[ahmedalsyed72]

السلام عليكم ورحمة الله وبركاته
الساده الأفاضل كما تعودت منكم ارجو منكم مساعدتى هل العدسه فوجى EH جيده ام لا لأنى لا استطيع استقبال ترددات كثيره بها كما انى لا استطيع احكام ربطها فى الفلانشه الخاصه بها لأن زورها رفيع جدا على فلانشتها .. ارجو المساعده اذا كانت العدسه جيده فالعيب منى لأن لا اجيد ظبطها وبالنسبه للربط انا لافيت شريت لحام حول الزور ولكن الموضوع فشل وهى تتحرك داخل الفلانشه هل هناك حل .. اعتذر للأطاله وشكراً لكم

[ahmedalsyed72]

حبيت اضيف ان العدسه سوف تركب لطبق 2.4 متر متحرك

[hamada samir]

لو لقيت عدسة أريون 35 هتكون أفضل في الترددات السوبر

[ahmedalsyed72]

المشاركة الأصلية كتبت بواسطة hamada samir

لو لقيت عدسة أريون 35 هتكون أفضل في الترددات السوبر

الاخ الفاضل اشكرك على اهتمامك بالرد ولكن العدسه الاريون 35 غير موجوده فى باب اللوق فى جميع محلاته .. وسؤالى عن العدسه المرفق صورها هل جيده ام لا وهل هى الاصليه ام تقليد مع باقى استفساراتى.. اشكرك مره اخرى

[XYZA]

لو العدسه ديه اللى مكتوب على زورها فوجى بالبارز يبقى هى العدسه اللى عندى واعتقد انى كنت شاريها من 2005
هى كانت مركونه ولا ايه لان شكلها جديد والافضل لو هتركبها يبقى تغطى زورها حفاظا على الابره من التلف
العدسه كويسه وهتبقى مناسبه مع طبق 2.4 ولازم تظبط البعد البؤرى كويس لطبقك وده بيبقى حسب قياسات الطبق نفسه من عمق وقطر من الشفه الداخليه للطبق
وكمان توجيه العدسه لمركز الطبق او بؤرته وانصحك تظبط على استرا 19 تردد 12226
وبعدين تتأكد من تردد 11953 لان لوقدرت تلقط الترددين دول باشاره محترمه هتستقبل حاجات كتير لو مدارك مظبوط

[ahmedalsyed72]

اشكرك اخى الفاضل xyza على اهتمامك بالرد على مشكلتى هى فعلا مكتوب علي زورها fujilnb وفعلاً هى كانت مركونه من اكتر من 5 سنين لأن الفنى اللى جبته يركب ماعرفش يظبط الطبق وقتها وكان طبق 180 وجبنا وقتها عدسه ب 10 جنيه وظبط عليها .. المهم افهم من كلام حضرتك انها عدسه كويسه . بس عندى مشكله ان زورها رفيع على الفلانشه بتاعتها ولما بركبها بتتحرك جوه الفلانشه فلفيت شريط لحام علي زورها ومع سخونه الجو برضه بتتحرك ومش ثابته .. مش عارف اعمل ايه ممكن مساعدتك فى دا .. واشكرك مره تانيه على ذوقك واهتمامك

[XYZA]

هى يا غالى العدسه اللى عندى وهى جيده وهتستقبل بيها تمام ان شاء الله واسف لانى نسيت الرد على الجزء التانى من سؤالك وعلى فكره كانت نفس مشكلتى وحلها سهل

[XYZA]

[XYZA]

اتمنى تكون الصور شرحت حل المشكله واى حداد هيقوم بالواجب
الافضل هتفك الجناحين الحديد الخاصين بزور العدسه من الفلانشه وتربطهم بالمسمارين الخاصين بيهم علشان الثقبين الجداد يكونوا متطابقين والافضل انهم يكونوا قريبين جدا من مكان تركيب زور العدسه علشان وانت بتربط تضمن احكامها
او اعمل زى الصور بالظبط انا تعمدت تصويرها من كل اتجاه

[ahmedalsyed72]

المشاركة الأصلية كتبت بواسطة XYZA

اتمنى تكون الصور شرحت حل المشكله واى حداد هيقوم بالواجب
الافضل هتفك الجناحين الحديد الخاصين بزور العدسه من الفلانشه وتربطهم بالمسمارين الخاصين بيهم علشان الثقبين الجداد يكونوا متطابقين والافضل انهم يكونوا قريبين جدا من مكان تركيب زور العدسه علشان وانت بتربط تضمن احكامها
او اعمل زى الصور بالظبط انا تعمدت تصويرها من كل اتجاه

الله ينور عليك انت عبقرى .. خالص شكرى واحترامى .. ان شاء الله بعد العيد هنفذ فكرتك وابلغك بالنتيجه .. كل سنه وحضرتك وكل اعضاء المنتدى والقائمين عليه بخير وصحه ..

