[مينا شهات]

مساء الخير عليكوا معلش انا جديد فى المهنه عندى رسيفر استرونج 4620iiالاول كان مش جايب غير ست قنوات عملت ضبط المصنع ونزلتله ملف قنوات جاب الف قناه بس مش جايب صوت ولا صوره مع ان الاشاره قويه جدا قست الlm117مخرج 13و18 قست كل المكونات سليمه ونزلت ملف تانى وبرده نفس المشكله وسخنت على الicوالكرستاله ومره وحده لاقيته جابلى لمبه حمرا واربع 88:88 غيرت كل مكثفات البور ورحت انزله فلاشه قالى لا البروسيسر باظ والنوع ده رجوله مدفونه وصعب يتفك ايه العمل هل البورده كلها بتتباع ولا ايه الحل ارجو الافاده وايه اللى بوظه هل ده عيب منى ولا ايه وشكرا طولت وهل اشترى واحد غيره للزبون ولا ده مش عيبى

[Mr.Mohamed Fatthy]

حضرتك بتقول
كان بيقبل ضبط مصنع و كان بيبحث و جايب 1000 قناة
كمان بتقول سخنت عليه ..
اكيد حضرتك استخدمت الهوت غلط لان التسخين بيكون بحذر

وانتظر ردود حيبنا المشرفين فى المنتدى

[مينا شهات]

اولا شكرا على اهتمامك انا فعلا ممكن اكون سخنت على البرسيسور بس بسبب قلت خبرتى طب ايه الحل وهل فى بورد مازر للسيفر ده بيتباع ولا خلاص باظ

[Mr.Mohamed Fatthy]

طبعاً البوردة الرئيسية لم تنزل حتى الان
ولكن دائرة البور بتكون موفرة

لو كنت محتاجها ضرورى لخروجك من المشكلة اللى حضرتك فيها

ممكن تلقاها عند احد الفنيين و لكن هيدهالك بسعر عالى
لانك تعتبر بتشترى ريسيفر .
لان هى الاساس

[مينا شهات]

مش مشكله بس اطلع من الموقف اللى عنده ياريت يقولى

[ahmed-saad]

أخى حضرتك مش محتاج كارتة باور

انت قولت ان الباور عندك سليم

حضرتك محتاج كارتة الماذربورد

ودى مش حتلاقيها حتى لو كانت تقطيع فأكيد حتلاقى فيها عدة اعطال

انت حاول تدخل جهاز مستعمل عندك مقابل جهاز الاسترونج وممكن تاخد فرق كمان

وانت وضميرك

[مينا شهات]

بص هو ده صحبى بس كل القصه انا خجلان انى ماعرفتش اصلح خصوصا ده اول جهاز امسكه يعنى سمعتى كده ممكن تبقى وحشه

[ahmed-saad]

أخى كلنا تعرضنا لهذه الأمور وخاصه فى بداية طرقنا

ودى فاتوره لابد من دفعها

بس انا عاوز اقول لك على حاجه

يجب على اى فنى مبتدئ ان يكون حريص كل الحرص

ولاكن قدر الله

وما شاء فعل

اعرض الأمر على صاحبك وحاول تدخله فى جهاز افضل منه

وادفع ثمن بداية طريقك

واتمنى هذا الأمر لايعوق مسيرتك فى المهنه
استمر واجتهد وكن حريص وربنا حيكرمك بأزنه وبفضلة

[تامر مسعد]

اخى الكريم
فى شغل الصيانه يجب عدم التسرع
المهم انك تاخد بالك من نفسك اولا ويجب أن تعرف ايدك تحت فين وفين لا وخليك معانا كلنا كنا مثلا فى يوم من الايام