[ابوبوشكا]

السلام عليكم انا بغضل الله بركب معظم الاقمار وبعمل سوفت وفى الصيانه مش قدكده انا بفكر افتح محل انا بركب لناس كتير وبعمل سوفتات بس عاوز اعرف اسعار التركيبات هل بتختلف من قمر لقمر لان انا مبعرفش احاسب وبحس سعات انه بيضحك عليا وانا مبقدرش اتكلم لانى معرفش وعاوز اعرف اجيب بضاعه جمله منين زى الاطباق والعدسات والريموت والرسيفرات وهل لو فتحت ربنا هيكرم انشاء الله ولا رايكم ايه يا ريت اهل الخبره يفيدونى وجزاكم الله خيرا ويرزقكم بالحلال يارب

[احمد مروان محمد]

سلام عليكم
اولا حضرتك انا عامل زيك كده عندي محل بيع وصيانه وسوفت وتحديث وتركيب
بس في كام خطوه مهمه
اهم شي حضرتك لو انت اللي بتركب الاطباق لازم يكون معاك حد تاني عشان لز حضرتك طلعت تركب شغل المحل لازم يكون مفتوح ويحجز الشغل ليك سواء صيانه او تركيب او تحديث لحد ماترجع المحل
ثانيا موضوع السعر لتركيب الطبق بتفرق مثلا طب 70سم غير متر غير 120سم كل شي وليه ثمن انما موضوع احدد كام بالظبط دي صعبه لانها بتختلف من مكان لاخر يعني المركز غير القريه غير المحافظه
لكن انا مثلا بركب احيانا الطبق 70سم مره 50او40ع حسب الزبون والمكان بتفرق اكيد
ثالثا موضوع تجيب بضاعه منين انا مقدرش طبعا اقول لحضرتك لان ده ممنوع ف مصراوي فمقدرش اقولك معلومه زي دي بعتذر جدااااا اكيد
اما بقي موضوع هيشتغل المحل او لاء ده رزق بتاع ربنا محدش يقدر يبقي ليه حيله فيه لكن هنا ممكن نسعي طب ازاي اقولك
اولا يكون المحل كويس يعني حجمه مش صغير ثانيا موقع المحل يفضل يكون ف منطقه سكانيه كبيره او ف شارع عمومي
وتحاول ف اول ايامك تخفض ف الاسعار حتي لو هتبيع بمكسب رخيص جداااا مثلا مكسب 5جنيه او حتي اقل ف الريسيفر لحد ما تربي زبون ويتعود ع المحل
الخلاصه هوه مشروع كويس جدااااا وربنا يوفقك ويسهلك كل امر عسير وحاول تضيف كام صنف مختلف من كل شي يعني تحيب مثلا طبق رخيص ومتوسط وغالي عشان مش كل الزباين مستوي واحد وتجيب ريموتات لكل الانواع بالذات المعالج ali
يارب اكون قدرت افيدك وبالتوفيق سلام عليكم

[احمد مروان محمد]

بالنسبه لموضوع تجار الجمله ممكن مشرفي القسم يفيدو حضرتك لو ينفع
اما موضوع الصيانه فانت ف العملااااااق مصراوي سات اي معلومه باذن الله هتعرفها ف مصراوي وده لان ف عباقرة ف الصيانه من مشرفين ومساعدين ف قسم الصيانه والسوفت والتحديث
تحياتي ليك

[ابوبوشكا]

شكرا للناس المحترمه جدا اللى بترد مش عارف اقولكم ايه والله بالنسبه للمكان هيكون فى شبرا ومكان كويس وهيكون موجود معايه اخويا انشاء الله هى المشكله بس فى موضوع الاسعار انى مش عاوز اظلم حد ولا حد يظلمنى واكون فى المعقول ولا اكتر من حد ولا. اقل. بس مش. اكتر والله وربنا يكرم الجميع