[XYZA]

المشاركة الأصلية كتبت بواسطة ahmedalsyed72

الله ينور عليك انت عبقرى .. خالص شكرى واحترامى .. ان شاء الله بعد العيد هنفذ فكرتك وابلغك بالنتيجه .. كل سنه وحضرتك وكل اعضاء المنتدى والقائمين عليه بخير وصحه ..

وانت طيب وبخير وسعاده تحياتى ليك

[ahmedalsyed72]

الأخ المحترم XYZA الحمد لله ظبطت العدسه جو الحديده بتاعتها عن طريق فكرتك (مرفق صوره) وادعيلى اقدر اظبط المدار واشكرك على تعبك ولو فيه نصيحه لظبط المدار ارجوك قولهالى .. اشكرك

[XYZA]

مبروك يا غالى
بالنسبه لتركيب الطبق كنت افضل اعرف نوعه ولو صوره للبولار وحرف u هتفيد كتير لكن عموما انا هرفعلك صوره للبولار الخاص بطبقى
ظبط المدار محتاج صبر لكن فيه اساسيات ضروريه جدا قبل التركيب وتظبيط المدار
اولا القاعده او الاستاند الحامل للطبق لازم يكون موزون بميزان من كل الاتجاهات لان اى ميل هيسببلك مشكله مع المدار
ثانيا الطبق يكون سليم بدون فتل يعنى بالبلدى مش ملووح او واخد خبطه جامده ولوفيه احرف متنيه مهم استعدالها قبل التركيب ولعلاج الفتل لو موجود بتكفى الطبق على وشه وانت وواحد تانى تدوس على احرفه وانتوا قصاد بعض وفيه مواضيع كتير هنا بتتكلم عن علاجه
ثالثا البعد البؤرى يكون مظبوط وكمان وجود العدسه فى بؤره الطبق وديه ممكن عن طريق ماسوره مياه نص بوصه بطول 30 سم تركب مكان العدسه وبعينك منها تشوف اذا كان متوجهه لمركز الطبق ولا لا وتحاول تركزها على المركز وطبيعى لما تركب العدسه هتبقى فى المركز
الجلب النحاس وعدم وجود بوش فى الطبق مهم ايضا
لو كل ده تمام يبقى مفيش مشكله ان شاء الله

[ahmedalsyed72]

المشاركة الأصلية كتبت بواسطة XYZA

مبروك يا غالى
بالنسبه لتركيب الطبق كنت افضل اعرف نوعه ولو صوره للبولار وحرف u هتفيد كتير لكن عموما انا هرفعلك صوره للبولار الخاص بطبقى
ظبط المدار محتاج صبر لكن فيه اساسيات ضروريه جدا قبل التركيب وتظبيط المدار
اولا القاعده او الاستاند الحامل للطبق لازم يكون موزون بميزان من كل الاتجاهات لان اى ميل هيسببلك مشكله مع المدار
ثانيا الطبق يكون سليم بدون فتل يعنى بالبلدى مش ملووح او واخد خبطه جامده ولوفيه احرف متنيه مهم استعدالها قبل التركيب ولعلاج الفتل لو موجود بتكفى الطبق على وشه وانت وواحد تانى تدوس على احرفه وانتوا قصاد بعض وفيه مواضيع كتير هنا بتتكلم عن علاجه
ثالثا البعد البؤرى يكون مظبوط وكمان وجود العدسه فى بؤره الطبق وديه ممكن عن طريق ماسوره مياه نص بوصه بطول 30 سم تركب مكان العدسه وبعينك منها تشوف اذا كان متوجهه لمركز الطبق ولا لا وتحاول تركزها على المركز وطبيعى لما تركب العدسه هتبقى فى المركز
الجلب النحاس وعدم وجود بوش فى الطبق مهم ايضا
لو كل ده تمام يبقى مفيش مشكله ان شاء الله

تعجز الكلمات عن شكرك .. معلومات قيمه سوف التزم بها وخاصة البعد البؤرى وسانتظر صورة البولار الخاص بطبقك

[XYZA]