[foghfog]

أقوم بمحاولة تمرير سوف إنقاذ للجهاز نظرا لوجود تكسير وتقطعات بالأشارة ومع إتباع الخطوات وظهور كلمةFACT



يقف الجهاز على تلك الصوره وتظل كلمة T TO تظهر وتختفى تركتة أكثر من نص ساعه ولا يقبل السوفت فما الحل.

[foghfog]

هل هناك طريقه للعودة لسوفت أقدم أو إعادة الجهاز وفرمته بشكل كامل وإنزال سوفت من جديد

[foghfog]

بإنتظار المساعده

[foghfog]

بإنتظار المساعده

[م/محمدزيان]

اخى الغالى اسف للتأخير فى الرد
ظهور كلمة t to على الشاشة
سببها حاجتين
1- ان الفلاشة مش مقرية وممكن تكون محتاج تغير الفلاشة ال عليها السوفت وحاول انها ما تكونش اكبر من 4 جيجا فمبدئيا غير الفلاشة
2- انه يكون قارى الفلاشة بس مش قادر يتعرف على الملفات ولازم تستبعد ده عن طريق ان الفولدر spark بالاسم ده بالضبط ولازم يكون موجود اول ما تفتح الفلاشة
وكمان الملفات جواه تكون موجودة مباشرة بدون ضغط او فولدرات تانية

[م/محمدزيان]

نسيت اذكرك بطريقة رفع سوفت الانقاذ
بعد رفع السوفت من المنتدى وفك الضغط عنه
حتلاقى ملفين داخل المجلد spark
و هم: mImage و userfsub.img
لازم يكون الملفين جوة ملف spark مباشرة وبدون ضغط
3. ضع المجلد spark و كل ما يحتويه في فلاشه خاليه لا يوجد بها سوي الفولدر spark
ملحوظه :- يجب ان تكون الفلاشه خاليه من الفيروسات و يستحسن ان تكون مفرمطه ويجب ان يكون امتداد الملفات هكذا
C:\spark
4. أطفئ الجهاز من الخلف ثم ضع الفلاشه في منفذ USB الخاص بالرسيفر يفضل المنفذ ال فى الخلف
5.إضغط على زر الباور (standby) في الواجهة و إبقى ضاغط خمس ثواني ثم افتح الجهاز من الخلف مع عدم ترك زر الباور (standby) حتى ترى [Forc] في الواجهة ، دع زر الباور (standby)
6. ثم إضغط على الزر الأيمن في الواجهة (V+) سترى [U LD]
7.إضغط على زر الباور (standby) في الواجهة و اصبر
8. اذا تم التحميل بنجاح سترى في الواجهة [SUCC]

لو الطريقة منجحتش كرر الطريقة اكثر من مرة لحد ما تنجح ولازم تتأكد ان السوفت تمام وخاص بالمعالج بتاع التوب بوكس

بالتوفيق اخى واى استفسار متواجد معاك ان شاء الله

[foghfog]

الأستاذ الغالى م/محمدزيان مشكور جدا على الرد وفعلا انا بستخدم فلاشه 8 جيجا جارى تغير الفلاشه والتجربه

[م/محمدزيان]

إن شاء الله توفق ياغالى
وعلى فكرة المشكلة دى قابلتنى كتير وكنت بحلها فعلا بالطريقتين ال قولتهم لك وكان الأغلب الفلاشة
وياريت لو منجحتش معاك كرر رفع السوفت اكتر من مرة و
إن شاء الله توفق فيها
واى حاجة انا موجود معاك قدر المستطاع