[المهندس سـات]

هذا العمل إهداء إلى منتدى مصراوى سات والإدارة والقائمين عليه من مشرفين وأعضاء
الجهاز كان شغال 100% وفجأة فصل دون سابق إنذار قمت بعمل قفلة على زرار الباور الجهاز إشتغل فقمت بتركيب زرار باور أخر كل ذلك بحرص شديد جداً وبتجربة الجهاز وجدت الزراير لا تعمل ولمبة الشحن مضيئة بإستمرار نزلت للجهاز سوفت وبرضه نفس المشكلة وبشحن الجهاز لمبة الشحن لا تفصل وكانت قبل المشكلة عند وضع الشاحن فإن لمبة الشحن تضئ ثم تطفى 3 مرات وفى المرة الرابعة تستمر إيضائة لمبة الشحن وتفصل عند إكتمال الشحن قمت بتركيب سينسور ريموت والجهاز إشتغل بالريموت ولكننى شكيت فى عدد 3 أيسى 8 أطراف الموضحين فى الموضوع وفى المرفقات 2 أيسى بنفس الرقم وهو APM9435 والأيسى الأخر رقم LS2858A وترانزيستور رقم RegulatorTL431A - منظم الجهد فقمت بتغير الترانزيستور وشحنت الجهاز المبة عادت كما كان عند الشحن ولكنها برضه مضيئة مع تشغيل الجهاز والزراير كما هى لا تعمل وبسؤالى عن أرقام الأيسيهات لم أجدها متوفرة فقمت بسؤال أحد أصدقائى فنى تركيب فوجدت عنده شاسية جهاز كان ضارب شاشة فقمت بإستبدال الإيسيهات ولكن نفس المشكلة وفجأة ذهب تفكيرى إلى الأيسى STC12LE5202AD بجوار سوكت الزراير فقمت بإستبداله من الجهاز الأخر والحمد لله الجهاز عاد كما كان شغال بجميع خواصة
معلهش الشرح بالتفصيل الممل دى عاده عندى ولكننى حبيت أن أشارككم الموضوع للإستفادة منه
بعد إذنكم إستفسار بخصوص الأيسى STC12LE5202AD هل هو متوفر بمحلات قطع الغيار وفين ولا غير موجود

[تامر مسعد]

كل سنة وانت طيب يا هندسة
تسلم الايادى بلحق الفطار ومتابع بعد الفطار ان شاء الله

[المهندس سـات]

المشاركة الأصلية كتبت بواسطة تامر مسعد

كل سنة وانت طيب يا هندسة
تسلم الايادى بلحق الفطار ومتابع بعد الفطار ان شاء الله

وانت بألف صحة وسعادة بشمهندس تامر مسعد

[تامر مسعد]

والحمد لله الجهاز عاد كما كان شغال بجميع خواصة
معلهش الشرح بالتفصيل الممل دى عاده عندى ولكننى حبيت أن أشارككم الموضوع للإستفادة منه

تسلم الايادى مجهود كبير ربنا يحميك
بالنسبة للسؤال STC12LE5202AD
جارى البحث ولو عرفت شئ هبلغك ان شاء الله وانتظر ردود الاخوه
وجزاك الله خيرا وعملت ايه فى البطارية لقيتها ولا ركبت بديل

[محمد ياسر ابوكارما]

تسلم الايادى مجهود كبير ربنا يحميك

[samir fathy]

تسلم الايادى

[المهندس سـات]

المشاركة الأصلية كتبت بواسطة samir fathy

تسلم الايادى

حبيبى بشمهندس سمير فتحى تقبل تحياتى

[المهندس سـات]

المشاركة الأصلية كتبت بواسطة م/محمد ياسر

تسلم الايادى مجهود كبير ربنا يحميك

حبيبى ربنا يحفظك

[المهندس سـات]

المشاركة الأصلية كتبت بواسطة تامر مسعد

تسلم الايادى مجهود كبير ربنا يحميك
بالنسبة للسؤال

STC12LE5202AD
جارى البحث ولو عرفت شئ هبلغك ان شاء الله وانتظر ردود الاخوه
وجزاك الله خيرا وعملت ايه فى البطارية لقيتها ولا ركبت بديل

لما فكيت الغلاف بتاع البطاريه لقيت عدد 2 بطاريةمتصلين على التوالى ومجمعين على شريحة الشحن فبحثت وسألت لحد ما جبت 2 بطارية تاب من محل موبايلات منفعوش وسألت فى الأسكندرية ملقيتش البطارية على بعضها ووجدت فى محل نفس البطاريات من غير غلاف جبت اثنين ووصلتهم على شريحة البطارية التالفه علشان مبيشتغلوش على الشرائح إلى جاية معاهم
وفى إنتظار الرد بخصوص هذا الأيسى
STC12LE5202AD

[تامر مسعد]

شكر لك على موضوع البطارية وان شاء الله ربنا يسر الحال بعد العيد لما اروح اشوف قطع غيار ابقى اسال عليه

[عبدالفتاح جابر]

الله ينور عليك يانجم

[sanbad323]

الله ينور
وللعلم بطارية السات لينك لو تقصد ال 7.4 الزرقاء
فهي بتتباع جديدة في ------- لسه سال عليها امبارح

ممنوع ذكر اسماء وعنواين محلات

[المهندس سـات]

المشاركة الأصلية كتبت بواسطة عبد الفتاح2011

الله ينور عليك يانجم

وعليك يا بشمهندس عبدالفتاح كل عام وأنتم بخير

[المهندس سـات]

المشاركة الأصلية كتبت بواسطة sanbad323

الله ينور
وللعلم بطارية السات لينك لو تقصد ال 7.4 الزرقاء
فهي بتتباع جديدة في ملك حفني ف الاسكندرية لسه سال عليها امبارح

وعليك يا حبيبى وإن شاء الله لما أروح اسكندرية هأبقى أجيب واحده إحتياطى بس ساعة ما بأحتاج الحاجة مبلقيهاش

[سالم الشنيطى]

المشاركة الأصلية كتبت بواسطة المهندس سـات

وعليك يا حبيبى وإن شاء الله لما أروح اسكندرية هأبقى أجيب واحده إحتياطى بس ساعة ما بأحتاج الحاجة مبلقيهاش

البطاريه السات فيندر موجوده في الملك حفني بالاسكندريه اول الشارع بعد الجامع بعد المزلقان