغلب التلفزيونات بيكون 3 اطراف صح
الطرف اللي في المنتصف هو اللي واصل بالشوبر
وهو اللي حضرتك هتلحم فيه السلك الأحمر
والطرف الاسمر والازرق هتلحمهم في المكثف الكبير بعد دائرة التوحيد او الدايودات
المكثف ده غالبا بيكون 450 فولت علي 220 ميكرو فراغ
الطرف الاسمر في السالب
والطرف الازرق في الموجب
بس لابد من رفع البوت او المقاومة المتغيرة الموجودة في الدايرة الجديدة
طبعا ظاهرة امامك لونها اصفر هتزودها يعنى تلفها بمفك
الي ان يتم خرج الفولت المطلوب ويشتغل التلفزيون
طبعا رفع البوت للتلفزيونات فقط وعن تجارب كثير لابد من رفعه حتى يرتفع الفولت
اما في الرسيفرات فحزارى ثم حزارى لمس هذا البوت

[أبو هيثم]

الصورة رقم 3 غير ظاهرة ممكن تكبيرها أستاذ أيمن

[ابو نورا]

شرح جميل ومميز من انسان اجمل بارك الله فيك وجعلة فى ميزان حسناتك

[ايمن شوشه]

المشاركة الأصلية كتبت بواسطة mohamed_asd

الصورة رقم 3 غير ظاهرة ممكن تكبيرها أستاذ أيمن

اتفضل ياغالي الصور كبرها براحتك

[أبو هيثم]

ممكن نعرف سعر الدائرة تقريبا kly-mk21c/100w

[أبو هيثم]

طلب منك أستاذ أيمن أنك ترفع لي علي المنتدي دائرة باور صيني وتحدد لي القطع عليها بخط كبير

[ايمن شوشه]

جارى ياغالي كل ماتتمناه
واسف مرة تانية علي انى مش قادر اتواصل معاك علي الياهو

[أبو هيثم]

ولا يهمك يا غالي

[أبو هيثم]

[أبو هيثم]

المشاركة الأصلية كتبت بواسطة ايمن شوشه

جارى ياغالي كل ماتتمناه
واسف مرة تانية علي انى مش قادر اتواصل معاك علي الياهو

[أبو هيثم]

[وليد محمد محمد]

شكرا على الجهد المذوبل